الموضوع: تعديل مطلوب

انا عملت التعديل ده من 11 سنة بس معييش صور و عملته فى عربية ابارث ونفذ فى القاهرة و طبعا الشدادعلى بطاحة المساعدين فى الأمام و الخلف (عمولة وانا اللى صممت)و الشداد السفلى علشان يمسك فردتين الشاسيه من تحت و يحميهم من انهم يفتحوا مع نتع المكنة والشدوالقرص على الغيار فى المنحنيات و تغيير القنطرتين الأمامية و الخلفية بأثنين عمولة محملين و بيتلحموا بدلا من الأصليين بلحام محمل و مش عايز اقولك لحام كهرباء و بركب زوايا صلب ماسكة صدر العربية و ملحومة معاها و مرتبطة مع القنطرة الأمامية و من الناحية التانية
والأهم من كده الطلاء و الحماية من الصدأ و اسلوب اللحام و تدعيم فخدة العربية بصاج محمل وثميك و مبطن للفخدة تماما و ملحوم معها علشان نعمل تعصيب للفخدة علشان نمنع عملية السوستة فى صاج الفخدة حتي بعد تركيب الشدادات. بعد كده يدخل تعديل التعليق و الفرامل و تثبيت قواعد الموتور وباقى الميكانيكيات و ما تنساش توطي العربية جامد و تركب سبويلرات على الإكصدامات الأمامية و الخلفية و سبويلر على العتب لمنع دخول الهواء و تظبط شفف الرفارف عند اي سمكرى لو الكاوتش عريض و تأكد من ان جلب المقصات حالتها 10/10 و مش مقطوعة او الإسطوانة الداخلية المعدنية بها شرخ او بيضاوية و اقوي انواع الجلب فى العالم هى ان تكون الجلبة مخروطة صلب مثل الجلبة الأصلية الكاوتش فى الأبعاد بس لاتحتوي على اي كاوتش وتشحمها كويس و تركبها فى المقص بمكبس هيدروليكي عند الخراط او الحداد ثم تركب المقص فى العفشة و تركب مسمار المقص و تربط الصامولتين المثبتين له وبخصوص التوطية بحرها كبير و كله شغال سواء حتقص سوست او توطي جوانب الكاوتش او تركب كويل اوفر(مساعد رياضى و الياي اكبر من قطر المساعد بحاجة بسيطة )بيسمح بالكاوتش العريض و بيسمح بتخفيض ارتفاع العربية