تعبت خلاص من اللف

**Shiref_mohamed** · 25-02-2008 01:44 PM

نداء إلى اعضاء المنتدي الكرام
انا عاوز عربية دايو لانوس 1 تكون نظيفة وحالتها حلوة ويكون سعرها معقول يعني من (40_44) انا بقالي شهر كل اسبوع انزل السوق (جمعة وحد) وكل ما الاقي عربية حلوة الاقيها مع تاجر وكلهم بيتكلمو في 48 الف مع اني من يومين اتفرجت في (معرض ) جمبي على واحدة موديل 2002 فضي كاملة مانيول فبريقة برة ومعظم الخوارج وحالتها ممتازة جدا وصاحب المعرض قال من بقه 49 الف جنيه يبقى ازاى اشترى لانوس 1 موديل 99 بسعر لانوس 2 موديل 2002 مع ملاحظة ان مفيش دايو لانوس 1 كورى زي مالناس بتقول واسف للإطالة وياريت اى حد قدامه عربية يقولى عليها بدل السوق والتجار والقرف

**Shiref_mohamed** · 25-02-2008 02:06 PM

السلام عليكم
ايه يا جماعة محدش معاه عربية لانوس حلوة بيبيعها

**MMamdouh** · 25-02-2008 02:08 PM

الطلب اكبر من العرض

ميمو حفناوى كان برضة بيضور على لانوس و ليا واحد قريبى بيضور على لانوس

MMamdouh

**Shiref_mohamed** · 25-02-2008 02:25 PM

المشاركة الأصلية كتبت بواسطة MMamdouh

الطلب اكبر من العرض

ميمو حفناوى كان برضة بيضور على لانوس و ليا واحد قريبى بيضور على لانوس

MMamdouh

وكمان حضرتك تنصحني ادور فين لآن انا حاسس اني مش هعرف اشتري من السوق من كتر مهو مليان تجار وكل العربيات لازم يكون فيها توكيلات

**MMamdouh** · 25-02-2008 02:32 PM

المشاركة الأصلية كتبت بواسطة shosho

طيب يا ستاذ ممدوح ايه رأيك في ان اللانوس 1 99 بتتباع بسعر 2001،2002 والعربيتين بيكونو نفس الحالة يعني انا رأي ان المفروض انظف لانوس 1 تعمل 45 بالكتير

1+

صعب اوى تلاقى لانوس 1 عاملة كيلو قليل... الوحيدة اللى لاقيتها و انا بدور كانت لانوس 1 موديل 2000 عاملة 48000 و مطلوب فيها 46000... على ما خلصت اجراءات القرض كانت اتباعت... العربية كانت بتاعت واحد موظف حكومى معاة عربية من الشغل بسواق و بلاتالى الانوس دى مش بتتركب و كانت فابريكة برة و جوة... نصيب

السوق فيه ناس بتفسى كتير (اسف على اللفظ بس هو دة الواقع فعلا)... واحد كان عارض BMW E30 ب 67 و مكنش فيها اى حاجة اساسا حتى موتورها 1600 وواحد تانى عايز يبيع كريستالة ب 61 الف و جنبها واحدة اختها معروضة ب 52 الف... السوق كلة نصابين و تجار

عليك و على اعلانات الانترنت... انا جبت عربيتى كدة

www.car100100.com
www.contactcars.com
www.ewaseet.com

MMamdouh

**SEATLOVER** · 25-02-2008 04:38 PM

المشاركة الأصلية كتبت بواسطة shosho

ازاى اشترى لانوس 1 موديل 99 بسعر لانوس 2 موديل 2002

الانوس 1 افضل و مطلوبة اكتر من الانوس 2 فاطبيعى يكون سعرها مقارب او نفس السعر .

**emadno1** · 25-02-2008 05:18 PM

عن تجربه شوف واحد يكون سايس جراج يكون قريب من شغلك او سكنك و هوا حيجبلك عربيه بيتى محترمه دى تجربتى انا و هوا جابلى لانوس 99حاليا العربيه داخلة خلاص على 150000 كم و لسه باجيب بيها 170 و حاله الموتور ممتازه و الحمد لله مصاريفها كلها هى الصيانه الدوريه و كنت جايبها مستعمله و انا كنت تالت يد عليها اشتريتها غاليه بس مصرفتش عليها اى حاجة حتى الزيوت و السيور الراجل اللى اشترتها منه كان مدينى ايصالات التغيير و قراءات العداد عند كل تغيير علشان مغيرش و مشيت على الورق الى كان مديهولى كنت جايبها ب 45000 فابريكه بره و جوه ما عدا رفرف واحد كل اصحابى قالولى غاليه بس موقفتش عند ميكانيكى يوم واحد غير على 140000 وديتها التوكيل عملتلها الصيانه

واحد صاحبى جابها ب 43000 و صرف عليها حوالى 4000 علشان يعرف يركبها و يسافر بيها اللى وفره فى السعر صرف اكتر منه صيانات

و ربنا يوفقك فى حاجة كويسه

**Xpert** · 25-02-2008 06:40 PM

المشاركة الأصلية كتبت بواسطة MMamdouh

1+
السوق فيه ناس بتفسى كتير (اسف على اللفظ بس هو دة الواقع فعلا)... واحد كان عارض BMW E30 ب 67 و مكنش فيها اى حاجة اساسا حتى موتورها 1600 وواحد تانى عايز يبيع كريستالة ب 61 الف و جنبها واحدة اختها معروضة ب 52 الف... السوق كلة نصابين و تجار

عليك و على اعلانات الانترنت... انا جبت عربيتى كدة

www.car100100.com
www.contactcars.com
www.ewaseet.com
www.cars.com.eg
MMamdouh

صح ..و كمان فيه حاجه .. السوق كله رفع بغباء ! .. يعني ال اي ثرتي دي لو موديل 90 كنت باجيبها ب 50 الف !

-

الموضوع: تعبت خلاص من اللف

LinkBack

أدوات الموضوع

عرض

-

-

المواضيع المتشابهه

انا خلالالالالاص ...تعبت من اللف

انا تعبت خلاص

أنا تعبت خلاص

تعبت من اللف علشان اشترى بى ام ايه نصيحتكم

انا خلاص تعبت من المشكلة دى

الكلمات الدلالية لهذا الموضوع

المفضلات

المفضلات

ضوابط المشاركة