الاطارات التى تلحم الثقوب بنفسها ... حلم ( حقيقى ام سراب )

**aam113** · 17-07-2010 02:27 AM

اثناء سيرى بمنطقة الدقى وجدت محل اطارات وهو وكيل لاحد الشركات معلق اعلان مكتوب فيه انه يمكن حقن الاطارات بمادة معينة ( انجليزى ) بعد افراغ الهواء منها ووضع نيتروجين بدلا منه (مقابل 150 جنيه) وعند حدوث اى ثقب يلحم الاطار تلقائيا فى خلال 3 ثوانى ولا يتم تسريب اى هواء منه وبالتالى لن تحتاج نهائيا الى لحام الثقوب او الذهاب الى فنى الاطارات ، حيث انه فى حال دخول مسمار الى الاطار يمكن سحبه او تركه (تقريبا على ما اتذكر) ويتم اللحام تلقائيا حتى مساحة ثقب 7 مم ، واكد ان هذا النظام مستخدم فى العديد من الجهات منها على سبيل المثال : امن الدولة - الجيش - شركة فايزر - والعديد من الجهات المعروفة
علما بأنه عمل لى تجربة عملية حيث قام بوضع مسمار فى اطار عنده ثم سحبه ولف الاطار مرة فإذا بالثقب يلحم تلقائيا

ياريت اللى عنده معلومات عن هذا الموضوع يقولها ، وهل هو عملى فعلا ، وهل له اضرار على الاطار ام لا ( حيث انه افاد فى وسط الكلام انه يوجد نوع اخر امريكى بـ 100 جنيه لكن مش حلو لأنه بيجعل الاطار جامد شوية ، انما النوع الانجليزى عادى )؟

**shaky** · 17-07-2010 10:51 AM

انا سمعت الموضوع دة بردة بس مش كدة بالظبط بيحط جوا مع الهوا من ثلاث الى اربع ريش زى ورق البفرة كدة وبتلف مع الكاوتش واى خروج للهوا بنخرج طبعا مع خروج الهوا واول ماتيجى لفتحة الثقب تلزق علية

**N.a.j.d** · 17-07-2010 01:18 PM

انا اسمعت عن الموضوع دا بلفعل

**pedro732000** · 17-07-2010 01:44 PM

اخى الفاضل
اشكرك على هذا الموضوع المتميز بس انا ليا تفسير والله اعلم بالنسبة للموضوع ده وهو
انه لما بيضع هذه الماده السائلة بداخل الاطار ومعها النيتروجين "غاز خامل"ولهذا درجة الحرارة لاتؤثر بيه اى لايتمدد" وبكدة لن يؤثر على السائل باى حال من الاحوال
نيجى بقى لما يحدث ان الاطار يتخرم اصبح فيه انخفاض فى الضغط من نقطة معينة "مثل مايحدث فى الطائرات فى الافلام" فالنتيجة ان هذه المادة وتحت تاثير انخفاض الضغط الفجائى تتجمد"كلنا نعرف ان درجة الحرارة تتناسب طرديا مع الضغط عند ثبوت الحجم للغاز المثالى فمع انخفاض الضغطتقل درجة الحرارة فجائيا برده" او حتى ترتفع درجة اللزوجة لها"غتعمل عمل اللبان" .وبهذا يتم غلق الخرم وعلاج انخفاض الضغط
هذا والله اعلم
المفتى م/احمد بدران
بس السؤال المهم ما هى الكمية التى توضع فى الاطار
والسؤال الاهم عند ثقب الاطار مرة اخرى النتيجة ايه
واكثر سؤال اهمية هو كم عدد المرات التى يمكنها لهذه المادة من علاجها

**Akram** · 17-07-2010 04:31 PM

انا برده سمعت عن الموضوع ده بس عن طريق اسبراي يتم وضعه في الاطار ’
و كنت سألت عليه في توكيل بريدجستون و قاللولي انه مركب كيميائي و فكرته على التفاعل مع الهواء ,
و ليه تأثير ضار على الكاوتش بعد فترة .

**SHNORY** · 17-07-2010 06:29 PM

انا حاطط الماده دي فعلا عندي في الكاوتش
بس هي نوع مش معروف لان اللي عملها واحد قريبي
واخد عليها برائه اختراع
وانا جربتها في الفردتين اللي قدام
وكان من عيوب المواد التانيه انها بتخلي العربيه تغربل علي سرعه 80
الماده اللي انا حطيتها دي مشيت بيها لحد 120 ومفيش غربله
وكانت الخرطوشه الواحده ب35 للفرده

**احمد المصرى** · 17-07-2010 07:01 PM

حضرتك تقصد ان الراجل بيقول 150 جنيه للفرده ولا للاربعه

لو للفرده يبق حرام علشان الفرده اساسا ب 250 جنيه متوسط سعر الفرده

ولو للاربعه برضوا غاليه شوبه لانها مش متجربه ومنعرفش ايه ظروفها لسه

**aam113** · 17-07-2010 10:10 PM

المشاركة الأصلية كتبت بواسطة akram

انا برده سمعت عن الموضوع ده بس عن طريق اسبراي يتم وضعه في الاطار ’
و كنت سألت عليه في توكيل بريدجستون و قاللولي انه مركب كيميائي و فكرته على التفاعل مع الهواء ,
و ليه تأثير ضار على الكاوتش بعد فترة .

طيب هو نوعه ايه ، وما طبيعة هذا الضرر ؟

المشاركة الأصلية كتبت بواسطة shnory

انا حاطط الماده دي فعلا عندي في الكاوتش
بس هي نوع مش معروف لان اللي عملها واحد قريبي
واخد عليها برائه اختراع
وانا جربتها في الفردتين اللي قدام
وكان من عيوب المواد التانيه انها بتخلي العربيه تغربل علي سرعه 80
الماده اللي انا حطيتها دي مشيت بيها لحد 120 ومفيش غربله
وكانت الخرطوشه الواحده ب35 للفرده

طيب حضرتك حاطط المادة دى امتى ، وهل لاحظت وجود اى اضرار لها ، ومن وقت وضعها اخبار ثقوب الاطارات معك ايه وكنت تتعامل مع الثقوب ازاى ؟

المشاركة الأصلية كتبت بواسطة احمد المصرى

حضرتك تقصد ان الراجل بيقول 150 جنيه للفرده ولا للاربعه

لو للفرده يبق حرام علشان الفرده اساسا ب 250 جنيه متوسط سعر الفرده

ولو للاربعه برضوا غاليه شوبه لانها مش متجربه ومنعرفش ايه ظروفها لسه

الـ 150 جنيه للاربعة

**SHNORY** · 18-07-2010 04:49 AM

المشاركة الأصلية كتبت بواسطة aam113

طيب حضرتك حاطط المادة دى امتى ، وهل لاحظت وجود اى اضرار لها ، ومن وقت وضعها اخبار ثقوب الاطارات معك ايه وكنت تتعامل مع الثقوب ازاى ؟

انا تقريبا كل يومين كنت بروح ازود الهوا في الكاوتش
كان عندي فرده بتريح بغباء
ومره لحمت فيها 6 اخرام
وفرده تانيه بتريح كل يومين بيقل ضغطها من 30 ل25
غيرت الفرده المهريه بفرده تانيه استعمال
وحطيت الماده دي في الفردتين اللي قدام اللي بيريحوا
ودلوقتي بظبط الهوا مره كل شهرين او شهر لمجرد الاطمئنان
حتي بتاع الكاوتش قالي انت بتوقف حالنا بالبتاع ده
واصلا انا عندي جنب البيت منجد عربي وجنب المحل منجد تاني
يعني مخروم من كل النواحي
دا اولا
ثانيا بقي
كان عندي جنط محتاج ترصيص والعربيه بتغربل عند سرعه 90 والغربله بتروح بعد ال 100
مشيت بيها 140 ومكانش فيه غربله نهائي
وبعد ما رصصت مشيت 120 و130 والعربيه مفيهاش اي قلق

ودي كانت نقطه الخلاف قبل التجربه مع صاحب ومبتكر الماده
اني قولتله اختراعك قديم وعيوبه كذا كذا
قالي جرب وادفع فلوسها بعد التجربه
وده الي حصل
علما باني نافخ الكاوتش بهوا عادي مش نتروجين

الموضوع: الاطارات التى تلحم الثقوب بنفسها ... حلم ( حقيقى ام سراب )

LinkBack

أدوات الموضوع

عرض

-

-

-

-

-

-

-

المواضيع المتشابهه

احدث تكنولوجيا في خدمة الاطارات و امان الاطارات

تصفيح الاطارات ضد المسامير و الثقوب

اطارات ضد الثقوب !!

الجيل الجديد من الاطارات (لا يحتاج إلى نفخ هواء ولا إصلاح الثقوب)

هل هذا حقيقى ام ليس حقيقى (هاااام جدااا ) ما هى حقيقة كلمة (con)....

الكلمات الدلالية لهذا الموضوع

المفضلات

المفضلات

ضوابط المشاركة