بالنسبة الموضوع رائع جدا وشكرا علي طريقة القائة
بالنسبة للتعديل فانا شايف ان العربية لما تتعدل صح بتفرق جامد في حاجات كتير واهم من التعديل النظافة في التعديل والشغل يعني مش عشان اركب فلتر اخرم شبكة او حط ماسورة او خلافة !
التعديل دة لية ملوكة وانا احب اشكر واحد قمة في الاحترام اسمة حمادة غزي في بور سعيد بجد راجل فاهم ونظيف
انا عامل تعديل في حاجات كتير في الليون :
اولا طبعا فلتر الهوا الكي اند ان
وطبعا ميزة الفلتر الي انا مركبة انة نفس حجم وشكل الفلتر الاصلي يعني شبل وحط بنفسك من غير اي شغل عك !
وطبعا انا جبت طقم التنظيف وبنظفة كل 10 الاف عندي في البيت وطبعا السحب رائع واستهلاك بنزين محترم والفلتر بيعيش طول العمر
بالنسبة اهم تعديل انا شايفة اكيد هوة تعديل الفرامل
طبعا الليون مش محتاجة كلام عن قوة الفرامل بس انا بحب الامان جدا بالذات هنا في المحروسة والسيرك الي عالطريق الزراعي والصحراوي وغيرة
طبعا انا عدلت الفرامل الامامية بتركيب طنابير وتيل بريمبو سيراميك
طبعا الاداء بتاع الفرامل مش معقول خاصة ان التيل والطنابير دول بيستخدموا للعربيات البورش والفيراري علي اساس ان السرعة العالية لازم تقابل اداء فرامل اعلي والا الحسبة هتبوظ
بالنسبة للفوانيس الامامية انا شفت طقم رائع عند حمادة غزي زب الار 8 بتاع الاودي بس غالي شوية ان شاء الله هبقي اجيبة
بس انا عملت تعديل كوبس :
جيبت طقم لمبات فيليبس دايموند فيجن . رائع وعلي اعتقادي المتواضع انة احسن من الزينون لان الزينون مشاكلة واضرارة اكتر من فوايدة انا مبحبوش خالص لان لي بيركبة بيركبة للاذية في اغلب الاحيان
طبعا الطقم الي كان موجود برضة كان فيليبس وجامد بس النور الابيض لية طعم تاني خالص
بالنسبة للكراسي عملت طقم جلد عند علياء في مدينة نصر طبعا مش محناج كلام عن الناس دي . والنتيجة مبهرة
وبالنسبة للصوت ركبت سماعتين كينوود ورا علي الكاسيت والاداء طبعا بتاع الصوت تحسن جدا علما ان الليون مجهزة لاربع سماعات اضافية مش متركبين ووصلاتهم موجودة وطبعا الاستاذ محمد سمير باشا هوة الي ركبهم باحتراف
بالنسبة لغطا الماتور :
الليون بتنزل من غير غطا عالماتور . والغطا دة هوة بتاع الجولف والجيتا والاودي اي 3 . طبعا هوة مالوش لازمة لا انة بيحمى الماكينة من التراب والمية المباشرة
ودة جبتة استيراد اصلي وحظي انة كان لسة جديد وركبتة بعلامة الفولكس علية شكلة جامد وعلي فكرة بيهدي صوت الموتور.
هية دة قصة التعديلات مع الليون ادعولي اجيب طقم الفوانيس الجديد هتبقي وهم وان شاء الله ارفع لكم الصور قريب
المفضلات