الموضوع: هل تنتمى لجيل التمانينات

المشاركة الأصلية كتبت بواسطة cairo2005

اولا كان التليفزيون بيبدا القناة الخامسة اللى هي الاولي الساعة 11 والقناة التاسعة اللى هي التانية بتبدا الساعة 3 ما عدا يوم الاحد كانت بتبدا 11 بردو وكانت بتجيب فيلم عربي وكان فيه برنامج بتاع جمال الشاعر بتاع شباب واغاني تقريبا مش فاكر اسمه بالظبط وكان مفرقع جدا ساعتها
والمسلسل كان اسمه كوكي كاك كان بتاع ايمان الطوخي

البرنامج كان اسمه امانى واغانى بس ده فى التسعينات

والتلفزون كان فعلا بيفتح 11 وبعد كده بقى 10 وبعد 12 تسمع النشيد الوطنى وتششششششششششش

وكوكى كاك كوكى كاك وكوكى كاك كاك كاك هههههههه ده فعلا مثلثل ايمان الطوخى الى كان حاجه اخر دلع بالنسبه للاطفال

وطبعا كننا بنشوفه فى التلفزيون الابيض واسود ومؤخرا اكتشفت انه كان المسلسل متصور بالالوان واحنا مضحوك علينا

فكرتونى بالذى مضى ..وياريت الايام دى تعود ..

المشاركة الأصلية كتبت بواسطة icehearted girl

انا جيل تمانينات اه .. في النص الاخير منه

كمان كنت بخاف اوي من اعلانات سجاجيد ماك

اخواتي برده لما كانوا بيقولولي عندك ماك

افتكر ماك دي يعني عفريت

ولا حلويات حلو الصمدي اللي كانت بتيجي بعد الفطار في رمضان

وكله كوم والفانوس ابو شمعه دا كوم تاااااااااااااااااااااااا ااااااني

ولا زينة رمضان اللي كانت هاند ميد بالقص واللزق

اه رمضان ده بقى قصصصصصصه لوحده
زينه الى كنا بنعملها من الورق وفيه الى عامله زى ديل الطياره كده وفيه الى ورق مقصوص مثلثات
والغنى الى كان بيجيب الشرايط الجاهزه الى بتتباع دلوقتى
واعلان الصمدى ده كان بيجى مع اعلان حتجوز حتجوز معندك جهاز العروسين من عبد الرحيم عمر واحتكم الامر وحتجوز هههههههههه
كل ده قبل فوازير نيللى وشريهان
وكان ايامها فيه سحب بيتعمل لجوايز الفوازير قبل رمضان بكام شهر
وكان الناس تجيب ورقه وقلم وتجاوب على ال30 فزوره عشان تبعتهم اخر رمضان
ويجيى بعدها مثلثل الف ليله وليله واحكى يا شهرزاد احكى لشهرايار لطلوع النهار

والناس كانت بتسمع مدفع الافطار والقرأن بتاع الفطار فى الراديو وكان بيجى مسلسل فى الراديو كنا بنسمعه واحنا بنفطر
منها مسلسل افواه وارانب اللى اتعمل فيلم

الفوانيس الكبيره الى كانت بتعمل من الخشب والورق السلوفان وتتحط فى الشارع والغنى اوىىىىى كان يحط فيها راديو عشان يشغل القرأن والازان ساعه الفطار الحوار ده ظهر فى اوائل التسعينات مع رخص اسعار الراديو

والفوانيس ام شمعه دى بقى كان فيه منها شكلين
وبعد كده ظهر الفانوس ابو لمبه و2 حجر وده كان بتاع الفرافير ههههههههههه

المشاركة الأصلية كتبت بواسطة cairo2005

صح يا غالي ومعلش الزاكرة بقة
وبعدين ايه ده
هو كوكي كاك متصور بالالوان ؟؟؟؟؟؟؟؟؟؟؟
يا ولاد التيت وانا اللى كل ده فاكره ابيض واسود

اهو يا باشا الدليل على الجريمه
وكانو ضاحكين علينا وبيفرجونا على التلفزيون النصر واحنا فاكرينه ابيض واسود
http://www.youtube.com/watch?v=c5fiMA6zcX8

ومكتوب اهو انتاج 1988

ياااه
انا حزين علشان بقى ليا ماضي
حسييت اني كبرت
وكلامكم زي فين الايام الحلوة دي و كان ماضي جميل دخلني في جو كئيب
انتم مش ملاحظين انكم بدأتم تتكلموا زي العواجيز هئ هئ هئ

مانت لو حسبتها هاتكتشف اننا عجزنا فعلا يعنى تفتكر لما مواليد السبعينات يتكلموا على ذكرياتهم يبقى عندنا كام سنه...والنبى ماتقلب علينا المواجع

المشاركة الأصلية كتبت بواسطة skybird

ياااه
انا حزين علشان بقى ليا ماضي
حسييت اني كبرت
وكلامكم زي فين الايام الحلوة دي و كان ماضي جميل دخلني في جو كئيب
انتم مش ملاحظين انكم بدأتم تتكلموا زي العواجيز هئ هئ هئ

طب مهو فعلا كده احنا عجزنا خلاص
لو مكانش بالسن يبقى بالبلاوى الى احنا شايفينها ومستحملين

يارجل دانا طلعلى شعر ابيض والصلع ماشى زى السكينه فى الحلاوه