محتاج مشورتكم يا شباب فى الدايهاتسو التريوس 2008

**mamado90** · 24-02-2008 06:03 PM

السلام عليكم يا شباب
والله فى الحقيقة انا حابب اشترى الدايهاتسو التريوس 2008 ايه رئييكم فيهاوالعربية غيتى من شرائها هو فقط انها عالية عن الارض يعنى موضوع المطبات اللى مغرقنا هنا فى مصر ده الواحد يقدر يتفداها بدون اية خوف.. بس المشكلة عندى الان انها لا تسع 3 اشخاص مرتاح والتابلوه بتاعها موش قدر كده ولا انتو اية رئييكم اعمل ايه اتوكل على الله واشتريها ولا ايه والله انا بستخير ربنا فيها
ناس قالت هات التويوتا والميتسوبيشى اهو يوم ما تفكر تبيع هتجيبلك حقها وناس بتخوفنى منها وناس بتشكر فيها على كونها جديدة
موش عارف اعمل ايه حقيقة اعطونا رئييكم بالله عليكم لانى ربما ناوى اشتريها فى غضون ايام قليلة وربنا يخليكم لنا يا شباب
وادى صورتها امامكم

**mamado90** · 24-02-2008 07:17 PM

اية يا شباب مفيش خبر جديد!!!!!!!!!!!! ساعدونا بالله عليكم

**Ahmed Anwer** · 24-02-2008 07:29 PM

هأقولك رأيي الشخصي ،،

بس ده مش من خبير

انا شايف العربية دي اختيار ممتاز

اولا تميز في الشكل ،،

العربيات دي شكلها مبيقدمش بسرعة ،، عشان مميزة

ثانيا حجم عملي جدا من بره صغيرة و من جوة بتاخد اربع افراد باحتياجاتهم

و اختلف معاك في حكاية الوسع

ثالثا موتور 1500 موفر للبنزين و خلينا نتفق انك مش هتطلع بيها الجبل

رابعا مفيش ارخص منها في فئتها ،،

حكاية إعادة البيع هيا اكيد مش زي التويوتا و الميتسوبيشي بس اعتقد ليها سوق كويس جدا و مطلوبة

لأنها منتشرة كويس

العيوب بقه من وجهة نظري ،،

العيب الاساسي اني بشوف كل اللي بيركبوها ستات

العيب التاني الكلام اللي بنسمعه ان العربيات العالية بتفتقد الثبات و عفشتها بتفتقد الراحة

و فعلآ تابلوها مش اد كده بالنسبة لباقي عربيات ديهاتسو حتي الفئات الأصغر ،،

بس مش ضايع يعني ،، معقول جدا و بسيط

رأيي الشخصي تحاول تجربها حتي لو ايجار و تشوف هتستريحلها في الثبات و مريحة ولا لأ ،،

لأني دي حاجة بتختلف من واحد للتاني ،،

أنا ارشحهالك بعد متتأكد إن أدائها مناسب ليك ،،

**mamado90** · 24-02-2008 10:26 PM

والله يا ابو حميد كفيت ووفيت ويعنى بس خوفتنى من موضوع اللى بيسوقوها ستات ...على كل والله انا دايخ كل يوم من معرض لاخر الى انى قررت وباستشارتكم واسشتارة اصدقائى قالو توكل على الله وعشان للعلم يا ابو حميد ان شاء الله يعنى انا موش هستخدمها كتير يعنى زى ما تقول كده شهر وشهر لانى طبيعة شغلى متواجد شهر بمصر وشهر بالخارج فموضوع العفشة وكده ربنا يسهل ونقدر نحافظ على كونها
والله يا ابو حميد من سطروك وردك الجميل وعدم التاخير فى الرد بشكرك جدا وحقيقة اتمنى ان اكون صديق دائم معكم ان شاء الله اللى والله جاء من الصدفة بالبحث فى جوجل عن مشاكل وعيوب وحسنات وسيئات التريوس لاقيت موقعكم الجدميل اللى بيساعد الناس ويدلهم على الطريق الصح
تسلم يا ابو حميد وان شاء الله نجتمع بيكم على الخير

**Noha.M** · 24-02-2008 10:32 PM

المشاركة الأصلية كتبت بواسطة Ahmed Anwer

العيب الاساسي اني بشوف كل اللي بيركبوها ستات

و ايه العيب حضرتك يعني:p:D ؟؟

اللى خايف على عربيته يوسع :D

بعدين عندك حق فعلا اختي لسه جايبة تيريوس حمرا و انا هجيب السودا ان شاء الله بجد عربية جامدة

**mamado90** · 24-02-2008 10:42 PM

المشاركة الأصلية كتبت بواسطة onna

و ايه العيب حضرتك يعني:p:D ؟؟

اللى خايف على عربيته يوسع :D

بعدين عندك حق فعلا اختي لسه جايبة تيريوس حمرا و انا هجيب السودا ان شاء الله بجد عربية جامدة

يا ONNA

تسلمى على المرور يعنى والله اتجننت خلاص والله بكرة بروح ادفع المقدم بتاعها ان شاء الله :):D

والله انتو كلكم رائعون ما بخلتو عنا بالرد حقيقة منتدى هايل وان شاء الله بس نجيبها لنخبركم

ومبروك على اختك وعليكى مقدما يا اختنا ONNA

ومبروك علينا نحنا كمان ان شاء الله بس اخونا قال حقة ستات والله انا فى مصر من ساعة ما جيت بقالى شهر اهو ما شفتش ست سايقاه:):):)
يعنى يا اخى محمود بالله عليك هتمشى معانا العربية ديه ولا لو رحنا بيها اسوان بيضحكوا عليا:D:):)

**أبو عبدالله** · 24-02-2008 10:57 PM

لو عايز عربيه تعمر معاك اكتر من10 سنين ومش هتفكر تبيع دلوقتي يبقى تيريوس ممتازة

بس لو ممكن لك احتياجات معينه ممكن تقولها
ولو العربيه داخله دماغك فلا يوجد ما يعيبها كاستخدام ولا كعمر افتراضي
واستخير المولى عزو وجل لكي ترزق الخير ان شاء الله

**hesham2004** · 24-02-2008 11:04 PM

هل عندك اى بدائل اخرى تفاضل بينهم وفقا لأحتياجاتك ؟

**Ahmed Anwer** · 24-02-2008 11:05 PM

المشاركة الأصلية كتبت بواسطة mamado90

وعشان للعلم يا ابو حميد ان شاء الله يعنى انا موش هستخدمها كتير يعنى زى ما تقول كده شهر وشهر لانى طبيعة شغلى متواجد شهر بمصر وشهر بالخارج فموضوع العفشة وكده ربنا يسهل ونقدر نحافظ على كونها

أنا مش قصدي إن عفشتها مبتستحملش ،،

المفروض العكس إن عفشتها قوية و تستحمل لأنها جيب صغيرة ،،

أنا قصدي إنهم بيقولوا علي العربيات الجيب مش مريحة في المطبات و عيون القطط و كده يعني .....

و الله اعلم ،،،،

المشاركة الأصلية كتبت بواسطة onna

و ايه العيب حضرتك يعني:p:D ؟؟

اللى خايف على عربيته يوسع :D

بعدين عندك حق فعلا اختي لسه جايبة تيريوس حمرا و انا هجيب السودا ان شاء الله بجد عربية جامدة

مش قصدي كده برده ،،،

قصدي ،، ان ممكن صاحب السؤال يكون خايف انها مش معبرة عن الإستايل بتاعه ،،

زي ما مثلآ ما يحبش يلبس قميص مشجر جامد ،،

فبنبه للنقطة دي ،،،

انا شخصيا متفرقش معاي خالص لأن المفروض مفيش عربيات حريمي و عربيات رجالي ،،

**mamado90** · 24-02-2008 11:06 PM

ابو عبد الله جزاك الله الف خير والله العربية شايفها تحفة وبعدين تعرف يا ابو عبد الله

حقيقى انا لمن نزلت فى مصر كنت راكب رااسى فى التويوتا البرادو والراف فور بس لاقيتها غالية غلاء مبالغ خالص واللى يقولى هتترخص اتوبيس ونقل وكده وفلوسها غالية خالص غلاء مبالغ فيه حقيقة ديه هناك فى ابو ظبى والدمام ما يعادل 135 الف درهم وريال .. وقلت ما فيش احلى منها فى الموتور وكده بس لمن لاقيت التريوس بترمح فى شوارع مصر دخلت راسى جدا

شكررررررررررررا جزيلا يا ابو عبد الله وهتوكل على الله ان شاء الله بكرة وهروح احجز اللون الازرق وعقبال ما توسع على اولادك ويجيبوا هم كمان اللى فى مرادهم اللهم امين