مصيف سعيد ان شاء الله ياحميدو باشا وربنا يحلي اوقاتك كلها ويجعلها كلها سعاده وفرح وترجع بالسلامه متنساش دعاء الركوب
الله اكبر الله اكبر الله اكبر سبحان الذي سخر لنا هذا وما كنا له مقرنيين وانا الي ربنا لمنقلبون
عرض للطباعة
اقتباس:
مصيف سعيد ان شاء الله ياحميدو باشا وربنا يحلي اوقاتك كلها ويجعلها كلها سعاده وفرح وترجع بالسلامه متنساش دعاء الركوب
الله اكبر الله اكبر الله اكبر سبحان الذي سخر لنا هذا وما كنا له مقرنيين وانا الي ربنا لمنقلبون
ربنا يخليك يا استاذ احمد وترجع بسلامه ان شاء الله
ترجع بالف سلامه وماتنساناش في شوية جمبري معاك بس يكون دواخل الفابريكه
يعينى يا استاذ احمد معلش
المهم انك تنبسط وتستريح شوية من جو القاهرة والشغل والقرف والزحمة اللى فيها
واهو منك غيرت جو وشميت ريحة البحر وجو اسكندرية وجمالها
وانا كنت فعلا عايز اطلع اروح اسكندرية قبل رمضان كدة 5 ايام
بس بعد كلامكوا غيرت رايى وهروح مطروح احلى مع انى مرحتهاش قبل كدة بس من كلام ناس عليها
انها كويسة وحلوة وجميلة
بس ياريت لو حد يقدر يفيدنى اسعار الشقق والشاليهات فى مرسى مطروح فى حدود كام عشان اعمل حسابى
ياريت بعد اذنكوا وشاكر ليكم جميعا يا منتدى يا لذيذ يا جامد
اللي عاوز يصيف دلوقتي في أسكندرية ملهاش الا حلين يا أما ينزل في المعمورة يا في المنتزة غير كدة مفيش لأن سبب زحمة أسكندرية أنها مصيف رخيص تتوفر فيه كل مميزات المصيف الناجح سكن أكل شرب فسح بأسعار رخيصة فا اللي عاوز يشتري دماغوا ينزل في حتت مايكونش فيها كثافة جامدة انا كنت يومين في المعمورة هادية ورايقة ومفيش زحمة والبحر نظيف وكله عال العال .
وأسكندرية في رمضان هتبقى حلوة وأهدى بكتير اللي عاوز يتمتع بالبحر ييجي آخر 4 أيام قبل رمضان ويقعد كمان 4 في رمضان ويقضيها خيم رمضانية وخروجات عالبحر بالليل ويروح بحري والقلعة والمنتزة الجو هناك رائع في رمضان لحد الفجر والحال هيبقى أهدى شوية ونورتوا أسكندرية عاصمة السياحة المصرية والعربية والأجنبية وربنا يتولانا برحمته قادر يا كريم .
تعالى اسكندريه فى الشتاء و انت تعرف ايه هى اسكندريه !!!
زحام الصيف خلانا نحن الاسكندرانيه مصيفنا مطروح او الساحل مع انى لو نزلت بالشورت و روحت البحر اسهل لى و اوفر لى لكن لو حطيت شمسيه و نزلت الميه و رجعت لها هتلاقى 15 او 20 واحد وواحده قاعدين تحتها و بيبتسموا لك و مش هيقوموا
و خلانا نمشى من الدولى الساحلى و ننسى الكورنيش
و خلانا ننسى محطة الرمل و الانفوشى و المنشيه .و طبعا فى الشتا هتروح تعمل ايه فيهم !!
يعنى اللى بيعملوا مشاريع فى القاهره مش عارفين يعملوا شاطئ صناعى ياخد له 15 او 20 الف او حمام سباحه عملاق اد ستاد القاهره و الناس تنزل من المدرجات على الحمام :))
و أحلى حاجه ان الوضع دائما مش عاجبكم ههههههههههههه
احنا عشان اسكندرانية لما بنحب نصيف بنصيف فى شهر 9 و 10 بيبقى الجو رايق وحلو و مفيش زحمة ده انا حتى مبحبش اخرج من البيت فى الصيف
والله ما عارف اخرج ولا عارف اشتغل بسبب الاحتلال اللى دخل علينا ده :majd(4):
وقاعد فى البيت مش بخرج ده انا بطلع بعد الفجر ساعتين اتمشى وارجع تانى الكهف بتاعى
بجد يعنى الصيف ده مش طبيعى !!!
انا عن نفسى مسافر كمان 3 ايام على مطروح وامرى لله
ممكن اللى يجي يضحى ويدخل شاطئ المعموره والمنتزه فقط لا غيرررررررر
خلاص يا جماعة احنا نقوم بعمليات تفجيرية ضد المصطافين:C_laugh[1]:
واول هدف انا نفسى الغيه من الوجود هو شارع خالد بن الوليد