صباح الفل عليكم

من فتره عرضت موضوع عن النانو إيجيبت أو التوك توك المتنكر فى سيارة بأربع عجلات
أمكانيات طبعا رايحه فى داهيه + ألاف مرميه فى الشارع بتتسرق
دلوقتى لقيت صورة لمعرض أو كشك أو محل تحت بير سلم الله أعلم و بيقول أنه التوكيل الوحيد ليها فى الأسكندرية
و على فكرة صورتها بعد التعديل هيا إلى محطوطة فى الفلاير دة أنتوا أية رأيكم !!؟
أى واحد يروح يجيب كام لوط عربيات صينى أو تكاتيك بمعنى أصح مع أحترامى لماركات كتيرة جدا صينيه و حبى ليها كمان و كل تقديرى لمالكى كل السيارات الصينيه لكن دى مش أمكانيات سيارة يعنى أى حد ممكن يجيب لوط أو أتنين و يبيعها هنا بضعف المبلغ !!؟ ماهى الامكانيات دى بصراحه أكيد لو معموله فى الصين عربيه هتبقى للطلاب أو للسوق يعنى بدل الطالب مايروح المدرسة مشى يروح بعربيه زى دى و بدل ست البيت ماتروح السوق على رجلها أو تركب توك توك لأ تروح بحاجة زى دى على الأقل هتحط الخضار فيها و الطالب هيحط كتبه و الشنطة بتاعة المدرسه فيها





الصورة عشان نكمل الموضوع و نضحك براحتنا رغم أن مفيش حاجة تضحك غير خيبتنا القويه




مش هقول غير حسبى الله و نعم الوكيل فى حاجة 600 سى سى مفيهاش مارشدير و بيضحكوا على الناس يقولولهم دا فيها تكييف ههههههههههههههه والله شر الباليه مايضحك
دى الصورة و عايزكم تضحكوا معايا براحتكم على خيبتنا التقيله إلى مفيش حد وصلها
بس يا ترى دى هيطلعلها رخصه من المرور وهتمشى فى الشوارع بنمر و الحكومة هتعترف بيها ؟
و لو كدة بقى أية رأيكم كلنا فى المنتدى هنا نتجمع و نعملنا مكتب أستيراد بأسم نايل موتورز و نجمع عربيات و نبيع و نشترى والله العظيم فكرة بس تكون حاجة نضيفة و تستاهل زى الأسبرنزا كدة و طبعا هيبقى فيه خصومات للأعضاء وفيه فكرة تانيه ممكن نصمم كلنا عربيه وكل واحد يدفع 10 جنيه و نصمم عربيه عند خراط صاج و ماتور على عفشه على كاوتش و بقينا عملنا عربيه بس أية موقفها من المرور ؟ على فكرة الناس هتقرى كلامى هتقول أننا مش فاهم حاجة فى تصنيع السيارة بس يظهر كدة والله أعلم أن تصنيع السيارات بقى أسهل من صنيه الكنافه بالعسل

صباحكم عسل و صباح المصريين إلى بيتضحك عليهم عسل بس للأسف دا عسل أسود زى فيلم أحمد حلمى