طب الحمدلله
وحمدالله على سلامة المحفظة يا كريم بك
عشان بس انت طيب ونيتك سليمة :)
عرض للطباعة
طب الحمدلله
وحمدالله على سلامة المحفظة يا كريم بك
عشان بس انت طيب ونيتك سليمة :)
الحمد لله .. قدر ولطف ... انا كنت حاسس بمصيبتك ودعوتك لك بظهر الغيب .
يا خسارة وانا اللى كنت ابتديت ادور على الحرامى علشان ااقاسم معاه
يلا بقى تتعوض
الحمد لله يا كريم ....فلوسك وفلوس المحفظة حلال ....صحيح هو الندر اللى انت ندرته مش كان انك تدينى الفلوس ...مش كده ولا ايه
الحمد لله رب العالمين
وألف مبروك يا كريم باشا وصدقنى والله انت ربنا بيحبك لأنه فداك من موضوع كبير جدا ووجع دماغ كان هيحصلك بسبب ضياع المحفظه سواء من عمل المحضر او مذكرة الفقد زى ما الاخوة فى القسم بيسموة او عند استخراج بدل فاقد للبطاقه والرخص . الحمد لله رب العالمين .
ومش عاوز حاجه يا سيدى منك حلاوة رجوع المحفظه
زى بعضه مج ماشى :ask:
مبروك علي عودة المحفظة بس .. صحيح هو ليه لما الواحد بيشتري من أي حته بالفيزا ليه الموظف مش بيتأكد من أن الشخص ده هو صاحب الكرت ؟؟ مش يمكن يكون مسروق ؟
يارجل والله وقعت قبلي
نحن السابقون وانتم اللاحقون
انا ضاعت محفظتي والعربية مكانتش باسمي كانت بتوكيل
اضطريت اني انقلها باسمي
والبطاقة
والرخصة بتاع السواقة
وكروت البنوك
ومش عارف اسحب فلوس من حسابي علشان مش معايا اثبات شخصية
حووووووووووووار
وكلفتني وقت ومجهود جبااااااااار وفلوس في وقت فجائي
طبعا تخيل انك تعمل كل ده بدون بطاقة
ازاي بقى ؟
كانت كارثة
وبعدها بشهر ونص لقيت قاعة المؤتمرات مدينة نصر بيكلموني وبيقلولي لقوا المحفظة وعندهم
لقوها ازاي بقى ؟
كان في زيارة للريس لنفس القاعة اللي كنت فيها
فكانوا بيأمنوا المكان كويس
ربنا يخليك يا ريس
نصيحة لاي حد يا جماعة
لو حد ضاع منه محفظته
يعمل كل مستند مذكرة فقد لوحدها
ميعملش ليهم كلهم مذكرة واحدة او يجمع ما بين حاجتين زي مثلا رخصة العربية ورخصة السواقة
لان كل مكان هتروحه علشان تطلع بدل فاقد لحاجة هيطلبوا منك اصل المذكرة
ومش مهم ارقام المستندات لو انت ناسيها
يعني مثلا مفيش حد بيحفظ رقم رخصة السواقة
واللي عايز اي مساعدة في الموضوع ده يكلمني
الحمد لله خبرة كويسة في الموضوع ده
ربنا مايكتبه على حد أبدا
والله كنت حاسس انك هتلاقيها لان نفس الموقف حصل لى من اسبوع و نزلت جريت فى الشوارع اسال هى وقعت منى فين و بقيت اقول لنفسى البطاقه و الرخصه و كارنيه الشغل و تصاريح دخول موانى و atm و رخصتى و رخصة العربيه و بقيت هعيط و بعد كده لقيتها فى ركن انا حطتها فيه .. الحمد لله دى مشكله بجد
الحمد لله
ربنا نجاك من موال كبير