ربنا يسترها على اصحابها ...
عرض للطباعة
ربنا يسترها على اصحابها ...
أولا .... ADAC الماني مش اسباني ..... واعتقد إن الالمان مش بيهزروا ولا هم بتوع مؤامرات علشان اختراق الاتحاد الاوروبى.....
ثانيا :حضرتك شايف إن اختبارات الأمان ملهاش لازمة .... لإن القياس عند 60 .... فـحضرتك ممكن تقرأ في الموقع ليه اختاروا 60 ......وده باحتصار لإن معدل السرعة اللي بيفضل بعد الفرامل بيبقى اقل بكتير من ال 60 .... ده اللي أنا فاكره
فـبالتالي الكلام بتاع كله بيتساوى في السرعة ده لما حضرتك تبقى ماشي على 200 ومادوستيش فرامل .... أما لو دست فـسرعتك بتقل بصورة كبيرة .......
أما اللي يشتري الجالنا be-140 ألف ويستخسر 10 ويجيب هوندا مثلا ... يبقى يستاهلها .....
حضرتك لو دخلت على HOME | Euro NCAP - For safer cars crash test safety rating حتعرف إن في كتير من العربيات دي جايب 2 و 3 وساعات 4 .... وبرده العربيات دي بنص تمن الجالينا......... وعربيات أي كلام أساسا....
وال نقطة الظريفة ك IT وخبرة مش أي كلام .... ممكن تستري أي ماركة عالمية مصنوعة في الصين عادي
إنما ماركة صيني من اساسها لأ ... وبرده على فكرة lenouvo دي IBM .....
وعلى فكرة برده اسم الماركة ليه تمن .... هي بتحافظ علييه وإنت بتدفع تمنه ..... هي دي المعادلة بينكم ......
أما موضوع الخامات فـده ليه معايير كتير مش زي ماإنت فاكر .... إنما كل شركة بتعمل حساب ل اسمها .... علشان كده أشتري منها ... إنما الصيني لأ .....
ده للاسف كلام حق يرد بيه باطل .....إسرائيل عملت قمر صناعي مفكرتش تعمل عربية ....فلندا عملت نوكيا ودي مش موبيلات بس ... دي واحدة من الحيتان الصناعية في الدنيا معملتش عربية .... والصين بتعمل عربيات لشركة عالمية إنما لما حاولوا يعملوا عربيات هم عملوا زبالة ده مش معناه أي حاجة
أما كل واحد بيحسبها بمزاجه ...فـهل يستوي الذين يعلمون والذين لا يعلمون ... وواجب اللي بيعرف إنه يفهم اللي مشبيعرف وبيحسب حسبته غلط إنه غلطان .... علشان ربنا حيحاسبنا على العلم ده
ماحدش اشتكى دي مش معناها إنها كويسة ... استنى عليها شوية وشوف قطع الغيار ...و العمر وحاجات كتير .... وال جودة وال أمان .....
بس سؤال لما هي أحسن عربية في سعرها أُمّال مش بتتباع إلى في العالم التالت ليه ليه مش في امريكا واوروبا وأستراليا وأغلب اسيا وامريكا الجنوبية ولا حتى الخليج
يا ترى لييه
الكوري وحش مفيش جدال وقطع غيره زي قلتها ..... بس في نسبة جودة اضعاف أنضف عربية صيني ...يا راجل ده الناس اللي عنها كوري فرحوا إنهم مبقوش أسوء حاجة في السوق
يا جماعة للمرة المليون قولنا ان الفيديو داه اتغير ارحمونا شوية احنا اكتر حاجة بنعملها هوا الموضوع داه
يعنى الى خلى حضرتك تضور على الفيديو داه مالاقيتش يعنى الفيديو الجديد الى اتعمل بعد 79 يوم
وادى الفيديو ويارب الناس تقتنع
YouTube - Brilliance BS6 - new 3-star crashtest
الف مبروك لملاك البريليانس و كل الصيني
و العربيات الصيني احسن عربيات
و حقكم علينا احنا يا جدعان
و سونه اجدع ناس
السلام عليكم ورحمة الله وبركاته
انا عضو جديد بالمنتدى ولأني لا املك سيارة لم اكن انوي الكتابة او الدخول في هذا الجدل المحتدم حول السيارات الصيني لكني لم استطع ان اخفي اندهاشي واستغرابي من هذا الاصرار الرهيب على اثبات ان السيارات الصيني فاشلة ولا تصلح للاستخدام الادمي هذا الاصرار الذي يفقد الموضوع المصداقية والحيادية التي هي اساس هذا الحوار من البداية او بمعنى اخر ان الغرض من هذا المنتدى ومن الحوارات الدائرة به هو ان نتشارك ونتبادل المعلومات والآراء وفي النهاية كل انسان ادرى بظروفه واحتياجاته وهو سيد قراره
هناك بعض الاخوة مشكورين قاموا بتوضيح عيوب السيارة من وجهة نظرهم وهناك ايضا من قام بعرض مميزاتها وامكانيتها ,,,,,ولولا اختلاف الازواق لبارت السلع ,ليس هذا معناه ان من اشرى السيارة يبقى مبيفهمش ولا ان المعترض عليها مبيفهمش لكنها مسألة ازواق وخلاص اللي معترض على الصيني ميشتريهوش
وبعدين ما يثير الدهشة اكثر واكثر هو انه يأتي احد من مالكي السيارة ويقول العربية جميلة ومريحاني يأتي احد المعترضين يقوله لالالالالالا دي مش مريحاك ولا حاجه انت اللي مش واخد بالك بس فيقول مالك السيارة والله جميلة وثابته مش بشتكي منها خالص وماشي بيها كزا الف كيلو وزي الفل يأتي احد المعترضين ويقوله لالالالالالالالالالالالال الالالالا دي مش ثابته ولا حاجه ومش اعتمادية انت بس بيتهيألك!!!!!!!!!!!!!! "بصراحه شئ غريب جدا "