الموضوع: تعلية عفشة الكريستالة

السلام عليكم

انا معايا لانسر 98 اوتوماتيك
العربية كانت واطيه اوي وبتحف في كل المطبات تقريبا وكانت مضايقاني اوي
دي كانت بتحف حتى وانا لوحدي
المهم روحت للعفشجي قالي ممكن اعليهالك شويه وبالفعل عالاها عن طريق الحاويات الحديدية
حط 2 ورا وواحده من قدام
بصراحه العربيه عليت وبقت مش بتحف في اي مطب وشكلها تمام مفيش اي مشاكل خالص
ولا بتعوم في السرعات ولا في الملفات ولا بتزحف مع الفرامل و لا اي حاجه
يمكن الحاجه الوحيد الي لاحظتها ان العفشه بتخبط ورا في المطبات شويه قليلين
بس الغريبه ان بعد فترة لقيت ان ناحية السواق الامامية مايله بتاع 3 سم اكتر من الناحيه التانيه
هو لما كنت عنده قالي ان المساعد دا مش كويس وغيرهولي بمساعد استيراد اصلي وخد المساعد بتاعي و خد 100 جنيه فرق مساعد بس
بس انا دلوقتي ش عارف موضوع الميل دا سببه ايه
وكمان مش عارف موضوع التعليه بالحاويات الحديديه دا صح و لا اروح اشيلهم تاني
بس لو شيلتهم العربيه هتبقى واطيه اوي

ياريت حد يفيدني في الموضوع دا ضروري

اولا التخبيط اللى وراء دا المساعدين عايز يتحط فيهم خراطيم فى الياى من تحت بس تكون خراطيم مضغوظة زى خرطوم الباور

لاكن حكاية الميل اكيد فى علاية اوطى من التانية