الموضوع: نظرة أقرب للداتشيا نوفا و معلومات تهم أصحابها و المهتمين بها

دورت على معلومات لأمكانيات الداتشيا نوفا بالعربى و ملقتش فى حته خالص غير موسوعة ويبكيديا من هنـــــا
و من موقع سيارات رومانيا من هنــــــا
ترجمت حاجات أكيد هتفيديكم و هتفيد أصحابها و المهتمين بيها لأن فيه كتيرة عايزة تعرف أمكانياتها







معلومات أساسيه

بلد الصنع : رومانيا
المصنع :Colibasi فى رومانيا
الأسم المنتشر : داتشيا نوفا أو داتشيا سوبر نوفا
بدايه الأنتاج : 1995
عدد الأبواب : أربع أبواب للركاب و باب للشنطة
النقلات : 5 نقلات مانيوال
المحرك : أخذ من رينو كليو و علبه التروس 1.4 MPI
عدد السى سى : توافر منها أصدارين (1397 سى سى - 1557 سى سى)
السعة : 1557 سم مكعب
القوة : 72 حصان
السرعة فى مرحله الأمان : 160 كيلو
التسارع من 0 كيلو إلى 100 كيلو : فى مدة 15.9 ثانيه يعنى 16 ثانيه
التصميم : رومانى
قاعدة العجلات : 2,475 mm (97.4 in)
الطول : 4,030 mm (159 in)
العرض : 1,640 mm (65 in)
أرتفاع : 1,430 mm (56 in)
الوزن : 940 kg (2,072 lb)

تاريخ الداتشيا نوفا

الداتشيا نوفا أول سيارة من تصميم مهندسين رومانيين و أستغرقت فتره طويله جدا للظهور و كانت البدايه فى خروجها من المصانع عام 1995 , قالوا إنها نسخه من رينو 11 أو من البيجو 309 و هذه معلومه خاطئه 100% لأنها رومانيه 100% و من تصميم رومانى خالص و تم البدأ فى التصميم فى عام 1983 و تم تجهيزها فالمحرك GT و تم ترقيته مع حقن MonoMotronic لتقليل الأستهلاك الذى تم تجهيزة مع أتنين كاربيراتير مع محرك 1557 سم مكعب و قوة 72 حصان

تطوير الداتشيا نوفا و إعادة تسميتها إلى داتشيا Solenza

تم تطوير الداتشيا سوبر نوفا عام 2003 مع إعادة تسميتها بأسم داتشيا Solenza و تم تطوير الـSolenza بمحرك الديزل 1.9 من مجموعة 1304 البيك اب و إصدار أعلى إلى نهاية سكالا ونوافذ كهربائية في الأمام وتكييف الهواء ونظام صوتي مع مشغل الأقراص المدمجة ومكبرات الصوت دا طبعا فى الـSolenza






للداتشيا نوفا 3 أصدارات
1.4 GLi و 1.6 GT و 1.6 GTi

دى صورة توضيحيه لكل أصدار و أختلافه عن التانى








و المعلومات دى مش هتلاقيها فى منتدى تانى لأنى أنا إلى عامل الموضوع دة بمجهودى و طلع عينى فيه
على نايل موتورز و بـــــــــــــس
يا ريت الموضوع يكون عند حسن ظنكم و أعجابكم و يا رب أكون قدرت أفيد أصحاب السيارة و المهتمين بيها

بالنسبه لقطع الغيار انا جبت امبارح طلمبه بنزين فرنساوى ب 175 جنيه (الاصلى ) من شارع الترعه بشبرا وبعد ما اشتريتها لقيت البديل بتاعها (برازيلى او ارجنتينى مش فاكر ) 85 جنيه رحت مراجع الاصلى وجبت التانيه بس طبعا مع الفارق من ناحيه الشكل والاداء وبالمناسبه مقابسه لطلمبه الداتشيا وهى لمكنه رينو 9 و11و12 من عند مشيل حليم من شارع الترعه وجبت وشين ورا من شركه الاهرام للبلاستك من التوفيقيه الواحد ب 25 جنيه ووشين اشاره ادام الواحد ب 15 جنيه واللى عايز يعدل الزجاج بتاعه لكهرباء المكنه الواحده من الناس اللى من على الرصيف بتاع التوفيقيه بتتباع ب 60 الى 65 جنيه وعلى التجربه وتجيبها بتاعه التيوتا وتجيب الترس مش السلك وانا مركب البابين الادام بنفسى واقول للى عايز يعرف طريقه تركيبهم ازاى وهمه سهلين جداً واللى مش هايعرف بيتركبوا عند بتوع اصلاح الابواب والكوالين ب 80 جنيه الاتنين