الموضوع: طالب مصري يبتكر آلية تحافظ على الأرواح أثناء الحوادث

المشاركة الأصلية كتبت بواسطة SE_coralsea

حسب ما فهمت ان الصالون كله هايرتفع يعني كمان التابلوه هايرتفع

بس الفكرة دي لو الحادثة ناتجة عن تصادم مع سيارة اخري
- طيب لو التصادم ده مع عربية نقل مرتفعة
- أو لو العربية نفسها أتقلبت
هل النظام ده هاينفع ؟؟؟

???????+

عمار يا مصر يا رييت نلاقي وسيلة ندعمة بيها يا رب يوفقة

المشاركة الأصلية كتبت بواسطة elzl_mido

عماااااااار يا مصر مس يارب يفلت من الروتين الموضوع ده

روتين حاجه يا باشا واى تهريج حاجه تانيه
ومعلش فى الكلمه حضرتك انا فى كليه الهندسه وعلم الحوادث دا فى العربيات علم كبير مش موجود فى اى دوله الا بعض الكليات القليله جدا المغذيه للصناعه العربيات ودا استحاله يكون عندنا فى اى كليه
تانى حاجه علشان اقولكم ان دا تهريج وان صاحب المشروع والدكتور نفسهم تعبانين ان الى بيصمموا العربيات دول عندهم اكبر تكنولوجيا محاكه وان حياتهم كلها كلها متركزه انه ازاى يطلعك من الحادثه باقل ضرر ممكن
عايز تجيب طالب او حتى دكتور فى انتاج جنب ناس حياتها كلها فى انها تطلعك من الحادثه اكيد لا لو انتا بتقول عمار يا مصر يبقى لازم يكون فى عندنا فرع فى هندسه يدرس الحوادث مش من الفراغ كدا
تانى حاجه يعنى العربيه تتخبط من ادام الحزام يحمى ظهرك وصدرك من الاصدام بالتابلوه والدركسيون والايرباج يحمى راسك من الاصدام بالدركسيون ولو فلوسك كتير وخايف على حياتك اوى هات عربيه مليانه ايرباجز زى الكورولا مثلا
تقوم تعمل صدمه موازيه للراكب كمان دى تكسر ضهره ورقبته وهوا قاعد
تخيل كدا لقدر الله سايق بسرعه 100 كيلو على الاقل وخبطت اولا الخبطه هتبدا وهتخلص فى جزء من الثانيه يعنى سرييعه جدا جدا تحولها من خبطه مباشره من ادام فى منطقه محميه اساسا بالحزام والايرباجز لصدمه عموديه عليك تكسر ظهرك ورقبتك فورا زى ماتكون وقعت من الدور الاول وانتا قاعد على كرسى
على الله اكون وصلت الفكره بس فى رائى انه تهريج وعادى انتا عارف الاعلام عندنا مابيصدق يلاقى اى حاجه

كلامكم فى التشجيع صحيح وانا بشجع اى فكره عمليه بس دى مش عمليه ولا تقرب للعمليه باى صله
وعلى فكره لو عايزين تعرفوا حاجه مهمه فى الحوادث بتعتمد فكرتها الااساسيه على ان السياره تمتص الصدمه كلها وتبقى زى المخده بالنسبه للقائد او الركاب يعنى لما تشوف عربيه ورق من الكبوت والاكصدام والرفارف دى كلها بتعمل زى المخده كدا انها بتمتص الصدمه علشان ما توصلش للراكب وتلاقى الناس حاليا تعمل حوادث بسرعه تفوق ال 120 ويطلعوا منها سلام
نيجى بقى على العربيات القديمه الحجر او الظلط زى ما بيقولوا الى صاجها تدخل فى الحيطه مايحصلهوش حاجه نلاقى ان الحوادث زمان كانت بتبقى على 40 او 50 كيلو والعربيه تبقى سليمه والى جوا يتدغدغ
سيبكوا من الحواديت الى فاتت دى انا بتكلم اننا نشجع فكره تعتمد على ان الراكب لما يخبط يحس بانه فى مخده وان العربيه كلها تتدغدغ من حواليه وهوا مايحصلوش حاجه لانها اخدت كل الصدمه
انما يطلع واحد يعمل صدمه جديده غير الصدمه الموازيه لاتجاه الحركه دا غلط غلط كدا بقى مفروض يعملوا ايرباجز للظهر كمان علشان مايتقطمش ويتكسر
اقولكم حاجه بسيطه ادخلوا على اليوتيوب واكتبوا crash test وشوفوا شكل الماكيت الانسان لما بيخبط ايده ورجله بيبقوا موازيين للخبطه وهوا بيكون تقريبا ظهره موازى لرجله ومتنى على الاخر تقوم تعمله صدمه عموديه على ظهره المتنى دا يتقطم فورا
انا مش بحبط او بقلل من فكره حاجه بس حرام كدا انى اشوف حاجه غلط واقول عليها برافو او صح ومعلش لو ضايقت حد انا بدى فكره بحكم انى شوفت وحضرت معارض كتيييير فى دبى والكويت بتاعت الاخراعات وللاسف الاختراع المصرى الى احنا بنهيصله هنا وبنعمل منه خبر فى الجرايد ونهيص عليه دا اول حاجه بتفشل بره وبتطلع بره المسابقه على طول

ومنهم الاختراع الى تفتكروه بتاع المصرى الى اخترع ماكينه بتعمل على تقليل التلوث ومنعه بانه ياخد خرج المصنع من الادخنه ويضغطه لحد ما يثيل ويطرد منه الملوثات انا اول واحد كنت معلق انه اختراع فاشل وغير عملى لان الطاقه الى هتستخدم علشان تضغط وتسيل الهواء دى هتكون رهييييييييييييييييييييييي به وكبيره جدا واثاله الهواء دى صعب جدا وتحت ظروف ودرجه حراره معينه عملنالها هيصه هنا واخد جوايز وطبعا كان كله على الورق مش عملى طبعا وجه فى الجرايد وبتاع ولما طلع بره دبى فى معرض دبى الدولى للتكنولوجيا دا خرج فورا وفشل

المشاركة الأصلية كتبت بواسطة se_coralsea

الاخوة الكرام ...

طبعا مشاركاتكم في الموضوع كلها مفيدة و جميلة و لكن ....

1- ليه أي حد بيقول فكرة جديدة بنحاول نشوهها أو نطلع فيها القطط الفاطسة
2- مش معني أن احنا مافيش عندنا في كليات الهندسة أقسام متخصصة أننا مانعملش أبحاث في التخصصات دي لأن بدون هذه المحاولات مش هايكون عندنا الاقسام اللي زي دى
3- لازم نتعلم ثقافة الرأي و الرأي الاخر و حتي لو كان غلط أو مخالف لرأينا لأن بدون هذا الحوار مش هانوصل لحاجة و اللي مضيعنا أننا ماشيين ورا الرأي الواحد و التوجيه و الارشاد و الرعاية الخاصة
4- حتي لو افترضنا أن رأي او فكرة هذا الطالب المصري خاطئة و لكن أكيد فيها نقاط قوة يمكن أستغلالها و تصحيح الفكرة من أساسها و أعادة توجيهها في الاتجاه الصحيح بالمناقشة العلمية الصحيحة و ده اللي الناس بتعمله بره علشان كده بنشوف أفكار جديدة و متجددة دائما من عندهم و بعد كده بنلهث نحن وراء ناتجها
5- يكفي أننا نحاول و نفكر و نجتهد حتي لو كانت المحاولة فاشلة و خاطئة أكيد في المرات القادمة هاننجح و نصل الي نتيجة

مش كل حاجة في مصر غلط و مش كل الناس في مصر لاغيين عقولهم لازم نشوف الجانب المضئ او نص الكوب الممتلئ زي مابننقد الغلط و بنشوف الجانب المظلم علشان نعرف أن لسه في أمل في البلد دي

مع خالص تحياتي
م/ سمير الشهاوي

المهندس سمير انا بحييك على رايك الاخر بس انتا مهندس وعندك حس للصح والغلط بدون حسابات حتى وعلى فكره الاخ الى قال ان فكرتى صحيحه قال انه اتفرج مره على فيديو او برنامج فيه ميكانزم الحوادث وقال كدا انا عايزك تدور على اليوتيوب على اشكال الحوادث والحلول والميكانزمات بتاعتها وشوف هما بيحاولوا يعملوا ايه
مفروض اننا نشوف هما فين ونكمل عليهم فى نفس الاتجاه دا معنى البحث