فتحه السقف وتكنو وان

**mohamedaghali** · 14-07-2010 11:11 AM

السلام عليكم

حبيت اشارك معاكو تجربتى مع مشكله فى مفتاح فتحه السقف وضمان تكنو وان لعده اسباب:

1- التجربه اثبتت ان الناس فى تكنو وان فعالا محترمين حدا ويعملو على ارضا العميل وتسهيل كل شى له.
2- الضمان الخليجى برقبه الوكيل 100 مره.

اللى حصل انى من ساعه ما جبت العربيه و زرار فتحه السقف مش مظبوط, المهم يوم الجمعه اللى فاتت علق منى ,فكلمت المهندس احمد الشحات يوم السبت الصبح فقالى تعالى نكشف عليه ,بعد الكشف اتضح ان فى فيبره جوه المفتاح مكسوره , المهم حاولو يجبولى مفتاح جديد مالقش خالص.
قالى المهندس تامر و هوه شخصيه محترمه جدا هادورلك عليه و اكلمك يوم الاثنين.
كلمت المهندس تامر يوم الاثنين قاللى لسه بندور عليه و مش موجود, كلمت التوكيل قالولى موجود فى ابو رواش
المهم المهندس تامر كلمنى باليل و قالى انه مش لاقى المتاح تماما فقلتلوه انه موجود فى ابو رواش و انى ممكن اجيبه من هناك فقالى كويس و هاتلى فاتوره وانا احسبك عليه لانه هايتغير فى الضمان.

روحت امبارح ابورواش سالت عالمفتاح قالولى مافيش غير واحد فى فرع روكسى ,قلت ازاى انا اتصلت و قولتولى انه فى ابو رواش قاولى محصلش!!!!!

المهم روحت روكسى و جبته من هناك و روحت تكنو وان قابلنى المهندس تامر و ركبهولى فى 5 دقايق و استردت الفلوس.

بصراحه انا كنت لازم اشكورهم لان فى فرق كبير فى التعامل معاهم ومع التوكيل.