بعض الملاحظات بخصوص مصيف فى الاسكندريه.....

**ahmed-moga** · 16-07-2010 03:01 AM

المشاركة الأصلية كتبت بواسطة hamedo0

ربنا يخليك يا احمد باشا ان شاء الله علي الفجر يا استاذ احمد انا رايح العجمي هانوفيل

مصيف سعيد ان شاء الله ياحميدو باشا وربنا يحلي اوقاتك كلها ويجعلها كلها سعاده وفرح وترجع بالسلامه متنساش دعاء الركوب

الله اكبر الله اكبر الله اكبر سبحان الذي سخر لنا هذا وما كنا له مقرنيين وانا الي ربنا لمنقلبون

**dramir1** · 16-07-2010 03:24 AM

ترجع بالف سلامه وماتنساناش في شوية جمبري معاك بس يكون دواخل الفابريكه

**AshTurbo** · 16-07-2010 07:47 AM

اللي عاوز يصيف دلوقتي في أسكندرية ملهاش الا حلين يا أما ينزل في المعمورة يا في المنتزة غير كدة مفيش لأن سبب زحمة أسكندرية أنها مصيف رخيص تتوفر فيه كل مميزات المصيف الناجح سكن أكل شرب فسح بأسعار رخيصة فا اللي عاوز يشتري دماغوا ينزل في حتت مايكونش فيها كثافة جامدة انا كنت يومين في المعمورة هادية ورايقة ومفيش زحمة والبحر نظيف وكله عال العال .

وأسكندرية في رمضان هتبقى حلوة وأهدى بكتير اللي عاوز يتمتع بالبحر ييجي آخر 4 أيام قبل رمضان ويقعد كمان 4 في رمضان ويقضيها خيم رمضانية وخروجات عالبحر بالليل ويروح بحري والقلعة والمنتزة الجو هناك رائع في رمضان لحد الفجر والحال هيبقى أهدى شوية ونورتوا أسكندرية عاصمة السياحة المصرية والعربية والأجنبية وربنا يتولانا برحمته قادر يا كريم .

**mexmarine** · 16-07-2010 07:48 AM

تعالى اسكندريه فى الشتاء و انت تعرف ايه هى اسكندريه !!!

زحام الصيف خلانا نحن الاسكندرانيه مصيفنا مطروح او الساحل مع انى لو نزلت بالشورت و روحت البحر اسهل لى و اوفر لى لكن لو حطيت شمسيه و نزلت الميه و رجعت لها هتلاقى 15 او 20 واحد وواحده قاعدين تحتها و بيبتسموا لك و مش هيقوموا

و خلانا نمشى من الدولى الساحلى و ننسى الكورنيش
و خلانا ننسى محطة الرمل و الانفوشى و المنشيه .و طبعا فى الشتا هتروح تعمل ايه فيهم !!

يعنى اللى بيعملوا مشاريع فى القاهره مش عارفين يعملوا شاطئ صناعى ياخد له 15 او 20 الف او حمام سباحه عملاق اد ستاد القاهره و الناس تنزل من المدرجات على الحمام :))

و أحلى حاجه ان الوضع دائما مش عاجبكم ههههههههههههه

**M.Alaa92** · 16-07-2010 02:35 PM

احنا عشان اسكندرانية لما بنحب نصيف بنصيف فى شهر 9 و 10 بيبقى الجو رايق وحلو و مفيش زحمة ده انا حتى مبحبش اخرج من البيت فى الصيف

**Super_Star_h** · 16-07-2010 02:58 PM

والله ما عارف اخرج ولا عارف اشتغل بسبب الاحتلال اللى دخل علينا ده

وقاعد فى البيت مش بخرج ده انا بطلع بعد الفجر ساعتين اتمشى وارجع تانى الكهف بتاعى
بجد يعنى الصيف ده مش طبيعى !!!
انا عن نفسى مسافر كمان 3 ايام على مطروح وامرى لله
ممكن اللى يجي يضحى ويدخل شاطئ المعموره والمنتزه فقط لا غيرررررررر