جبت هاى لاين 2011 الحمد لله وعايز مساعدة الخبراء الوحوش:))

**mfnada** · 16-07-2010 11:11 PM

سلام عليكم

الحمد لله جبت كيا سيراتو 2011 سعودى هاى لاين جنط 16 بدل ال17 ( الراجل كان معرفتى و أقسملى انة عمرة ما غير العجل قبل كدة و حيعملهولى عشان خاطرى) بس انا بصراحة ماكنتش شايف أى فايدة من ال 17 غير المشاكل

و السعر 122 الف طبعا فيها كل الكماليات لانها أعلى فئة

دلوقتى انا عايز مساعدة فى بعض الاشياء:

1- ما هى متعلقات العربيه (أنا عايز كل حاجة بجد عشان أى حاجة بقت ممكن تتسرق)

2- ما هى أفضل ملراكز الصيانة قرب 6 أكتوبر؟

3- هل أمشى على كتيب الصيانة و لا فى مصر الموضوع مختلف؟ كل كام ألف يعنى...

4- هل ممكن أجبله اسبولير ؟ سعرة كام و ألوانه أي؟ و أجيبة منين؟

5- العربية فرامل ديسكات قدام و ورا...هل كدة احسن و صيانتة أسهل و لا موضوع الديسكات دة مشكلة؟

6- مفتاح السمارت دة بجد تحفة و هوه رائع لأنة مش بيخلى لا العربية و لا الشنطة تقفل لو هوه جوة و دى حاجة جامدة جدا و طبعا بتشغل العربية و المفتاح فى جيبك ..جامدة أوى بصراحة...انا بس عايز أعرف هوه لو عايز اطلع نسخة عليه حيكون بكام و لازم فى التوكيل بس؟

شكرا ليكم و مبسوط أنى بقيت من ملاك السيراتو الجميلة جداااااااااااا

**Mshawky** · 16-07-2010 11:36 PM

الف الف مبروك يباشا وربنا يرزقك خيرها ويكفيك شرها

وهتلاقى مواضيع كتير عن الاكسسوارات

بالنسبه لللاسبويلر ناس فى المنتدى قاله هيتكلف 650 جنيه تقريبا بس معرفش شكله ايه ولا هو عامل ازى
بس انا من رايى انه مش بيدى شكل ملفت اوى لان الشنطه اصلا فيها سحبه لورا سنه كده فمديها شكل حلو
عكس مثلا اللانسر شارك لازم تكون باسبويلر لان شكلها من غيره اى كلام الصراحه فهى عمليه ازاواق

**mfnada** · 16-07-2010 11:54 PM

صح كلمك عن الاسبولير انا بس حبيت أسأل لانة برضة شكلة ظريف

و شكرا على الرد الجميل...فى انتظار باقى الردود ان شاء الله

**timtim77** · 17-07-2010 01:23 AM

الف مبروك يا باشا
ربنا يديك خيرها ويكفيك شرها
المتعلقات
الاستبن-مفتاح العجل-الكوريك-مفك-شنطه اسعافات-طفايه الحريق-المثلث
الصيانه
حضرتك حتمشى على الكتيب
الفرامل الديسكات احسن

**timtim77** · 17-07-2010 01:26 AM

سوال بايخ شويه انت بدلت الجنوط وخدت فرق ؟؟؟

**mohamedhamam** · 17-07-2010 01:48 AM

ألف مبروك ربنا يديك خيرها و يكفيك شرها

**mfnada** · 17-07-2010 08:22 AM

شكرا يا جماعة على الردود

لا انا ماختش فرق ...هوه قالى الجنط ال16 عليه طلب اكتر من ال17 ...انا حاولت انزل مهاه بس هو مرضيش ابدا و حتى قالى متقولش موضوع تبديل الجنط دة

فى حاجة هو المفروض كمان فى وصلة بتاعت الi pode بنكون موجودة مع العربية ..صح ولا اية؟