optra 2010 help

**hossamalex** · 16-07-2010 10:37 AM

انا عضو جديد فى الاسرة الاوبتراوية(بعد اذنكو طبعا) اشتريت اوبترا جديدة 2010 مانيوال و عملت 1000 كم حتى الان .المشكلة عندي فى حاجتين :
1-التكييف حديثا باه بيطلع رائحه نفاذة ثابتة لما باشغله شاكك انها فريون (مش فلتر)
2-لما اجيب اول او تانى و ادوس بنزين باحس بصوت غريب(خشن شوية)فى الموتور في اول النقلة و بعدين بيروح

ياريت لو حد عنده من خبراء الاوبترا فكرة اللى عندى ده عادي ولا مصيبة جاية يقولى. احسن انا قلقان جدا جدا
وبصراحة انا عاوز اشكركم على مجهودكم الرهيب فى المنتدى اللى فادنى شخصيا كتير و كان سبب فى شرائى العربية الجميلة ديه

**aymanmaly** · 16-07-2010 02:32 PM

لا يستطيع احد الحكم اذا كان عيب ولا لا العربية لسة جديدة فى اول الف و طبعا جميع الاجزاء بتتلين و بتكتسب الكفائة للتشغيل
انا شايف انك تصبر حتى صيانة ال 5000 و تلم كل ملاحظتك طالما ان العيوب غير مؤثرة مثال التكيف فية ريحة بس بيبرد كويس
بس لو قلقان خذ العربية و روح فرع من فروع منصور و خذ الضمان معاك و هايكون الكشف مجانى
و الف مليون مبروك على العربية
و ربنا يديك خيرها و يكفيك شرها
و اهلا بك عضو ابتراوي