مانا عارف أن الرينو تبع الداتشيا
بس الموضوع دة هيتكلف كام فى الماديات يعنى ؟؟؟
يعنى لو عايزين نعمل الأربع أبواب بـ160 ؟؟؟
طيب والله دى حاجة حلوة اوى و شكرا على الأفادة يا باشا جدا
بالنسبه لتكلفه الماتور اسألك فى الوكاله او فى عزبه شلبى على المكنه الرينو سعر النهارده او حضرتك تخش على قسم الرينو وتسأل على سعر المكنه ..
وبالنسبه للزجاج اللى خلانى اركبهم بنفسى يا ama باشا ان الاسطى باشا وبيه كمان بتاع الابواب تعطف وقالى ان البابين هايركبلهم المكنتين من عنده وهاياخد مصنعية ايده كله كله شاكب راكب وعلى التجربه 350 جنيه للبابين اى 700 جنيه للاربع ابواب وتمانين جنيه مصنعيه بس لو انا اتصرفت من عندى بالمكتين على اساس ان انا بصمجى وملزوق على قفاى وان اللى يركبهم لازم يكون خريج المعهد العالى لتركيب مكن ازاز الكهرباء بالمانيا.... صدقنى يا باشا الناس دى بتاجر بجهلنا والله الموضوع كله خد منى دراسه مش اكتر من يوم فهمت فيه الميكانزم بتاع الليله وتقريبا ساعتين فى اول باب ونص ساعه فى الباب التانى يعنى تصور انت بقى الموضوع بسيط ازاى،،،،،،
:first:ولو عندك النيه قول وانا اشرح
اخى الكريم
اشتريت العربيه داتشا نوفا موديل 98 بعد ما قرات كلام حضرتك عنها
بسى فيه مشكله فى الكربراتير محتاج اغيره
ممكن حضرتك تقولى اركب مكانه كربراتير فيات اى موديل ؟؟
هل فيات 128 ولا 131 ولا ايه بالظبط ؟ واجيبه منين ؟ وسعره كام ؟؟
معلش طلب كمان لقلة خبرتى بالسيارات ؟
ممكن حضرتك تقولى على ميكانيكى ومحل قطع غيار موثوق
ياريت لو فى نطاق امبابه والوراق والمهندسين وميت عقبه او قريب ؟
لانى عايز اظبط العربيه كلها عند ميكانيكى شاطر وامانه حضرتك ترشحهولى
معايا مبلغ الف جنيه مش عارف هيكفى لتظبيط العربيه ؟ ومش عارف ايه الضرورى الى لازم ابدا بصيانته ؟
فى انتظار رد حضرتك
وجزاكم الله خيرا
الاخ engsisi :
بص ياباشا انا اشتريت عربيتى وهى متغير لها كاربراتيرها ومتركب لها كاربيراتير بيجو 305 بباب واحد وللعلم انا كان عندى العربيه دى قبل كده(بيجو 305 ) وكانت بتشم البنزين شم ولكن انا فضلت اخلى الداتشا بكابراتيرها الاصلى وهو بالمناسبه مش وحش ابداالفكره بس انه يتظبط كويس وهيبقى فل الفل ( وبالمناسبه بيخلى العربيه فى جريها مجنونه) ودة رأيي الشخصى اما بالنسبه للميكانيكى فى منطقه امبابه والوراق فأنا لا اعلم عن المنطقه نظراً لانى مش منها ولكن ادلك واقولك اسال الجماعه بتوع تاكسيات الداتشا9و12 اللى شغاله على الطريق وبالمناسبه اللى بيشتغل فى عربيات الرينو همه همه اللى بيشتغلوا ف الداتشيا بس احب اقولك ان العربيه دى حلوه والله بس اللى يقدرها ويقدر قيمتها بصراحه الرومانيين بدعوا فيها(ودة برضوا الرأى الشخصى بتاعى).
اما بالنسبه لقطع الغيار فمتلفش وتدور كتير وروح عند مشيل حليم وله كذا فرع وهم كالاتي :
184 ش الترعه البولاقيه شارع شبراوتلفونه 24301990
بجوار سينمابالاس بشارع شبرا 22047323
عماره 2 محل 2 عمارات الميرلاند جسر السويس مصر الجديده 22579666
والمحل اسمه رينو هوم
ولو لون عربيتك دهبى ادلك على لون الفابريكا الاصلى وهوren1 932 من فاتوره الرينو مع تبليغ عامل الالوان بأنه لايضيف ال42 جرام بتوع الاسود وباذن الله هاتطابق بصوره مذهله
وحاجاتها ان شاء الله رخيصه
وربنا يديلك خيرها ويكفيك شرها
الحمد لله إنك رديت لأنى للأسف معرفش حد فى القاهره خالص غير من المنتدى هنا فكنت كدة كدة هجيب له ردود سابقة لناس تانيه و ألف شكر على تواجدك و يارب الأستاذ engsisi يباركله فى العربيه الجديدة و عايزينه يقولنا بقى تقارير كدة عن العربيه و سحبها أية نظامه و الميكانيكا و أستهلاك البنزين و الماتور و كل حاجة عن السيارة و الأهم يقولنا جابها فى حدود كام و أية قصة الشراء و هل داخ لحد مالقاها ولا جابها على طول يعنى يقول قصة حياتة فى العربيه دى
يا ama باشا انا تحت امر كل اعضاء المنتدى فيما يخص الداتشا من استشارات فنيه فى المحرك لانى والحمد لله متمرمط تحت عربيتى سواء القديمه او الحاليه وبعمل كل حاجه فيها بنفسى وبأكون سعيد جداً لو قدرت انى افيد اى حد محتاج مساعده وبالمناسبه انا مانستش طلبك حول انى انشر كيفيه تركيب ماتور زجاج الكهرباء بنفسى بس بصراحه انا فى نيتى تركيب زجاج البابين الخلفيين برضه فامستنى حتى ادعم الموضوع بالصور حتى يتكامل ويكون فائده للكل ان شاء الله.
engsisi
(لانى عايز اظبط العربيه كلها عند ميكانيكى شاطر وامانه حضرتك ترشحهولى
معايا مبلغ الف جنيه مش عارف هيكفى لتظبيط العربيه ؟ ومش عارف ايه الضرورى الى لازم ابدا بصيانته ؟)
اقدر اعرف انت عايز تظبط ايه او ايه العيب اللى عندك فى العربيه وانا احاول ادلك؟:16:
اخى engsisi بص حضرتك بالنسبة للعربية لو هيا كويسة فى كهرباء الموتور يبقى تظبط العفشة والفتيس كويس لانهم اكتر حاجة صعبة فى العربية وطبعا الكرابتير بتاعها كويس بس يتنظف عند بتاع الكرابرتير او اى مركز صانة وخدمة رينو الى فى جسر السويس او ابو العلا او عزبة شلبى تانى حاجة ياريت قبل ماتخلى الميكانيكى او العفشكى يعمل حاجة ارفعها فى محطة بنزين واكشف عن ضبط الزوايا علشان تعرف اذا كنت هاتغير حاجة فى المقص بتاع العجلتين الامام سواء كانت جلب او مقص كامل او بيضتين ودايما حاجة العربية هتلاقيها عند بتوع الرينو وياريت متروحش لوحدك لو انتا متعرفش تفاصل فى الاسعار او تشترى حاجة انتا مش عارف فيها وعندى فكره حلوة كمان شوف اى تاكسى داتشيا القدام الى ماشين فى الشارع وقوله على اى مشكلة تقبلك فى العربية لانهم شربوا العربية دى شرب وعارفين خبايها ولو فى اى حاجة غلط ياريت حد يصحح