الموضوع: هل تنتمى لجيل التمانينات

زعلتيني قوي بقى فيه حد ينسى قنبلة لولاكي ؟
لولاكي لولا لولا لولا لولا لولا لولا لولا لولا لولا لولا ... يا رب الكيبورد يقف .. لولا لولا لولا لولا لولا ...

ليه ليه يخرب عقلى ليه؟ ها ؟

المشاركة الأصلية كتبت بواسطة cairo2005

هههههههههه
والله رجعتيني لايام المعيلة
اقولك شوية حاجات كمان
1- البسكويت ابو عجوة اللى الاتنين منه بشلن
2- ازازة السباتس اللى كان عليها رسمة الدبانة
3- البناطيل الشارلستون والقمصان اللى بياقة واصلة لغاية الصدر والشعر اللى عامل زي العشة وكانت موضة ايام الخطيب وشطة
4- معاكسة البنات في جنينة الاورمان وجنينة الحيوانات
اه صحيح الجنينة زمان كان فيها حيوانات بيتفرج عليها البني ادمين
دلوقت فيها بني ادمين بيتفرجوا على بني ادمين بعد ما ماتت معظم الحيوانات ومجددوش فيها
5- ايام مكانش فيه اي عمارة عل ىالنيل اكتر من 5 ولا 6 ادوار
6- ايام لما كان الواحد ياخد مصروف 5 جنيه في الشهر يبقي هاين عليه يدي اصحابه على قفاهم لانه بياخد اعلى مصروف فيهم
7- ايام لما كان الشعب المصري بيركب كله اتوبيسات النقل العام اللى بشلن والمريش شوية يركب 28 ويا سلام بقة لو معاه حتة بيجو 79 يبقي برنس
8- ايام لما كان مش بيدخل المدارس الخاصة غير العيال الفاشلة والشطجار كلهم بيدخلوا مدارس الحكومة
9- لما كان حلم كل طالب جيزاوي يدخل مدرسة السعيدية علشان اشهرمدرسة فيكي يا مصر هي والخديوية واوائل الثانوية العامة منهم
دلوقت ربنا يرحم الطلبة اللى فيها
10- ايام لما كان الواحد لو عدا السكة الحديد الفاصلة بين ما يسمي لان فيصل والهرم لميدان الجيزة يبقي كانه كريستوفر كلولومبس بيكتشف العالم الجديد
11- ايام لما كان الترماي ابو سنجة اخره عند شركة موتسيان بتاعة السجاير والعيال الغتتة تشد الحبل وتوقع السنجة
12- لما كان عماد عبد الحليم هو مطرب الشباب وعمر فتحي هو النجم فكرينه بتاع اغنية على ايدك اتعلمنا على ايدك والله سهرنا الله يرحمه
13- لما كان اللى بيجيب 75% في الثانوية العامة يحط رجل على رجل ويدخل الكلية اللى تعجبه
اه والفضيحة بتاعة اعلان النتيجة في الراديو والكل يتسمر جنب الراديو مستني رقمه او مستني رقم جاره علشان يطمن انه جاب اكتر منه
14- ايام لما كان التلفزيون الاساسي هو الابيض والاسود والتلاجة الايديال ال8 قدم بالحجز بالسنة والسنتين واللى يدفع بالعملة الصعبة ياخدها بعد شهرين تلاتة


يووووووووووه
اقول ايه ولا ايه بس
كانت ايام

اخيرا حد افتكر الاسباتس ام دبانه و الثانوية العامة اللى بجد مش لعب العيال بتاع دلوقت

احنا على ايامنا وزير التعليم كان اسمه : احمق فقرى سقوط و كان نسبة النجاح 52% وواحد بس اللى عدى 95% فى مصر كلها

المشاركة الأصلية كتبت بواسطة hany_mohamed

هديه على الماشى من مواليد السابعينيات لجيل الثمانينات
[youtube]http://www.youtube.com/watch?v=VoM7qR6mALw&feature=related[/youtube]

ازيك يا هانى عامل ايه

لسه باشغل الكليب عيالى اتلموا عليا

كان الكليب ده بيجيى يوم الجمعة مع ماما عفاف الهلاوى صح ولا الزهايمر شغال

تصدق الاغنية دي بردو طلعة ايطالي لما سمعتها دلوقتي اكتشفت انها ايطالي !!!!!!!!!!!!!