عايز أشيل الفاميه .. ومش عارف !!

**DR_EMAD** · 16-07-2010 07:40 PM

السلام عليكم
أنا كنت عايز أشيل الفاميه اللي على العربية .. وأغيره بنوع تاني
الفاميه القديم بقاله تقريباً 6 شهور
ولما جيت أشيله من على زجاج الأبواب عند واحد متخصص في تركيب الفاميه
كان الفاميه لازق في الزجاج بشدة
وطبعا اضطر لاستخدام الكاتر لإزالته
المشكلة دلوقتى في الزجاج الخلفي .. بالتأكيد هيكون هيكون لازق فيه جامد .. وطبعا هاتقبلني مشكلة سخان الزجاج الخلفي
مش عارف أشيل الفاميه أزاي .. من غير ما أجرح خطوط السخان دي
وشكرا

**dr.hazem** · 17-07-2010 02:25 AM

+++111
متابع

**mero25** · 17-07-2010 10:02 AM

الحل دائما عند المحترفين
اللى هما بيقولوا انك تعمل الاتى
اشترة شوية نشادر من عند العطارواعمل بية محلول مخفف يعنى تدوبه فى ماء
ضع المحلول فى رشاش ورش على الفامية وتوضع فى الشمس حوالى 30ق
ثم يتم ازالة الفامية قطعة واحدة
كما يمكن باحتراف اكتر انى اجيب كيس اسود من بتوع القمامة وبعد مترش المحلول تفرد الكيس الاسود (بعد فتحه) على الفامية عن طرق كرت زى بتاع مينتل وبعد 30 ق فى الشمس يزال الكيس الاسود الذى يخرج مع الفامية بكل سهوله بدون تجريح
وشكرا
وعلى فكرة المعلومات انا اخذتها من شركة امريكية اشتريت منها رول فامية منافس للومر وفى كول وكل الشركات فى السعر والضمان والعزل وجربتها فى عربيتى وعربية واحد صاحبى وعندى كمية تكفى حوالى 3-4 عربيات اللى عايز ممكن يتصل بيا وطبعا يبقى بسعر التكلفة لان الباقى عندى زيادة مش محتاج لها
وعلى فكرة فرق معايا كتير
وشكرا للجميع

**mahmoudalutec** · 17-07-2010 10:14 AM

الاخ العزيز mero25 لى سؤال انا عندى الزجاج الامامى لونه عسلى وبصراحة اشك انه يكون ملزوق عليه رول فيل فاميه
وبسب اللون العسلى الظابط دفعنى بالعافية 25 جنيه و قالى ان الزجاج ده فيميه
وبصراحة انا بدور على حل يرجع الزجاج ابيض
ياريت لو عند حضرتك حل
وشكرا جزيلا

**mero25** · 17-07-2010 10:57 AM

1 فى حالة وجود فاميه عسلى يزال بالطريقة الموضحة
2 فى حالة الزجاج لونة عسلى يبقى مفيش امامك غير تغير الزجاج

**ahmedamr** · 17-07-2010 02:57 PM

بص يا باشا
انت تحاول تشيل الفامية الورق البلاستيك هتلاقية بيطلع معاك لونة شفاف والسواد لسة ع الازاز حاول بالراحة كدة تسحب البلاستيك كلة الاول
بعد كدة
حضرتك تجيب ازازة اسيتون من الصيدلية وبقطن وتمشيها ع الازاز جامد هتلاقية طلع معاك
وابقى ادعيلي