الموضوع: اسعار الصوتيات

شكرا يا king على تعليقك والفضل يرجع لله وبعدين حضرتك طبعا لانك شجعتنى .
وطبعا الصوت بقى حاجة جامدة قوى مش زى زمان . وهحاول اركب بيونيير 6950 زى ما قلت وربنا يسهل ..
شكرا ليك مرة تانية على معلوماتك ومساعتك لكل الناس
وربنا يسهل وتحل موضوع الكمبيوتر الى باظ .
بس اية رايك فى الاسعار دة .. كويسه ولا اضحك عليا ؟؟

مودى إلف مبروك سبقتنى فى العدة - أنت جيبت زى ما هجيب بالظبط زانا هبداء زيك سماعات و Gm وبعد كدة هيد يونت لما تيجى سيولة - أسعارك حلوة بس بالضمان ولا لاة- وأية أسم المحل ومكانة بالظبط
أنت عندك سماعات قدام ولا الموضوع مش مستاهل وأفصلهم أحسن
وكمان أنت أخترت 6950 لية دة غالى قوى بالنسبة 3950 أو 4950

طب أنت مجيبتش السماعات زى Gm كينوود لأنهم البيز بتاعهم محترم

محمد بية خلف مساء الفل ..
الاسعار ديه من شارع الازهر تقريبا تالت او رابع محل فى شارع الازهر من ناحية العتبة وانت فى اتجاة الحسين يعنى على اديك اليمين
المحل اسمة مؤسسة عباد الرحمن التجارية .
طبعا بالضمان والعمل الى هنالك اديتة 5 جنية وادانى الضمان زى ما هو وقالى اكتب التاريخ الى انته عايزة .
عندى سماعات قدام بس الموضوع مش مستاهل انك تشغلهم بالرغم انى مفصلتهمش البيضاوى الى ورا هيقوم بالواجب .
الكينود الى لاقيتة فى المحل كان فرق حوالى 30 او 40 جنية مش فاكر بس كانت 3 way .
وبناء على نصيحة ال king البيونير عمرها اطول الا لو كانت الكينود 4 way فى الحالة دية الكينود احلى .. عموما انا شايف ان البيونير 400 w كويسة جدا والبيز بتعها كويس مش وحش .

نصيحة لو هتروح تشترى من شارع الازهر اركن العربية فى موقف الدراسة وخد تاكسى ب 2 وانزل بية لانك مش هتعرف تقف فى الازهر خالص .
ولو عايزنى اشترهملك انا يكون ليه الشرف عينى ياباشا . اصل انا شغال فى خان الخليلى يعنى قريب من الازهر .
وشكرا

ممكن افهم يعني ايه 3 way و 4 way ؟؟؟؟

ممكن افهم يعني ايه 3 way و 4 way ؟؟؟؟

كل ما عدد ال WAY يزيد كل ما كان الصوت اوضح و التفاصيل احسن و 3 WAY يعنى الصوت بيخرج من 3 حتت و 4 واى يعنى الصوت بيطلع من 4 حتت و دية صورة توضيحية

جول سماعات 4 واى و لاحظ ان فية 4 اماكن لخروج الصوت

1-الحتة الكبيرة الى تحت
2-الحتة الى فى النص
3-الحتة الصغيرة الى على اليمين
4-الحتة الصغيرة الى على الشمال






و دول 3 way




حتلاقى 3 اماكن لخروج الصوت

1-الحتة الزرقاء الكبيرة الى تحت
2-الحتة الى فى النص
3-الحتة الى على الشمال

طبعا انا مش خبير فى الصوتيات اوى بس عندى خلفية بسيطة على قدى

الحتة الكبيرة دية اعتقد ان دية مسئولة عن الBASS
و الى فى النص و دية انا مش متأكد منها انها علشان تطلع الصوت
و الصغيرين خالص دول بيبقو Twiters و دول للأصوات الرفيعة

و لو عندى حاجة غلط ياريت حد يصلحهالى