الف سلامه عليك ، وربنا يوفقك للى فيه الخير
انا من راى اعملها بره وريح دماغك طالما العمليه بتاخد وقت كده
رقم العضوية : 1394
تاريخ التسجيل : 10Jul2007
المشاركات : 156
الاقامة : القاهرة
الحالة :
السلام عليكم
بعد طول غياب نعود الى منتدانا الغالى وسبب البعاد هو ظروفى للا سف مكانتش على المستوى والحمد لله على كل شئ
قبل كل شئ اتمنى ان تنعموا جميعا بوافر الصحة والتوفيق وربنا يسترها معانا جميعا.......امين
منذ فترة ليست ببعيدة حدث لى حادث فكنت مار بسيارتى ففؤجئت وانا على سرعة 30 كيلو ان امرأة واولا دها حدفوا نفسهم
قدامى فتوقفت فجأة واذ بعربية جيب شيروكى طخخخخخخ من ورا والحمد لله الخبطة كسرت الفانوس والرفرف اليمين ورا
والشنطة مكانتش بتقفل
ولكن من قوة الصدمة خدنا كام غرزة كدا على الماشى
المهم
انا توجهت للتوكي لقليوب بخصوص سمكرة ودهان ارجع عربيتى تانى
فؤ جئت بمهندس اسامة فى الا ستقبال المسئول عن السمكرة بيعملنى معامله مش لطيفة والله انا مش ببالغ ولا اقصد انى اوبخ او اس}ا سمعة
حد ولكن الله يساهله
ولكن بقوله انا عايز حضرتك تشوف العربية قالى ممكن تنتظر قلتله ماشى
انتظرت وسمعت بالمصادفة حديث بينه وبين مندوب شركة تأمين عندهم عربيات بيخلصوا فيها لا قيت اهتمام عالى جدا بعربيات التأمين
الا اصحابها مش موجودين وانا الا واقف قدامه مش مدينى اى اهتمام
قلت اكبر دماغى واستنى لا قيت المندوب بتاع الشركة كان عندنا 3 عربيات عايزين نجبهم ينفع قاله طبعا يا باشا وخلصهملك عالطول
اصل احنا معندناش ناس كتير بتعمل سمكرة......على حد قوله وانا واقف وسامع
وبعدان خلص وراح يصور العربية مع مندوب بالكاميرا وبعد ما خلص بقوله شوف العربية
مرة واحدة مينفعش مينفعش مفيش سمكرة لحضرتك قبل شهر بقوله حضرتك بص على العربية الا ول وشوف تستاهل يمكن حاجة بسيطة
اصل الرفرف مش مطبق اوى يعنى
عمال يقول لا لا لا لاا وبيكلمنى وهو بيجرى يعنى مش المفروض يقف يكلم معايا زى الناس معامله وحشة جدا
ومنين ان مركز فاضى ومعندوش عربيات سمكلرة ومنين يقولى احجز وقدامك من شهر الى شهر ونص
كلام مش منطقى
وفى الا خر عرفت ان اى حد بييجى بيحجز دور فى السمكرة ويا خد دور ولما ييجى الدور حيتصلوا بينا
طيب للا سف ما هى طريقة للعب والفساد طب ما اى حد عنده واسطة ممكن يخش قبل اى حد ليه دور هو حد شايف حاجة
بدليل ان عربيات التأمين بتخلص الا ول
ليه الا هتمام بعربيات التأمينات والناس العاديه لا
دا سؤال للمهندس طارق وارجو الرد واسف انى قولت الفاظ بس دا نص الحور الذى يحرق الدم
وكان ممكن اروح اجيب عمى ( لواء مخابرات عامة) بس قولت على ايه مالهاش لازمه
وكان ساعتها حتبقى المعامله مختلفة تمامااااااااااااااااااااا ااااااااااااااااااااااااا ااااا او حتى بتليفون ب 3 تعريفه لمدير الصيانى كان كل حاجة اختلفت
لكن والله حلفت انى ما اعملها فى التوكيل ابدا
وعملتها بره لا وعلى البارد واتكلفت 150 جنيه
شوفت ربنا كبيييييرررر ازاى يمكن فى التوكيل كانوا حيقولوا فاتحه وناصبه.......
الحمد لله
المهم ان العربية اتخبطت تانى
يا استاذ طارق عايز اجيلك حتقدر تساعدنى ادخل العربية سمكرة عندكو فى قليوب ولا اخرج بره انا بصراحة مش عايز اروح تانى ل أسامه
بتاع السمكرة تانى عندكو لان مقابلته وحشة جدا
ولو ممكن تدخلى العربية قريب بس متقليش شهر ونص ولا شهر ولا اسبوعين
لانى مقدرش استغنى عن العربية
ممكن تكتبلى ارقام تليفونك ولوكده اجى لحضرتك عالطوووووووووووووووول
وشكرا واسف للتطويل بس حابيت اشرح الا احصل والا اضايقت منه
والخبطة الجديده مش كبيرة اوى ولا حاجة يعنى كلام فارغ بس انت عارف المنظر مش حلووووووووووو
والسلام عليكم ومستنى ردك يا بشمهندس طارق
مهندس/ احمد
لا اله الا الله محمد رسول الله
رقم العضوية : 1946
تاريخ التسجيل : 28Aug2007
المشاركات : 1,872
النوع : ذكر
الاقامة : الامارات - أبوظبي
السيارة: بيجو 207 - 2009
السيارة[2]: نيسان باثفيندر 2014
دراجة بخارية: عمرى ما سقتها
الحالة :
الف سلامه عليك ، وربنا يوفقك للى فيه الخير
انا من راى اعملها بره وريح دماغك طالما العمليه بتاخد وقت كده
رقم العضوية : 2950
تاريخ التسجيل : 02Nov2007
المشاركات : 79
النوع : ذكر
الاقامة : cairo
السيارة: no
السيارة[2]: speranza
الحالة :
اولا الف سلامة وربنا يكفيك شر الطريق
ثانيا انا كنت عامل موضوع
علشان عربية اخويا اتخبطت ومبتمشيش والشنطة والشاسية من ورا متدغدغين ودي لانسر 2008 الشكل الجديد راح التوكيل قالوا تعالي بعد شهرين دة جسر السويس وقليوب قالوا وقت اكبر من شهرين
والعربية واقفة في مكانها ومستنين الحجز S:
حاجة يعني بشعة
خليك برة التوكيل اريح
رقم العضوية : 445
تاريخ التسجيل : 03May2007
المشاركات : 1,270
النوع : ذكر
الاقامة : حدائق الأهرام
السيارة: لا يوجد
السيارة[2]: Mitsubishi Lancer VI-II GLX 4G13
دراجة بخارية: لا يوجد
الحالة :
الحمد لله على السلامة و ربنا يسلم طريقنا كلنا
بس معلش هو ليه تعمل السمكرة فى التوكيل
اللى عنده تأمين بيعملها عشان التأمين بيغطى
اما لو ها تعملها على حسابك فالتوكيل ها ياخد فلوس كتير قوى و كمان العربية ممكن تقعد عنده اسبوع و 2
الخبطة صغيرة حسب كلامك يبقى تروح لسمكرى كويس يظبطهالك فى ساعة و انت واقف و الشغل قدام عنيك
المهندس طارق اخونا و حبيبنا و اكيد لو يقدر يعمل حاجة مش ها يتأخر
بس الصح انك تعملها بره اريح و ارخص
أخوكم/ أبو حمزه
رقم العضوية : 1682
تاريخ التسجيل : 05Aug2007
المشاركات : 4,064
النوع : ذكر
الاقامة : القاهرة
السيارة: .
السيارة[2]: .
دراجة بخارية: .
الحالة :
أستاذ hamada2010 اولا حمد لله على السلامة
ثانيا انا قريت رسالتك من بدري بس اجلت الرد لغاية لما اسأل الاستاذ اسامة نفسه عن الموضوع بالتفصيل علشان يكون الرد واضح
هو بداية احب اعرف حضرتك ان الاستاذ اسامة من أفضل الناس عندنا في الاستقبال في مركز خدمة قليوب وممكن الأخوة اللي اتعاملوا مع المركز من اعضاء المنتدى يأكدوا ده او ينفوه ، وعموما انا برضه بلغت المهندس مدير الكنترول بالواقعة للتحقيق فيها (وأول لما يبعت لي الرد أنا هاكتبه لحضرتك هنا)
لكن هو للأسف احنا فعلا (زي الاستاذ ebo123 ما قال لحضرتك) ان فيه قائمة انتظار طويلة للسمكرة والدهان بالتحديد لأن معظمها عربيات متأمن عليها وبالتالي صاحبها حريص انها تتصلح في التوكيل وفيه اجراءات للتأمين لازم تتبع مع كل عربية يعني الأول بيتم فحص العربية بواسطة المهندس مدير قسم السمكرة والدهان اللي بيعمل مقايسة للعربية ويحدد تكلفة قطع الغيار والمصنعيات المطلوبة وبعدين يتم الاتصال بمهندس التأمين للحضور لمعاينة العربية ومناقشة المقايسة والموافقة عليها (او يعترض على بعض محتوياتها) ثم يتم تحديد موعد للاصلاح
قائمة الانتظار في الموضوع ده حوالي 200 عربية كل اللي بيتم انه بيتاخد بيانات صاحب العربية وبيتم الاتصال بهم تباعا لاحضار العربية وعمل المقايسة
المشكلة ان مفيش مكان يساع العربيات دي كلها وتم بالفعل تأجير مكان بجوارنا وجاري تجهيزه وعمل سور له وخلافه حتى يمكن تجميع العربيات دي فيه لاسراع عملية المقايسات والتأمين
نصيحتي لحضرتك طالما الخبطة بسيطة ومش تبع تأمين ان حضرتك تعلمها في مركز خدمة بره يكون سمعته كويسة طالما مش هتقدر تنتظر فترة طويلة
وباذن الله خلال شهرين بالكتير هتكون المشكلة تم حلها بشكل كبير ومفيش قوائم انتظار للسمكرة والدهان
رقم العضوية : 1682
تاريخ التسجيل : 05Aug2007
المشاركات : 4,064
النوع : ذكر
الاقامة : القاهرة
السيارة: .
السيارة[2]: .
دراجة بخارية: .
الحالة :
اللي فات ده كان رأيي الشخصي
وده رد المهندس مدير الاستقبال :
السيد المهندس / أحمد
تحية طيبة وبعد ،،
أولا : حمدا لله على سلامتك .. أعلمتنا ان الحادث الأول كان من الخلف ولكنك لم تذكر لنا شيئا عن الحادث الثاني.
ثانيا : للعلم فانه على عموم جميع مراكز الخدمة والصيانة على مستوى الجمهورية يوجد ازدحام شديد في المراكز على قسم السمكرة والدهان (الحوادث) .. مما يعني أن الحوادث كثرت في الآونة الأخيرة بشكل كبير
وبناء عليه يوجد حجز في جميع مراكز الخدمة لمدة لا تقل عن شهر .. وتستطيع حضرتك أن تسأل عن ذلك في جميع مراكز الخدمة للماركات المختلفة ، ونظام الحجز هذا طبعا اتخذ من جهة إدارة الشركة وليس فردا بعينه وذلك لتنظيم العمل.
ثالثا : لا يوجد أي محسوبيات أو وساطات في عملية الحجز لأنها تتم بمراجعة مدير الورشة ومدير الاستقبال ولا يتدخل فيها أي مناصب بمكالمة تليفونية أو خلافه.
رابعا : لو فرض أن أي شخص في قسم الاستقبال تعامل معك بأسلوب غير سليم كان يجب عليك على الفور التقدم بشكوى لمدير الاستقبال أو مدير الورشة أو مدير الصيانة على الترتيب لو أن أحدهم لم يعطك حقك
خامسا : من الواضح من كلامك انك لم ترتاح للأعمال التي أجريتها خارج مركز الخدمة المعتمد (في الورش الخارجية) مع انك شكرت فيهم في البداية وذكرت أن سعرهم مناسب ولكن واضح أن الجودة غير مرضية والدليل انك تطلب الآن التعامل مع مركز الخدمة المعتمد للحادث الأخير
سادسا : أما بخصوص سيارات التأمين فهي تأخذ نفس مواعيد السيارات العادية (الغير تأمين) بالحجز أيضا والمكالمة التي سمعتها كانت بخصوص سيارات تأمين داخل الشركة حضرت عن طريق مواعيد حجز وتم معاينتها وعمل مقايسة تأمين لها وإرسالها إلى مندوب التأمين ، وبناء عليه تم الاتفاق تليفونيا مع مندوب التأمين ليحضر لمناقشة هذه السيارات و إعطاء موافقة لها لبدء العمل
سابعا : توجد دراسة الآن من إدارة الشركة للتوسع في قسم السمكرة بشكل جدي فيرجى ترك اسمك وتليفونك عند مهندس الاستقبال أو الاتصال به تليفونيا على رقم 0120002236 لحجز ميعاد للسمكرة
وان شاء الله عن قريب ستكون المواعيد ليس شهر ولكن خلال ثلاثة أيام أو أسبوع على الأكثر
مع الشكر
مدير الاستقبال
مهندس / عبد الجليل احمد سلامة
رقم العضوية : 1394
تاريخ التسجيل : 10Jul2007
المشاركات : 156
الاقامة : القاهرة
الحالة :
الف الف شكر
شكرا جزيلا على اهتمام حضراتكم
واخص بالشكر مهندس / طارق والمهندس / عبدالجليل
وباقى الا خوة الا عضاء
وفعلا هى ممكن تكون مشكله عدم اتساع المكان وايضا ممكن قله عماله
ففعلا حل المشكله يكون عن طريق وجود اكثر من فريق عمل بالورش المختلفة
حتى لا يحدث تكدس وايضا حفاظا على وقت العملاء
واكيد هى دى الفكره الا بيحاول المهندس الكبير عبد الجليل والتى بالفعل بدأ يتنفيذها
انا معجب جدا جدا بأسلوب ادارته للمشاكل
وايضا بالنسبه للمهندس اسامه المسئول عن السمكره فى قسم الا ستقبال
يعنى يبقى الطف من كده شويه فى اسلوبه مش اكتر وهو انسان محترم واشهد بذلك
لانى اتعملت معاه بالفعل على مدار سنتين ولكن ماذا حدث ..........................
عموما نأمل ان تحل المشكله قريبا جدا بأذن الله
وهو فعلا الشغل بره معجبنيش لانى مش متعود اعمل حاجة بره بكل صراحة
ولكن فى حا جة سمعتها مش عارف صح ولا غلط
بيقولوا ناس بتوع السمكرة فى التوكيل بيظبطوا السوكه بتاع الصاج المخبوطة بالمعجون
وبعدان رش دهان وظبط سريع سريع الكلام ده مظبوط ولا .................
ارجو الا فاده
وشكرا لكل من ساهم فى ابداء مشاركته بالموضوع
الف شكر
للمهندس طارق وارجو منك ان تقول لى لمن نمرة التليفون الموبايل
تخص انى شخص بالظبط فى الا ستقبال للحجز 0120002236
مهندس / احمد
لا اله الا الله محمد رسول الله
رقم العضوية : 1682
تاريخ التسجيل : 05Aug2007
المشاركات : 4,064
النوع : ذكر
الاقامة : القاهرة
السيارة: .
السيارة[2]: .
دراجة بخارية: .
الحالة :
باشمهندس أحمد
حسب معلوماتي هو معظم شغل السمكرة في التوكيل بيكون تغيير اجزاء مش سمكرة واستعدال انما بالتأكيد برضه ان في حالة السمكرة والاستعدال بيكون حسب الأصول بدون أي لكلكة أو طلسأة لأن فيه ملاحظ ورشة بيراجع ومهندس قسم بيراجع ولو فيه أي خطأ في السمكرة مش ممكن تروح للدهان قبل عمل الصح وأكيد ده برضه بيكون له تكلفة أعلى من الورشة العادية بره. ثم يأتي المعجون والرش والدهان ليكون بالتأكيد برده حسب الأصول وشغل فرن علشان تطلع العربية فابريكة.
رقم الموبايل المرسل ده استاذ سامح المختص بالحجز في الاستقبال وممكن تتصل بالرقم العادي وتطلب الاستقبال أو تطلبني لو حبيت 42157629
رقم العضوية : 1394
تاريخ التسجيل : 10Jul2007
المشاركات : 156
الاقامة : القاهرة
الحالة :
الف شكر متشكر جدا جدا وفى اقرب وقت ان شاء الله
بس اه نصيحتك لى لما يكون سقف العربية عندى مش مظبوط ومليان مطبات كتير
مش نتيجة احد الحيوانات مثل كلب او قطة او ....الله اعلم ايه الا بوظ السقف كده
ومطبات كتير
يمكن 3 من ناحيه الشمال و4 مطبات من ناحيه اليمين السقف و2 كبار فى المنتصف
من قدام وواحده من الخلف
ناس كتير بتنصحنى وتقولى متلعبش فى السقف انت اه رأى حضرتك فى الموضوع ده
وعلما انى عايز احافظ على العربية عشان اعاده البيع مستقبلا
وشاكر جدا جدا
ومعلش اسألتى كتير واسف جدا لا زعاج حضرتك
لا اله الا الله محمد رسول الله
رقم العضوية : 1682
تاريخ التسجيل : 05Aug2007
المشاركات : 4,064
النوع : ذكر
الاقامة : القاهرة
السيارة: .
السيارة[2]: .
دراجة بخارية: .
الحالة :
لسه حالا سائل المهندس عبد الجليل في موضوع السقف ده وبرضه نصيحته انك متعملش حاجه في السقف لأن كل ده هيرجع تاني ويتكرر من القطط والكلاب الا بأه لو غيرت مكان الركن يعني مكان السكن او اصبحت تركن في جراج مغلق او ما شابه ذلك يعني ضمنت ان الموضوع ده مش هيتكرر ساعتها ممكن يتم عمل سمكرة ودهان - لكن لا تنسى ان احد قواعد البيع والشراء المصرية الصميمة (بغض النظر عن صحتها) ان السقف المرشوش يخوف ألا تكون العربية مقلوبة.
ففعلا نصيحة عدم عمل اي اصلاح بالسقف افضل
المفضلات