اختبار تصادم....ياريته ما اتعمل ههههههههههههههه
[youtube]http://www.youtube.com/watch?v=nzoRdDssL1w&feature=related[/youtube]
عرض للطباعة
اختبار تصادم....ياريته ما اتعمل ههههههههههههههه
[youtube]http://www.youtube.com/watch?v=nzoRdDssL1w&feature=related[/youtube]
التيجو:
[youtube]http://www.youtube.com/watch?v=18m1_i_sFK4[/youtube]
بصراحة بعد ما شفت الفيديوهات
قلت ربنا يسترها يارب مع ملاكها ويكفيهم شر الحوادث.
بس لازم ياخدو خطوة ويغيرو عربياتهم،
فعلا هي جالينا- بريليانس
دي موديلات قديمة
في كذا موضوع قديم عن الكلام دا والجديدة مش كدا
ما هي لو قديمه او جديده كده كده الموديل ده موجود في مصر و في ناس شارياه . ربنا يستر عليهم و علي اولادهم
ده الراجل بيقول (السائق ليس له فرصه للنجاه) و العربيه الشاسيه بتعها اتعوج لحد نص الباب
و اذا كان ده حال اغلي و اكبر عربيه عندهم يبقي عربياتهم الضغيره و الأرخص عامله ازاي
و الله العربيات ديه ما يدفع فيها جنيه و لو هنتشعبط في ميكروباص
كنت قريت عن اخبار التصادم و ان المصنع قال انه هياخدها بعين الاعتبار ,
و الكلام ده من سنة تقريباً ,
يعني آلاف العربيات تم انتاجها و ماشية على الأرض و المصنع هياخد الكلام بعين الاعتبار ,
ربنا يسترها على اصحاب العربيات دي ......
غير كدة سعر اعادة البيع غريبة جداااا الجالينا مع قريبى موديل 2009 وحب يبيعها جايلة فيها اخرها 70.000 !!!!!!!! للعلم auto high line
العربيات دي خساره من كل اتجاه و اي زاويه تبصلها منها
عربيات كل حته فيها من بلد
قطع غيار . الأصلي منها صناعه صيني يبقي التقليد بقي عامل ازاي و صناعه ايه
اي مستورد معاه قرشين استورد لوط ولا اتنين و خدله محل في ابو رواش و قالك انا توكيل و ده مركز صيانه
و هتلاقي سنتين ولا تلاته و العربيات هلكت و هو باع اللوط وقبض القرشين و قفل المحل و قالك التوكيل اتلغي
و اصحاب العربيات يلبسوها
بقي في حد عاقل يشتري عربيه من الناس دي و يدفع فيها الافات و اول ما يطلع بيها من المعرض بيكون خسر نص تمنها و يدلل عليها كمان بعد كده
يا اخي يخرب بيت الجشع و الغش اللي بقه في الشعب ده
بيجيبوا زباله الحاجات اللي في الدنيا و يبلونا بيها
شوف التوقيع بتاعي و انت تعرف ان كل الناس بقت كده
العربية دي كان اتباع منها 8 في ألمانيا وبعد الCrash Test ال8 رجعوا عربياتهم تاني!
طبعا احنا في مصر كانت بتتباع زي الفل وكمان بسعر مش منطقي :majd(4):
بالظبط يا باشا كلنا واخدين الختم بس بمزاجنا:b4_388:
العربيات الصيني كماليات وبس ده ولا حتى كماليات
انا كنت راكب مع تاكسي ابيض سبيرانزا وقلت اسيب العربية عشان الزحمة
قفلت الباب بالراحة متقفلش
قام قالى اقفل الباب
قمت اتعافيت عليه شوية اتقفل بصوت عالى
قالى بقولك اقفله مش ارزعه
قلت له الباب ورق اصلا
قالى بتناكة كده جايز
قلت له مش جايز ولا حاجة
انت عارف اللى فيها ومتحورش كتير
كنت هقوله لفظ مش كويس بس مسكت نفسي
ورمت له الفلوس ومشيت
البيه محسسني انه راكب طيارة
قلت له
انت راكب عربية صيني متعش في الوهم وفوق شوية
this subject was mentioned before, and they modified 23 crash point in the car and it got later on 3 stars! but i hate this car so much , the quality of the interior is horrible and its all made of plastic! mitsubishi lancer is much better
تم التعديل قبل ما تنزل مصر اصلا مش من سنة
ويا ريت لما نهاجم حاجة نهاجمها صح واحنا عارفين الكلام ال بنقوله
YouTube - Brilliance BS6 - new 3-star crashtest
YouTube - Brilliance BS4 crash test - ADAC
الناس هاجمت العربية صح على فكرة
سواء فى الأول لما انا هاجمتها عشان الأمان..وده طبيعي لما شوفت الفيديو
أو لما هاجموها الزملاء الكرام عشان رداءة التقفيل وخاماته وسعرها المبالغ فيه
مش عارف ايه اللى مزعلك في الموضوع؟
وفي النهاية الاختبار التاني اللى اتعمل على العربية كان فى شهر مارس 2009
الله أعلم بقى العربيات اللى نزلت مصر كانت موديل كام وكانت انهى واحدة فيهم!
سيارات صينية !
أنا اكتويت من الصيني وخسارة 21 الف ج في 14 شهر والحمد لله
كلام مالوش عازه ولا لازمه
يا استاذي احنا مش بنشتم و خلاص . انا بكلمك علي اساسيات لأي سلعه مش العربيات بس
يعني انت لو هتقيم اي سلعه هتقيمها علي اساس ايه:
1- الأعتماديه : و اعتقد ان العربيات الصيني هي الأقل اعتماديه في السوق المصري يليها الماليزي و الكوري
2- القيمه السعريه : الصيني افضل في السعر ما عدا بعض الموديلات
3- القيمه مقابل السعر: اعتقد ان ما تحصل عليه مقابل السعر هو جوده متدنيه خاصه في المواد و الخامات المستخدمه لأن فرق السعر الرهيب ده استحاله ينتج من رخص الأيدي العامله فقط لأنها عاده لا تمثل نسبتها في المشروع اكتر من 5-7 % من التكلفه لأن هذه الصناعه تعتمد علي التكنولجيا اكتر من المهارات اليدويه للعامل
4- الثقه في المنتج : و طبعا دي معدومه و خاصه لما تعرف ان 90 % من العربيات دي لا تباع في الصين اساسا و كمان لما تلاقي ان كل جزء في العربيه من مصنع شكل و تلاقي انها عرييه متجمعه من عربيات و موديلات اخري اقدم
5- خدمه ما بعد البيع : و طبعا هي موجوده و لكن هل تضمن استمرارها مع اسماء اصحاب التوكيلات الحاليين
6- سعر اعاده البيع: اظن اي زياره لسوق عربيات هتعرف انت خسرت اد ايه في فتره اد ايه و انت تحكم بنفسك
7- توافر قطع الغيار : و هي طبعا متوفره و لكن لك ان تتخيل جوده قطعه الأصلي بتاعها صيني
و هو ده الي انا بتكلم فيه .. ان احنا لازم يكون عندنا ثقافه الشراء و لازم اعرف انا بدفع ايه في مقابل ايه و لما الاقي سلعه رديئه مشتريهاش علشان قارنتها بسلعه تانيه و كانت رديئه بردو
كلنا عارفين ان بمقاييس السيارات فالفيرنا رديئه و لكن لو بصيت للي انا قولتوا فوق هتلاقيها افضل من معظم السيارات الصيني
كلام مالوش لازمه انا اللي يخليني اشتري عربية علشان الناس علشان سعرها بعد ما اشتريها واحرم نفسي من كماليات من حقي احس بيها
الشركات اللي انت بتعترف بيها مش معتبرانا بني ادمين ومش راضية تحط في عربيتها اي حاجة شوف الهيونداي الفئة الواحدة ليها كام سعر كل ما يحطوا حاجة يزود في السعر في عربياتها لما الصيني بيحترمني اقول وحش ولما الاقي الكوري بيهيني ومستخسر يديني كماليات بحجة الفلوس واللي شايفه انه طمع يبقى حبيبي
اي منطق انت بتتكلم بيه انت وغيرك ارحمونا من حجة بعد البيع وحجة خامات التقفيل حجج هاملة والله انتم بدافعوا عن مين ؟؟؟؟؟؟
يا ريييتو ما اتعمل
علي فكره مش ظريف ابدا انك تقول علي وجهه نظر واحد (كلام ملوش لازمه) لان فيها اساءه للشخص ده لان كل واحد و ليه و جهه نظره و طريقه في حكمه علي الأمور و محدش اجبرك انك تعمل بوجهه نظري دي
و اذا كنت انت شايف انك ممكن تضحي بكل حاجه اساسيه في سبيل الكماليات و اللي ممكن تركبها من عند اي حد بتاع اكسسوار فده حقك و في ناس كتير بتفكر زيك كده و هما دول اللي بتقوم عليهم سياسات البيع و التسويق للمنتجات دي. و مبروك عليك عربيتك الصيني و ربنا يكرمك فيها
اولا غلبتني بذوقك وانا اسف اذا كنت اسأت لك
ثانيا : العربية البريليانس بالذات متجربة من كذا عضو وكلهم بلا استثناء بيشكروا فيها وادائها
ثالثا : انا لسه ما جبتش عربية انا حاجز بس وبرضه بريليانس fsv اوتو 1600
رابعا : كلامك منطقي في حالة العربية فعلا الناس اشتكت منها لكن مع البريليانس الحمد لله الشكاوي تكاد تكون معدومة يمكن علشان العربية لسه اللي جربها عددهم مش كبير بس كفاية ان كل ما تخش قسم البريليانس تلاقي الوضع تاني مافيش شكاوي غير غربيات يني تانية
خامسا : انا كنت على نفس مبداك في سعر اعادة البيع وقطع الغيار وعلشان كده كان اختياري قبل fsv نيو اكسنت سبورت بس انا لقيت شكاوي كثيرة في العفشة والتنطيط وخدمة غبور غير ان العربية صغيرة وكان في اختيارات ذي الاوبترا والافيو والفيرنا الكيا ريو و البروتون جين 2 بس في النهاية كان القلب مايل للبريليانس
خامسا : شكرا لك على ذوقك
ماهو حضرتك فاكر إن العربيات ببلاش .... وال سؤال أنا لما اديك laptop ب 500 جنيه يا ترى هل زي أي laptop من أي ماركة حتى لو مش محترمة ...لأ , وهي دي عربية تبقى ب 159 ألف ليه أُمّال الهوندا تبقى بكام إن شاء الله .....
ولو حضرتك عايز تشتري عربية أي حاجة علشان كاسيت وشوية كلام فارغ إنت حر .... إنما احنا مش حنغير زمتنا علشان حضرتك بتحب الكماليات ......بالنسبة ليَّ أنا الأهم عندي العربية .....ومعاملات الأمان .... مش صفر.... صفر ليه هو احنا عمرنا ملوش لازمة ...
الصفر اللى حضرتك بتتكلم علية ده مش euroncap ده مركز اختبارات خاص فى اسبانيا وهو هو اللى عاد الاختبار وبقى 3 نجوم
الغرض من الاختبارات دى منع بريليانس كأول شركة صينية محاولة اختراق الاتحاد الاوروبى
اخيرا كل الاختبارات على سرعة 60 اما على السرعات العالية كله بيتساوى حتى اللى جايب نجوم وافتكر ديانا اللى اتفعصت فى عربية مجهزة تجهيز خاص
معاك ان الجالينا غاليا بس ليها زبونها لكن ال FRV و FSV بصراحة مفيش اى عربية افضل بالسعر ده
اخيرا كل اللابتوبس اللى فى السوق صينى العيب مش فى الصين لان الناس دى بتصنع هناك كل الماركات العالمية المهم جودة المنتج
حبيبي الصفر ده كان زمان وهاتقول ايه على الهيونداي الفيرنا والكسنت واكيا الريو والافيو والاوبترا لو دخلت اختبار هاتاخد كام
ثانيا : انا جايب لاب توب lenovo صيني ذي الفل واسأل على ماركته ممتازة
ثالثا : معظم الشركات اللي في السوق المصري بتبيع اسم ( ماركة) مش خامة زي زمان
شوفوا الخبر ده و انتوا هتعرفوا احنا بتكلم عن ايه
القاهرة - محرر مصراوى - أصدر المهندس رشيد محمد رشيد وزير التجارة والصناعة السبت قراراً بشطب شركة شيري أوتوموبيل الصينية المنشأ من سجل الفحص الظاهري للرسائل الصناعية غير الغذائية ( القائمة البيضاء) بالهيئة العامة للرقابة علي الصادرات والواردات .
وجاء قرار الوزير نتيجة لتكرار رفض العينة التي أجريت عليها الفحوصات المعملية (مساعدين سيارات) وثبوت عدم مطابقتها للمواصفات خلال شهر مايو الماضي.
وأكد المهندس رشيد محمد رشيد أنه سيتم تطبيق عقوبات مشددة علي الشركات المستوردة التي تتلاعب بالمواصفات والجودة، أو تقوم بأي ممارسات تضر بالمستهلك المصري، وأوضح رشيد أن هذه العقوبات سوف تشمل الشطب نهائيا من سجل المستوردين، وأنه سيتم وضع الشركات الأجنبية المخالفة في قائمة سوداء لمنع التعامل معها.
ويعلن المهندس رشيد محمد رشيد خلال الأيام القليلة المقبلة، عن قوائم سوداء جديدة بأسماء شركات مصرية استوردت سلعا مشكوكا فيها، وسوف تنضم هذه الشركات إلي قائمة الـ27 شركة التي تلاعبت في شهادات الاستيراد من الصين وأحالها الوزير إلي التحقيق.
وأكد المهندس رشيد أن الوزارة سوف تتصدي بكل حسم وقوة لأي محاولات لإدخال سلع غير مطابقة للمواصفات وضارة بالمستهلك.
وأوضح رشيد أنه من الآن فصاعدا سيتم إعلان أسماء الشركات المخالفة حتي يتم انضباط السوق والمستوردين، وقال رشيد إن حماية المستهلك وضبط السوق يمثلان أولوية قصوي للحكومة المصرية، وحذر رشيد بقوة قائلا: "وعلي المتلاعبين تحمل العواقب" .
ومن جانبه، أكد المهندس محمد شفيق رئيس الهيئة العامة للرقابة علي الصادرات والواردات أنه سيتم عمل مسح شامل لضبط السلع غير المطابقة الموجودة في السوق، وقال: "إنه لن يسمح بأن تكون السلع الصينية المطروحة في السوق المصرية أقل في الجودة من مثيلتها بالسوق الأمريكية والأوروبية" .
وأضاف شفيق قائلاً : "نحن لسنا بلد النفايات، ولا أحد فوق القانون" .
المصدر : صحيفة الأهرام ، مصراوى
كلام جميل من اخ بينصح بس الكلام ده حطوا في قسم الشيري مش عند البريليانس يعني مكانه مش هنا
تعميم الصينى خطأ
القمر الصناعى الصينى مش ممكن يكون بجودة ابو 2.5 الصينى
والعربيات فيها الوحش وفيها الوحش (بأختلاف التشكيل)
واخيرا مفيش عربية ملاك بدون مشاكل
وكل واحد بيحسبها بطريقته
وكل واحد شايف انه مش غلطان فى قراره
لو كان عندك تجربة عملية او شكوى من شيئ معين شاركنا فيه عشان يكون النقاش له هدف ونتيجة