حريق فى جراج ستى استارز

**enas75** · 19-07-2010 02:30 PM

ياجماعه بالراحه واحده واحده ممكن يكون حاجه اشتعلت عند المدخل عربيه ولعت ولا اي حاجه
علشان كده كان الدخان شكله كثيف ....وعلشان كده برضه المداخل التانيه مكنش عندها مشكله
اما بخصوص المطافي فده اجباري علي كل المولات لو فيه حريق او اي اشتعال صغير يتم ابلاغ المطافي للحرص
بخصوص البارك بتاع سيتي ستارز هو مزود برشاشات وعنده كافه وسائل الدفاع المدني
دة اللي كان بيطمني لما كنت بركن فيه وممكن اللي بيروح هناك يشوفها عادي
بس للامانه انا بطلت اركن فيه من الزحمه الرهيبه وممرات الخروج الضيقه وبقيت بركن في الساحه بتاعت الجيش اللي ورا

**darking** · 21-07-2010 06:46 PM

المشاركة الأصلية كتبت بواسطة sephiaa2001

انا مش فاهم انتوا عاملين مشكله على ايه
ولسه فى تناقد غريب كدا
الى يقول محصلش حاجه والى يقول تخارف والى مدايق والى يقول انا سمعت ناس بتقول محصلش حاجه ومصدقش الى شاف

مش فاهم يعنى انتوا ليه كدا!!!!

الى بيقول محصلش حاجه وناس قالت
هوا ستى استازر ده متر فى متر ده مول كبير حوالى سبع بوابات انت لو كنت فى مدخل 6 ومدخل 2 ولع مش هتحس بحاجه وانت جوه المول

فما بالك بقى ان ده فى بارك !!!!!!!!!!!!!!!!!!!!!!!!!!!!!!!!
يبقى الى كان هناك هيحس بايه دنا بقول بعدها بكااااااااااااااام متر محدش حاسس بحاجه

وبعدين خبر ايه الى يتنشر هوا فى حد عاوز شوشره وكلام ملهوش لزمه ويجيبوا لنفسهم وجع القلب ولا حتى حصل فى المول قولنا مليون مره فى البارك فى البارك فى البارك ده فى البارك يعنى كبيرهم يطفوها وخساير اين كانت بتكلفه او لا بس اسمها حريقه

الى مستغربة انى بقول شاهدت واقعه يا جماعه ومحدش مصدق وانى بحكى بالتفاصيل !!!!!!!!

انا بجد كرهت اليوم لى كتبت فى الموضوع طالما فى ناس بالاسلوب والتفكير ده ومحدش فقادر يفهم
الكل بيقرى ويعلق الى على مزاجهه لكن ياخد بالوا من باقى الكلام ويفهمه كويس لا

ياريت فعلا لو فى مشرف متابع يقفل الموضوع عشان نخلص من الموضوع ده

ولو هيكون ليه تعليق فده هوا الشعب المصرى من كتر التخاريف الى بيسمعها ومش بيصدقها مبقش عاوز يصدق او يحكى حاجه

وانتوا عندكوا حق مفيش حاجه حصلت فى المول انا صحيت من الحلم الساعه 4 ونص الا خمسه
وانا عامل املوضوع ده فتنه وعشان يحصل زى محصل

مفيش حد كدبك بس انت الى كاتبه انك شوفت دخان ممكن يكون ناتج من اى حاجة محنا طول ماحنا فى الشارع بنشوف عربيات بيخرج منها دخان جمبنا بس طبيعى ان تحت الارض تكون الكثافة عالية وحالة الهلع دى طبيعية حتى لو مفيش حد شايف دخان لو حد سمع بس ان فى حريق حتى لو اشاعة هيكون فى حالت هلع....... كل الموضوع ان فى حبت حجات غريبة بس زى ان طبيعى ان لما يكون فى دخان اجهزة الانزار هتشتغل وزى انك قلت انك شوفت 3 عربيات مطافى يبق كده الموضوع كان لازم يتعرف 3 عربيات مطافى داخلين على المول طبيعى ان الناس هتبص وتسال فى ايه مش زى ما حضرتك بتقول ان لو حصل حاجة فى بوابة الى فى البوابة الى جمبها مش هيحسي ده غير ان لو حصل حالة تكتم من المول وادارته الناس الى كانت جوه وحصلها خساير مش هتتكتم وهتبلغ هو انا اعتقد بس ان كان فى عربية مخرجة دخان او حاجة والناس اتخضت وربنا ستر وخلص الموضوع وانشاء الله ربنا يكون ستر ومحصلش حاجة

**Samir Elshahawy** · 21-07-2010 10:40 PM

النهاردة واحد صاحبي أكد لي فعلا أن فيه جزء في الجراج مقفول لعمل أصلاحات !!!!!
أعتقد أن موضوع الحريق ده ممكن يكون صحيح و لأننا في مصر طبيعي يكون فيه تككتم و كتمان علشان الشوشرة و مايفتحوش علي نفسهم فتحة لو وسائل الاعلام عرفت بالخبر

**Esam Mosaad** · 22-07-2010 08:17 AM

النهاردة واحد صاحبي أكد لي فعلا أن فيه جزء في الجراج مقفول لعمل أصلاحات !!!!!
أعتقد أن موضوع الحريق ده ممكن يكون صحيح و لأننا في مصر طبيعي يكون فيه تككتم و كتمان علشان الشوشرة و مايفتحوش علي نفسهم فتحة لو وسائل الاعلام عرفت بالخبر

ياااااااااااااااااا راجل اكيد اكيد اكيد اكيد
كانوا بيغيروا لوووونه

**mohamed_selim** · 22-07-2010 10:49 AM

المشاركة الأصلية كتبت بواسطة se_coralsea

النهاردة واحد صاحبي أكد لي فعلا أن فيه جزء في الجراج مقفول لعمل أصلاحات !!!!!
أعتقد أن موضوع الحريق ده ممكن يكون صحيح و لأننا في مصر طبيعي يكون فيه تككتم و كتمان علشان الشوشرة و مايفتحوش علي نفسهم فتحة لو وسائل الاعلام عرفت بالخبر

انا بركن فى الجراج دايما علشان الحاجه و الاولاد ... عادة بيكون فى اجزاء مقفوله للصيانه و ده من زمان ... بس ميمنعش انه يكون مقفول علشان كان في حاجه ... الله اعلم