هل تنتمى لجيل التمانينات

**icehearted girl** · 20-07-2010 10:47 PM

انا كنت ساعتها في أولي ابتدائي واليوم دا ماما عدت عليه فلمدرسة وخدتني بدري.. ولجل البخت كان فيه برج صغير فلمدرسة عرفت بعد كدا انه وقع علفصل بتاعي

كنت ساعتها قاعدة بتفرج علي فيلم اجنبي عربية بوليس بتطارد عربية حرامية.. وأول مبتدي ضرب النار فلفيلم لقيت الشجر اللي جنب العمارة

كله مايل علشباك.. بطريقة مرعبة.. والصيني اللي فلنيش كله عمال يتدغدغ في الارض

وجارتنا عمالة تخبط علينا وتصرخ وتقولي افتحي يا ضحي زلزااااااااااااااااااااال كانت فكراني لوحدي فلشقة مع ان ماما كانت نايمة

المشكلة الكبيرة بقي اني اصلا مكنتش اعرف يعني ايه زلزال :d

آه والله بجد مكنتش فاهمة اعمل ايه يعني

رحت صحيت ماما وقلتلها كلمي طنط اللي قدامنا بتقولي افتحي فيه زلزال..

لقيت ماما خدتني وجررررررررررررررريت

وساعتها قعدنا 6 شهور كاملين ماما حاكمة علينا ننام كلنا فلصالة علشان نعرف نهرب بسرعة لو حصل زلزال

**aezzat** · 20-07-2010 10:56 PM

ايه رايكم نحط احسن 5 احداث مرت بمصر منذ اول التمانينات حتى الان و كمان اسؤا 5 احداث

بس يا ريت نلاقى 5 احداث كويسة..............................

**icehearted girl** · 20-07-2010 11:00 PM

طبعا اولهم كان 9 مارس 86

يوم ميلادي طبعاااااااااا

وثانيهم استرداد طابا 1989

**aezzat** · 20-07-2010 11:04 PM

المشاركة الأصلية كتبت بواسطة icehearted girl

طبعا اولهم كان 9 مارس 86

يوم ميلادي طبعاااااااااا

وثانيهم استرداد طابا 1989

9 مارس 86 ده كان قبل متش مصر وكوت ديفوار بيوم و يومها زوغت من المدرسة لاول مرة فى حياتى ولما روحت لقيت النور مقطوع

**aezzat** · 20-07-2010 11:07 PM

الاحداث السعيدة :

1. تحرير سيناء 25 ابريل 1982

2. وصول مصر لكاس العالم 17 نوفمبر 1989

و الله ما لاقى حاجة تانية؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟

**hany_mohamed** · 20-07-2010 11:40 PM

المشاركة الأصلية كتبت بواسطة aezzat

الاحداث السيئة :

1. اغتيال السادات 1981
2. سقوط طائرة امريكا و هى تحمل خبرات الجيش المصرى 1999
3. زلرال اكتوبر 1992
4. استمرار قانون الطواريء كل هذه السنين
5. ضياع كرامة المواطن المصرى داخل و خارج مصر

كفاية كده و لا نقول كمان

معاك فى 1 و2 و 3 و 5 وخمسة دى رقم 1
انما اربعة مش معاك لان المشكلة مش فى القانون المشكلة فى اللى بيطبق القانون لان فيه ناس مبينفعش معاهم غير قانون الطوارىء " برجاء ابحث فى اليوتيوب عن ذبح شاب بالاسكندرية " وقولى الناس دى يتم التعامل معاهم باى قانون

**dr-mohamed** · 21-07-2010 12:09 AM

المشاركة الأصلية كتبت بواسطة hany_mohamed

وصلع ماشى قيمة برضه عندك يول براينر ورونالدو و بروس ويلز

كدة ضيعت نفسك واهدر دمك
فين اشهر اتنين صلع مكتبتهمش
كريم منير وشنوري
عداد عضويتك بيطير مش بيجري

المشاركة الأصلية كتبت بواسطة skybird

احنا جيل عاش تطورات رهيبة .........
عشنا بدايات 4 احاث كبرى كل واحده منهم كفيلة بتغيير العالم واحنا عشنا الاربعة مع بعض
عصر الكمبيوتر والانترنت والفضائيات والمحمول

وسياسيا عشنا عصر اكبر تحولات ايضا
حرب الخليج الاولى
الهجوم الارهابي على مركز التجارة العالمي وما رافقه من تحولات كبرى في خريطة المنطقة
حرب افغانستان
حرب العراق

بصراحة احنا جيل لازم يحس انه كبر وعجز من كثر اللي شافه

حد يفتكر حاجه تانية انا مذكرتهاش

يووووووووه نفتكر ايه ولا ايه بس
من كتر الاحداث الكبري الواحد مبقاش عارف ايه اللى كبير وايه اللى صغير

المشاركة الأصلية كتبت بواسطة dolly13

فكرتنى بموضوع برجى التجارة العالمى ده
كنا يومها فى جنينة الحيوانات ورجعنا عقبال املتك كان عندنا دش ففتحت قناة الجزيرة على الساعة خمسة كدة وهالنى مارايت
كنا شايفينهم وهما بيقعوا لايف ومش مصدقين اللى بيحصل
وبعدين كلمت اللى اعرفهم اقولهم افتكرونى باهزر او عبيطة الله الم بالنفوس
وماصدقوش الا لما التلفزيون المصرى ذاع الخبر
ايام لاتنسى فى التاريخ.....

كنت ماشي لحظتها مع واحد صاحبي وكل ما نعدي على قهوة نلاقي لاناس ملمومة روحنا البيت لقينا المشهد فضلنا نتفرج على الجزيرة واحنا متنحين كاننا منومين مغناطيسيا مش مستوعبين ومش مصدقين وبنقول استرها يا رب بكرة امريكا تيجي تطلع عينينا وتقول اننا السبب وهو ما حصل بالفعل

المشاركة الأصلية كتبت بواسطة icehearted girl

انا كنت ساعتها في أولي ابتدائي واليوم دا ماما عدت عليه فلمدرسة وخدتني بدري.. ولجل البخت كان فيه برج صغير فلمدرسة عرفت بعد كدا انه وقع علفصل بتاعي

كنت ساعتها قاعدة بتفرج علي فيلم اجنبي عربية بوليس بتطارد عربية حرامية.. وأول مبتدي ضرب النار فلفيلم لقيت الشجر اللي جنب العمارة

كله مايل علشباك.. بطريقة مرعبة.. والصيني اللي فلنيش كله عمال يتدغدغ في الارض

وجارتنا عمالة تخبط علينا وتصرخ وتقولي افتحي يا ضحي زلزااااااااااااااااااااال كانت فكراني لوحدي فلشقة مع ان ماما كانت نايمة

المشكلة الكبيرة بقي اني اصلا مكنتش اعرف يعني ايه زلزال :d

آه والله بجد مكنتش فاهمة اعمل ايه يعني

رحت صحيت ماما وقلتلها كلمي طنط اللي قدامنا بتقولي افتحي فيه زلزال..

لقيت ماما خدتني وجررررررررررررررريت

وساعتها قعدنا 6 شهور كاملين ماما حاكمة علينا ننام كلنا فلصالة علشان نعرف نهرب بسرعة لو حصل زلزال

مش قولنا الموضوع للكبار جيل السبعينات
جيل الثمانينيات داخلين ليه ؟؟؟؟؟؟؟؟؟؟؟؟
وفي اولي ابتدائي كمان
صبرني يا رب
كنت وقتها مخلص الجامعة وبشتغل ومعايا عميل سلمني فلوس وادامنا كوبايتين شاي على المكتب وبعد الفلوس لقيت كل حاجة بتتهز وكوبايات الشاي جاية تحضني خرجت جري بشوف فيه ايه افتكرت المكتب بيقع لقيت كل العمارات بتتمايل والعميل جري ورايا وبيقولي اديني ايصال بالفلوس
ههههههههههههههههههههههههه هههههههه
البلد كلها بتترقض و ده بيقولي ايصال

المشاركة الأصلية كتبت بواسطة icehearted girl

طبعا اولهم كان 9 مارس 86

يوم ميلادي طبعاااااااااا

وثانيهم استرداد طابا 1989

طب تاني حدث ده اكيد من ضمن احسن 5 احداث
الحدث الاول ده ضمن اهم اسوا احداث ولا مع مين بالظبط

**dr-mohamed** · 21-07-2010 12:14 AM

ماتنسوش من الحاجات المهمة جدا يا جماعة ان احنا اخر جيل عاصر رئيسين للجمهورية
يعني مواليد التمانينات ميعرفوش يعني ايه رئيسين للجمهورية

-

-

الموضوع: هل تنتمى لجيل التمانينات

LinkBack

أدوات الموضوع

عرض

-

-

-

-

-

-

-

-

المواضيع المتشابهه

حاجات جيل التمانينات

ذكريات التمانينات

موضوع جديد لجيل السيارة لاتستهكل بنزين كثير

ريجاتا............التمانينات

الكلمات الدلالية لهذا الموضوع

المفضلات

المفضلات

ضوابط المشاركة