هل ترى ان الغاء التقاطعات و تحويلها الى (u turn) نجح فى حل ازمة المرور ام زاد الطين بلة ؟؟
1 - نجح بشكل فعال فى حل ازمة المرور
2 - نجح بشكل محدود فى حل ازمة المرور
3 - لم ينجح فى حل ازمة المرور
عرض للطباعة
هل ترى ان الغاء التقاطعات و تحويلها الى (u turn) نجح فى حل ازمة المرور ام زاد الطين بلة ؟؟
1 - نجح بشكل فعال فى حل ازمة المرور
2 - نجح بشكل محدود فى حل ازمة المرور
3 - لم ينجح فى حل ازمة المرور
رأيي انه ليس الحل الأمثل لكنه نجح بشكل محدود لأنة الغي مشكلة التقاطعات لكنه بالمقابل ادي الي انخفاض السيولة في المحاور الرئيسية نتيجة الدوران من اقصي اليمين الي اقصي اليسار ثم العودة من اقصي اليسار الي اقصي اليمين بالاضافة الي خطورة عملية U turn وما تؤدي اليه من حوادث
مش لكل الأماكن
يعني الموضوع ده لسه مفكر فيه ونا راجع لبيتنا دلوقتي من الشغل
ده غبي فعلا
لأنه مع الزحمة ويكون في بعد طالعة شارع رئيسي بتبقى قرف
الأحسن انك تقف في اشارة ولا نقعد ندخل في بعض بالمنظر ده
وواحد يحدف عليك ويقولك اشارة
طيب يا عمي الحاج انت عملت الأشارة وانت جمبي انا اشوفها ازاي
وفيه اللي بيحد من غير اي حاجه واوعى وشك انت بقه
وده لأن الواحد منهم بيجي من اليمين للشمال علشان اليو ترن دي
دي تنفع في المناطق الغير مزدحمة بدل ما يبقى ميدان وكل واحد يقف شويه ومفيش حد الناحيه التانيه فكله يمشي احسن مع اليو ترن اللي رايح واللي جاي
الغاء التقاطعات .. وعمل اليوتيرن ..دة وان دل فهو يدل على ( غبااااااااء ) مهندسين الطريق الى فكرو فى الفكرة الفاشلة دية .... وابسط مثال شارع جامعة الدول العربية فى المهندسين , ومدينة نصر عباس العقاد , مصطفى النحاس .
انا كنت شوفت من حوالى 5 شهور لقاء مع عميد كلية الهندسة وكان بيتكلم على ان فكرة اليو تيرن دية عملوها لان المصرين مش بيحترمو اشاره المرور ( على حسب كلامه ) ...
ودة فكرنى بالنكتة بتاعت الصعيدى الى طلعلو كالو فى صباعة فقطعة بدل مايعالجة .
ودة الى حصل بدل مانحط كمرات مراقبة على التقاطعات الرئيسية .. لا نلغيها تماما ونبوظ الدنيا اكتر ماهية بايظة ....
فعلااااااا فعلا البلد بتتحرك .
بشكل جزئى ممكن نقول حل مؤقت..
انا شايف يعملوا كوبرى فى إتجاه و يسيبوا الإتجاه التانى شغال أفضل بكتير.
والافضل من ده كله الناس تخرج للمدن الجديدة!
يعني يا جماعة الحل ده لازم يكون من ضمن منظومة متكاملة اعتقد منها الاتي :
1 - عمل كباري في الكرق المحورية التي بها محاور متقاطعة كثيرة
2 - توفير و فتح الجراجات المغلقة و تشجيع بعض المستثمرين علي هذا النشاط و دعمه من الدولة
3 - تشديد العقوبات و تنفيذها علي ركن العربيات المخالفة
4 - تطوير اشارات المرور و جعل تعمل اليا وتاخد ارقاام السيارات اليا لضمان حدوث الالتزام
5 - دا بقا في رايي اهم من كل اللي فات
"اننا يكون عندنا في البلد دي نية حقيقية للتغيير للاحسن "
دا اغبى حل لمشكلة التقاطعات - فى الاشارة ادينا مستنيين شوية و بعدين نمشى فى طريقنا - فى ال يو زفت احتمالات الحوادث بتزيد 4 مرات
ايه اللي بيعملوه ده دا لو في اتجاه واقف كده هايؤثر على الاتجاه التاني لأن كل السيارات اللي هاتعمل اليو ترن هاتكوم في الاتجاه اللي ماشي. وبكدة يكونوا نجحوا في ازحام الاتجاهين
واهو برده كله في مصلحة السمكرية وبتوع قطع الغيار وحسبنا الله ونعم الوكيل جم يكحلوها عموها
ال U ترن هو السبب الاساسى فى إختفاء عساكر المرور
ياترى مين وراهم ...؟
:confused::confused::confused::confused:
الموضوع دة فاشل بنسبة 100% و الدليل على كدة طريق النصر و ال uturn الشهير الموجود فية و اليحولة من شارع سريع وواسع الى شارع يخنق و يسد النفس و دة بسبب ان فية ناس بتيجى من اقصى اليمين و عاوزة تدخل ال uturn
- نجح بشكل محدود فى حل ازمة المرور
رأيي بصراحة انها زادت الطين بلة و بقى القانون (بدل إحترام إشارة المرور زاي أي مكان في العالم) هو شريعة الغاب بتاعة البقاء للاقوى من ميكروباص و تاكسي متهالك إلخ و اللي خايف على عربيته يبعد :mad:
يا جماعة اللي بيحصل في الشوارع المصرية ده أسمه عك في عك و سلطة بالكوسة
المهم .... كنت مرة مع واحد أجنبي و بص على الشارع و قالي هو اللي صمم شوارعكم يا إما كان سكران .... يا إما غبي
و طبعا شرطة المرور و رجال الهندسة العباقرة لا يحاولون حل أي مشكلة من جذورها ... و أنا مش عارف أيه موضوع الكباري اللي الناس كل شوية تقول عايزين كوبري ........ لا يا سادة أحنا مش عايزين كباري و مش ناقصين مصاريف على الفاضي
أحنا ناقصنا حاجة واحدة بس في مدينة الملاهي الكبيرة المصرية
ألا و هي النظام ...... ثم النظام ..... ثم النظام
و من واقع الخبرة يتبين أن الشعب المصري ليس من الشعوب الميالة لاتباع القواعد و النظام و أيضا لغياب الصبر و احترام الغير .
لذلك يجب تطبيق القانون بصرامة و أقول صرامة
يعني لما حمار يعمل غرزة قدام واحد .... المفورض يدخل السجن زي بلاد بره بتوع الكباب و الطحينة على رأي فيلم الارهاب و الكباب
و لما حمار ييجي من أخر اليمين و يروح كاسر عليك علشان يخش يو تيرن لازم برضه يسحبه رخصته لما يسمى القيادة الخطرة
يبقى أحنا حكومتنا ممكن توفر مصادر دخل رهيبة عند تطبيق القانون .
لأن في بهايم كتير مش هاتسمع الكلام في الأول إلا لما يتقرص ودانها و تدفع اللي فيه النصيب و تروح منها الرخصة لمدة شهر أو أثنين كتحذير و بعدين لو تتكر الفعل يتم سحب الرخصة نهائيا و الحرمان من القيادة لمدة لا تقل عن سنة و بعدها يستطيع التقدم لأمتحان قيادة جديد
و أنا في رأيي أن اليو تيرن ......... فاشششششششششششششل
يجب أن نوجد اشارات كالتي يستخدمها بقية خلق الله حول العالم
و يجب أن يلتزم السائق المصري الذي يقود كالثعبان و يتلوى من اليمين إلى اليسار و العكس بالعكس .... و السائق الذي يحتل نصف حارة من هنا و نصف من هناك و كأنه يقول الطريق لي وحدي
يجب أن تجبر شرطة المرور هؤلاء الأغبياء على اتباع القانون الذي هو في صالحهم في المقام الأول .
يجب أيضا رفع سن الرخص من 18 إلى 23 أو 25
يجب رفع سن سائقي السيارات العامة إلى 30 عام و لا أقل من ذلك
سيارات عامة يعني ( أوتوبيس عام .... تاكسي )
يجب الغاؤ الميكروباص نهائيا من القاهرة و الأسكندرية و المدن المزدحمة تماما
و يتم تعليق سائقيهم في ميدان عام و الرمي بالرصاص ما عدا ( كبار السن حيث أن أغلبهم محترمون )
و هذا كان تصور بسيط في رأيي الشخصي البسيط لحل مشكلة الزفت المرور و العمل على نقل الثقافة المرورية المتحضرة من الدول الأخرى إلى الأخوة المصريين علشان حياتنا تبقى أحسن من كدا
انا شايف انه محلش الازمة لأ اللى حصل انه نقل نقطة الاختناق من الاشارات الى ال u turn نفسه - فبعضها حل الازمة و بعضها زود الطين بلة
المشكلة بقى ان الناس خصوصا سواقين المكروباص لما بييجوا عند u turn بتلاقيهم مسكوا اخر حارة يمين و بعدين يكسروا مرة واحدة شمال و ده بيوقف المرور - بس الظريف فعلا انك تلاقى ان الناس اللى مكملة على طول بدأت تتعامل مع الموضوع ده بانها تمسك اخر حارة شمال قدام اليو تيرن و بعدين تكسر يمين عند اليو تيرن نفسه زى اليو تيرن اللى فى طريق النصر تحت كوبرى اكتوبر - واتفرج يا سلام:D
طب هو يا جماعة سؤال محيرني اشمعنا برة الخواجات يعني بتلاقيهم محترمين في الالتزام
هل دا يعني عشا هما اتخلقوا محترمين و احنا اتخلقنا غير ملتزمين
لا طبعا اكيد كان فيه صرامة من الحكومات الاجنبية المسسئولة
أنا شايف إنه نجح بشكل محدود فى بعض المحاور و لكن لم يحل مشكل المرور و الزحمة
لو كان فيه خير ما كان رماه الطير
يا ترى ليه مافيش اى دولة فى العالم غير مصرنا العزيزة بتعتمد على نظام الشمبرلاح* ده فى المرور بمدنها الكبرى؟
أول ما طلع نظام الشمبرلاح ده الناس كانت مبسوطة بيه جدا وقالو هو ده رابسو اللى هينضف المرور فى مصر، وهكذا اختفت اشارة المرور، واختفى العسكرى، وتحول الشمبرلاح الى ساحة قتال تتناثر فيها اشلاء السيارات وتسيل على ارضها زيوت ضحايا القتال اليومى بين الموقريباص والتاكصى والملاكى والأشاوس سائقى التويوتا النص نقل الكحلى إياها
ومع الإنفعاص اليومى فى شمبرلاحات القاهرة التى هجرها رجال المرور ليتفرغوا لجياية الفردة على الحزام والموبايل وخرق سرعة ال90 كيلومتر على الدائرى، يتشوق جيلى ممن بدأو القيادة فى عصر الإشارة والعسكرى الى تلك الايام الجملية حين كنت تنتظر زى الباشا لحد ما الإشارة تفتح ولماالإشارة تفتح تعدى برضه زى الباشا دون ان تجد نفسك مضطرا لتوسيع مكان لسيارتك عن طريق القاء السيارات المجاورة خارج نهر الطرق ، والبقاء لصاحب الإكصدام الأقوى
نفسى اعرف ليه الشمبرلاحات دى مش موجودة فى اى مدينة فى العالم غير القاهرة واسكندرية، المدن فى الدنيا كلها فيها كبارى للتقاطعات الكثيفة، واشارات للتقاطعات شبه الكثيفة ، ودوارات (صينية) للتقاطعات ذات ضغط المرور المتوسط ، وقواعد الأولوية للتقاطعات الداخلية ، لكن الشمبرلاح ده اختراع مصرى سندخل به موسوع خميس للأرقام القياسية
__________________________________________________ _
* كلمة شمبرلاح دى مش من اختراعى لكنها تسمية اطلقها احد الظرفاء فى التسعينات على البتاع اللى مالوش اسم ده اللى حل محل اشارة المرور فى طول القاهرة وعرضها وحديثا بدات عدواه تصل الى مدن مصر الأخرى
الكلام دة مضبوط جدا و هو دة اللي لازم يحصل .. بس فيه حاجة مهمة قوي. و هي أن الكلام دة لازم يمشي علي الكبير قبل الصغير.
مشكلة بلدنا ان القانون مش ماشي علي الكل و هو دة سبب فقدان القانون لهيبته أمام الناس و عدم احترامهم لرموزه.
القانون موجود حتي لو مش بيقدم الحل المثالي. بس الفكرة في التطبيق.
أحمد
بص يا باشا ....
فيه ناس ميالة للنظام و الالتزام به مثل شعوب الاسكندانيفيا و بريطانيا و اليابان و كوريا و هذا على سبيل المثال لا الحصر
و هناك شعوب ميالة لكسر القواعد و عدم اتباع النظام و للآسف منهم شعبنا المبجل
يعني في فرنسا مثلا الموضوع نص نص
تلاقي الأخوة العرب هناك خاربينها و معاهم كثير من الفرنسيين غير الملتزمين
عكس انجلترا مثلا .... الناس من غير عسكري ... من غير شرطي ... و بدون أي رقيب .... تلاقيهم ماشيين على العجين مايتلخبطش .
تعالى بقى بص على مصر ..... يشوفوا الشرطة .... يبقى محترم .... تغيب الشرطة أو الرقابة عن المكان يقل أدبه . وطبعا الكلام لا ينطبق على كل الناس و لكن على فئة كبيرة من الشعب المبجل
مصر = سير عكسي = غرز = سباقات على الطرق بين الشباب = عفاريت الأسفلت ( سواقين الميكروباز ) = بجاحة و قلة أدب لو فتحت بقك مع المخالفين =حرقة دم للناس المحترمة = اهدار كمية وقود رهيبة يوميا
اولا شكرا لحضرتك على تأيدك لفكرتى واحلامى الوردية:)
ثانيا على رأى مسلسل حسن عابدين ........فى المش فى المش فى المشمششششششششششششششششششش .... :D:D:D:D
---------------------------------------------------
:D:D ههههههههههههههههههههههههه هه جامد جدا التعليق ده بجد
------------------------------------------------------
اعتقادى الخاص انهم اتعودو على النظام واتربو على احترام القوانين لحد ما بقى جزء لا يتجزأ من حياتهم اليومية
--------------------------------------------
حلو التعبير دة يا باشمهندس سبعاوى !!!! فعلا انا افتركت الشمبرلاح ( قصدى اليوتيرن ) بتاع جامعة الدول .... ولقيت ان التعبير معبر جداااااااااااا جدااااااا عن ( الشمبرلاح دة بالاخص ) نفسى يتولع فيه بمازوت ... لانى بلف منة كتييييييييييير ..............
اقسم بالله ان لما والدتى بتكون قاعدة جمبى .. بتقعد تقرأ قرأن اننا نعدى بسلام من الشمبرلاح دة ..( هية قلبها ضعيف حبتين ) وبعد مانعدية ونلف تتشاهدو تقول الحمد لله ربنا سترها......... انتو متخيلين الصورة :eek: ؟ حرببببببببببببببببببببببب بببب بجدددددددد وبالاخص فى الفترة من الساعة 1 ونص الى الساعة 4 ظهرا .
يااااااااااااااااارب الى فكر فى اليوتيرن دة يارب .. يتحكم علية انة يعدى منة كل يوم اربع مرات فى فترات الزحمه علاشان يعرف الجرم الى عمله فينا
السلام عليكم
أول مرة أختلف معك يا توت فى الرأى
*أنا رأى أنة لا توجد شعوب منظمة أو غير منظمة و لكن فى حكومات محترمة و صارمة فى تنفيذ القوانين المرورية على الكل (الوزير قبل الغفير) و العكس صحيح
(الوزير يمشى و الدنيا تقف لة ماشى يتحرق الشعب - الضابط يفييم السيارة و يمشى من غير نمر و يركب سارينة و يشرب بانجو فى العربية و يركن فى الممنوع و يمشى عكسى و يكسر الإشارة و يمشى من غير رخص ماشى مفيش مشكلة و يتحرق باقى الناس)
*مشكلة البلد إن مفيش عدالة أو بالأصح فكرة العدالة مش موجودة فى تفكير الحكومة أصلا
يا توت أنا عشت فى المانيا ثلاث سنوات و فرنسا سنتين و الله كتير شفت عربيات شرطة متكلبشة (لأنها وقفة فى الممنوع مش طبعا وقفة صف تانى ذى ما بيحصل فى مصر يعاقب إللى واقف صح باللى واقف غلط)
*العدالة ثم العدالة ثم العدالة فى تطبيق القوانين عموماً
و رأى الشخصى هو إعدام المرتشى و الراشى - إللى له واسطة و وسطتة:mad::mad::mad::mad:
يا باشا أنا معاك إن عدم وجود عدالة و نظام يؤدي لما وصل إليه حال البلد
و لكني مازلت أقولها
هناك شعوب تميل إلى أحترام القواعد و الأسس الموضوعة و هناك شعوب متوسطة و أخرى لا ترى في القواعد و النظم إلا أنها مضوعة لتقييدهم و للآسف هذا هو حال مصر و المصريين
هل وجدت شعب مفتي زيننا ؟؟؟؟؟؟؟؟
هل وجدت فهلويين زيننا ؟؟؟
هل دهن أي شعب الهوا دوكوا غيرنا ؟؟؟؟
الألمان بالذات من الشعوب الميالة للنظام يا باشا
أما الفرنسيين كما قلت سابقا نص نص .... خصوصا في الجنوب
يعني تلاقي في باريس الكل محترم و ماشي زي الجزمة أما لو روحت أي مدينة نائية لا تجد هذا النظام المتبع 100 %
و بريطانيا مثلا ........ أينما تذهب ....... الكل محترم ..... لا يوجد أرصفة بين الشوارع و مع ذلك لا يحاول أحد السائقين مخالفة النظام و الدوران من أي نقطة و لكن يسير لمسافة حتى يجد شارع جانبي و يتوجه إليه ليقوم بعملية الدوران حتى لو أن الشوارع خالية تماما من المارة
و هذا لعدة أسباب .... يقولك أولا علشان هو القانون كدا ... و مقتنعين إن القانون و النظام موضوع لراحتهم قبل كل شئ
ثانيا يقولك أفرض عربية طوارئ كانت موجودة لحظة الدوران يبقى تم تعطيل سيارة الطوارئ على الفاضي .
طيب أنا هاحكيلك على موقف
في بريطانيا لو أنت خارج من شارع فرعي و هتلحم مع شارع رئيسي .... ليس من حقك أن تدخل الطريق إلا إذا كان الطريق خالي تماما من السيارات و ليس من حقك كسر طريق أحد و حتى لو كانت مدة الأنتظار تزيد عن ساعة
المهم ..... تلاقي أي حد جاي في الحارة اللي أنت بتحاول تدخل فيها و يكون بعدي شوية يعني مثلا 500 متر ..... يرح مديك اشارة بنور الكشافات الأمامية أو كما نقول يقلبلك النور و دي معناها ..... أتفضل عدي و أنا هافرمل و طبعا هو بيفرمل لأن غير مسموح له بتغيير الحارة لهذا السبب و الناس كلها صبورة جدا و تقف للمارة و تقف تساعد الناس
حكاية تانية بتبين الأخلاق في السواقة و الفرق بين البهايم اللي هنا و البني آدميين اللي بره مصر
و أنا واقف في اشارة في باريس
العربية عطلت ........ و الاشارة فتحت ..... و طبعا مفيش حد يسوق عربيته حواليك لأن الكل ملتزم بالحارة
المهم .... طبعا أنا اتربكت و قلت بس أنا عطلت الدنيا و الناس هاتنزل تتخانق معايا خصوصا إن الاشارة دي كانت رخمة
ببص لقيت الناس كلها نازلة و بتسألني .... أي خدمة ممكن نعملهالك ؟؟؟؟
و ممتتوترش .... و أهدى علشان تعرف تتعامل مع المشكلة
و الله أنا فرحت قوي و بقيت مبسوط و قلت الناس دي محترمة .
المهم
نفس الموقف يتكرر في بلدنا المحروسة في وسط البلد .
العربية عطلت و رأسها و ألف سيف ما تدور .
و ببص لقيت كمية الزعيق و قلة الأدب اشتغلت بمجرد توقف السيارة و الكل عمال يزمر .... و شتيمة بقى زي أنت يا حمار عطلت الطريق ...
و أنا كل ده بحاول أدور العربية ..... المهم .... كل بقرة من البقر اللي شغال في شرطة المرور علشان يديني مخالفة ....
و جي بيزعق ... ومتعصب .... وكأني عملت مصيبة ..... و بيقولي أنت عطلت الطريق
طبعا العبد لله نزل من العربية
و نزلت زعيق في الباهيم اللي ورايا ........
و قلتهم اللي عايز يعدي ينزل يزق العربية معايا على جنب بدل ما يشغل الغباء و الكلاكسات و قلة الأدب .... و ممكن تقعدوا تزمروا للصبح ...... العربية مش عايزة تدور
و لا واحد واحد فيهم عايز يفهم ....... أحنا ملناش دعوة ...
المهم الجاموسة بتاع شرطة المرور و تقريبا كان صول .... كان بيزعق
قلتله أنت تخرس خالص أنت و البقر اللي في الشارع .... أنا أعملكم أيه ... العربية مش عايزة تدور .... يبقى بدل ما كل واحد طالع بكلمة أنزل و زوق معايا
و برضه ووأنا بزوق العربية على جنب محدش صابر و الكل عمال يعدي من يميني و شمالي و واحد راح خابطها و نازل يقولي بسيطة بسيطة ... المهم أنت بخير
و روحت صارخ بأعلى صوتي في الشارع و قلت
يا بلد يا بقـــــــــــــــر يا حميــــــــــــــــــــــ ـــر
-----------
ده الفرق بين الشعوب يا أستاذي الفاضل
هو فعلا اللى عمل الشوارع كان سكران و غبى فى نفس الوقت... و فيه ناس تانية بتقول انه وقع على راسة و هو صغير
اكيد اكيد اللى عمل الحاجات دى مش انسان عاقل او عندة ادنى ذرة مخ:
1- اليو ترنات اللى فى صلاح سالم... بدل ما يعمل حارة داخلة جوة الجزيرة قام مطلع الرصيف برة وواكل الحارة اللى على الشمال اللى هى اسرع حارة و النتيجة ناس كتير لبست فى الرصيف دة
2- اليوترن اللى عند نادى الابطال فى صلاح سالم... اليوترن فى وسط ملف و بالتالى تلاقى اللى ماشى فى الحارة الشمال مسك فرامل فجاءة لانه فوجىء باليوترن و انت اما تلبس فيه يا تمسك فرامل و العربية تلف منك
3- كوبرى السيدة عيشة على صلاح سالم برضة... تطلع الكوبرى و انت رايح على المنيل و انت نازل من منزل وهمى و تطلع المطلع تلاقى ملف 90 درجة للشمال و الكوبرى مش مايل لداخل الملف و بالتالى كل كام شهر تلاقى عربية واقعة من فوقة
4- كوبرى الفردوس على صلاح سالم للمرة الرابعة و انت نازل منه فى اتجاة الازهر بارك... بقدرة قادر تلاقى الرصيف اكل الحارة الشمال و بقى منك للى جنبك او تركب الرصيف... نفص القصة بالمللى فى المطلع اللى على الجانب التانى و انت رايح فى اتجاة العباسية
5- رصيف فاصل فى نص شارع القصر العينى مع ان الشارع اتجاة واحد
6- الكوبرى المعدنى اللى فوق محطة مترو ابو الريش.. الكوبرى فيه حودة محترمة لليمين و انت نازل و بدل ما الكوبرى يبقى مايل يمين... لا دا الكوبرى مايل شمال... يعنى شوية مظرة وواحد وش حافظ الخدعة دى حيقع من على الكوبرى وش
7- سبعة مليون محطة اتوبيس و تلات ارباعهم على ناصية شارع... طبعا الاتوبيسات بتسد الشارع و محدش يعرف يدخل ولا يخرج
8- البوترنات اللى فى الاوتوستراد امام المنصة.... تبقى نازل من صلاح سالم تلقى واحد ماشى بسرعة تلاتة كيلو قطع الشارع بالعرض عشان يلف... اكيد اللى عمل اليوترن دة حيوان.. انا بعينى شوفت نوبيرا واخدة ميجان بالحضن و مركباها على رصيف اليوترن... مالها اللفة من التقاطع اللى عند نادى الزهور؟؟؟؟
9- كوبرى اكتوبر و انت خارج من المهندسين و متجة على رمسيس.. فوق النيل الكوبرى عريض جدا و فجاءة برضة يبقى عرضة 3 حارات فقط... طبعا لازم السيولة تتخنق فى الحتة دى
10- مطلع اكتوبر فى اتجاة المهندسين من الكورنيش امام مسبيرو... 99% من السيولة ماشية اما كورنيش و اما الى عبد المنعم رياض او التحرير... المطلع مبيعملش اى حاجة مفيدة غير انة واكل نص الطريق... اللى رايح المهندسين من الكورنيش ممكن يلف عبد المنعم رياض و يطلع من هناك و الكورنيش يبقى سالك
11- كوبرى 15 مايو من ميدان سفنكس... مطلعين للكوبرى فى مسافة 300 متر... ايه الحكمة؟؟؟ هى خنقة و خلاص؟ دا الكوبرى 3 حارات بالعافية و احنا بنحشى فية عربيات... و لما ربنا يفرجها فوق النيل و الكوبرى يبقى عريض نخنقة تانى بمنزلين اصغر من خرم الابرة و اللى مكمل طوالى نزنقة محطة مكروباز... انا عارف ان المحطة مش زنب اللى عمل الكوبرى بس برضة هو غلطان انه عمل سلم للناس تطلع الكوبرى و تشاور للمكروباززز... الكبارى دى للعربيات فقط
12- منزل 15 مايو اللى فى اتجاة كورنيش الزمالك... فى الاخر المنزل بياخد عربيتين صغيرين بالعافية لانة ديق جدااااااا
13- كوبرى اكتوبر فى اتجاة المهندسين عند محطة مصر... ملف قوى للشمال مع مطلع... الملف مش خطير اوى بس يخص لو انت مش منتبة
14- 90% من خطوط الحارات غلط و داخلة فى بعضها و ملهاش اى اساس علمى
كفاية كدة انا قرفت
MMamdouh
انا واخويا كنا حنلبس فى اليو تيرن بتاع صلاح سالم دة اكتر من مرة والله .... الواحد بيكون ماشى بسرعة وعلى الشمال فجأه الاقى فى رصيف عريض قدامى
مش عارف يعنى الناس الى بتقول حل ازمة ؟؟؟؟؟ علاشان احل ازمه البس الناس فى الرصيف ؟؟؟؟؟؟؟؟؟؟؟؟؟؟؟
المكان الوحيد الى معمول فيه اليو تيرن صح ... كورنيش اسكندرية ........... بجد بحس انه مش فى مصر ... وان كان للاسف دلوقتى اتبهدل عن زمان ... بس لسة التخطيط المظبوط للدواران للخلف متغيرش الحمد لله ...
دة وان دل .. يدل اننا لما نحب نشتغل مظبوط بشتغل ونهندس مظبوط !
اقتباس:
نفس الموقف يتكرر في بلدنا المحروسة في وسط البلد .
العربية عطلت و رأسها و ألف سيف ما تدور .
و ببص لقيت كمية الزعيق و قلة الأدب اشتغلت بمجرد توقف السيارة و الكل عمال يزمر .... و شتيمة بقى زي أنت يا حمار عطلت الطريق ...
و أنا كل ده بحاول أدور العربية ..... المهم .... كل بقرة من البقر اللي شغال في شرطة المرور علشان يديني مخالفة ....
و جي بيزعق ... ومتعصب .... وكأني عملت مصيبة ..... و بيقولي أنت عطلت الطريق
طبعا العبد لله نزل من العربية
و نزلت زعيق في الباهيم اللي ورايا ........
و قلتهم اللي عايز يعدي ينزل يزق العربية معايا على جنب بدل ما يشغل الغباء و الكلاكسات و قلة الأدب .... و ممكن تقعدوا تزمروا للصبح ...... العربية مش عايزة تدور
و لا واحد واحد فيهم عايز يفهم ....... أحنا ملناش دعوة ...
المهم الجاموسة بتاع شرطة المرور و تقريبا كان صول .... كان بيزعق
قلتله أنت تخرس خالص أنت و البقر اللي في الشارع .... أنا أعملكم أيه ... العربية مش عايزة تدور .... يبقى بدل ما كل واحد طالع بكلمة أنزل و زوق معايا
و برضه ووأنا بزوق العربية على جنب محدش صابر و الكل عمال يعدي من يميني و شمالي و واحد راح خابطها و نازل يقولي بسيطة بسيطة ... المهم أنت بخير
و روحت صارخ بأعلى صوتي في الشارع و قلت
يا بلد يا بقـــــــــــــــر يا حميــــــــــــــــــــــ ـــر
-----------
ده الفرق بين الشعوب يا أستاذي الفاضل
والله يا استاذ توت لو دا حصل معايا
اقوم ازق العربيه في وسط الشارع و انزل و اسيبها :@ :@
و يولعوا في بعض بقي
يا باشا إنت صح فى كل إللى قلتة بس لو الحكومة بتطبق القانون فى كل شىء على الكبير قبل الصغير كان الحال إتعدل كتير و كان الناس إجبرت على النظام .
مثال بسيط فى ألمانيا كنت واقف فى الشارع مستنى الأتوبيس (بس كنت مركون على عربية) عارف حصل إية وجدت عربية دورية دفعتنى غرامة 20 يورو و لما سألتة لية ؟ قال لى ممكن ظرار بنطالونك يجرح العربية ذانبه إية إللى راكن فى مكان سليم ينزل يلائى عربيتة متجرحة.
نفس دة حصل فى مصر نزلت من البيت وجدت ولدين مسكين مسحات عربيتى و بيلعبوا بيها حرب بالسيوف و كان فى دورية واقفة و محدش من البشاوات أللهم حاجة.
دة سلوك سىء متشابة بين مواطن فى ألمانيا و مواطن فى مصر شوف رد فعل الشرطة هنا و هناك .
سبحان الله شوف 20 يورو على 20 يورو شوف ممكن يجمعو مبالغ قد ايه يتم منها انشاء طرق وكباري والاكتر من هذا ان الناس تلتزم من اجل عدم دفع الغرامة وناس تانية هاتضمن ان سيارتها في امان.
مش عارف ليه الحكومة مش عاوزة تصدق ان تشديد وزيادة الغرامات حل مثالي لأزمة المرور وقلة الأدب وأيضاً ربح غير عادي لوزارة الداخلية ممكن تحول القاهرة لمدينة نموذج للتحضر والالتزام مع مراعاة وضع كاميرات مراقبة في الاشارات لمنع ال 3 جنيه بدل المخالفة وتكون الكاميرات مملوكة لشركة رقابية خاصة وليست تابعة للحكومة حتى لا يقسم مراقب الكاميرا ال 3 جنيه مع ضابط المرور
انا شايف ان الاغلبية معارضة النظام ده و لكن رأي انه نظام كويس و لكن المشكلة في تطبيقه بمعني انه لازم تكون فيه جزيرة في الوسط كبيرة و تكون فيه حارة ناحية الشمال للي عايز يلف و كذلك الناحية التانية بعد اللف حتى لا يؤثر في الناس اللي مش عايزة تستخدم اليو ترن.
يعنى الموضوع ده حل المشكلة جزئياً في الأماكن اللي بتنطبق عليها المواصفات دي و عمل مشكلة في الأماكن اللي مفيش فيها المواصفات دي.
اشى جمال يا ناس:D
الظابط قالك ان ممكن زرار البنطالون يجرح العربية ههههههههههههههههههههههههه ههههههههههههههههههههههههه ه
استاذى الفاضل .... انا مره من حوالى سنه كنت راكن العربية وتانى يوم الصبح جيت اركب العربية فلاحظت ان فى عمود كبيييييير عمود نور مقطوع ومرمى جمب عربيتى ؟؟؟؟ استغربت وقولت ازاى قطعوه ...و فى عز ما انا مستغرب ازاى اتشال و اتحط وانا مش فى بالى .. الاقيلك تكحيتةةة طويلة وعريضة ماشة من اول الباب الامامى الى اخر الباب الخلفى ... والى ان الباب الامامى مبقاش بيفتح بسهولة .... اتارى الاغبية المتخلفين الحقراء :mad: خبطو العمود فى العربية والباب من كتر الخبطة مبقاش يفتح كويسسسسسسس ... بجد بجدددددددددددد الموقف دة حرق دمىىىىىىىىىىىىى وخصوصا ان العربية كانت لسة مرشوشه بجد كان نفسى اولع فى الشارع كله من كتر الغيظ
يعنى بجد بجد مداخلت حضرتك عملتلى نوع من الحسره ... والاستغراب و القليل من التأمل ..و الكثير من الضحك .:D
نظام " الشمبرلاح" (على رأى سبعاوى) ده اول ماتعمل كان فى التقاطع اللى عند نادى الجلاء مع صلاح سالم.
كانت المنطقة دى فيها ازمة مرور مستمرة (طبعا على ايامها كانت ازمة انما دلوقت اصبحت نفس الازمة موجودة فى القاهرة بالكامل)
وايامها جابوا خبير اجنبى معرفش من انهى دولة علشان يخططلهم التقاطع ده وحلوها بالوضع المعمول حاليا. طبعا لأن من وجهة نظره العلمية ده كان الحل الصحيح للمكان ده.
وفعلا التقاطع ده لغاية دلوقت المرور فيه من اسهل مايمكن.
بعد كده بقى بدل ما يتعلموا اسس تخطيط الشوارع بدأت الفهلوة المصرى تشتغل وبدأوا يكرروا نفس الحل فى اى تقاطع بيقف لأنهم شافوا انه طالما التخطيط ده حل الازمة عند نادى الجلاء يبقى هو ده الحل اللى كان غايب عن ذهننا من زمان.
وطبعا مافيش اى ازمات اتحلت بل زادت سوء
اللى هايجننى بقى ان الكلام ده بقاله حوالى 15 سنة وخلالهم شوفوا كام تقاطع اتحول لu-turn من غير مايحل اى ازمة، ومع ذلك لسة مصممين ان اى تقاطع يكون زحمة يحولوه ل u-turn
اراهن ان مافيش اى حد من المسئولين عن تخطيط الطرق او اللى يبقرروا انهم يعملوا اى تعديل يكون درس اى حاجة عن تخطيط الطرق على اساس علمى وكله شغال بنظام التجربة والخطأ. او غالبا بتكون الخطأ والتمادى فيه لعدم الاعتراف بالخطأ
أنا في رأيي أن اليو تيرن .... فاشل
لازم يكون في تطبيق صارم للقانون
والناس تنضف والي يحط المخالفه ويوقف العربيه لازم يبقي واحد شديد شويه ومش من بتوع الاكراميات
احنا قعددين نشتم فى الناس الى بتسوق فى مصر!!
واحنا بقيناا اكتر من 10000 واحد
مش احنا سواقين مصر بردة؟؟؟