صباح الفل على احلى منتدى بجد شفته
بليز انا عاوز اعرف رايكم فى هوندا سيفيك 93 Si كاملة أوتوماتيك وكمان عاوز أعرف بتكون فى رينج كام فلوس
فبريقه ورشه بره نضافه :Y_hi_3[1]:
عرض للطباعة
صباح الفل على احلى منتدى بجد شفته
بليز انا عاوز اعرف رايكم فى هوندا سيفيك 93 Si كاملة أوتوماتيك وكمان عاوز أعرف بتكون فى رينج كام فلوس
فبريقه ورشه بره نضافه :Y_hi_3[1]:
عربية زى الفل ومن أفضل موديلات السيفيك لكن يعيبها واطية شوية على الأرض و ماتورها الاصلى محتاج حرص وعناية، قطع الغيار أسعارها تعتبر متوسطة وبعضها غالى شوية بس معمرة جداً، الحالات اللى تقريباً مافيهاش مصاريف كثير ونظيفة تعمل من 45 الى 48 ألف.
بجد طمنتنى جدا انا معروض على واحده صاحبها بيقول فيها 52 وانا فى شايف انها عمرها متزيد عن 48 بس هو بيقول انه لسه مغيرها عفشه جده وكمان فيها جنوط سبور وزينون وقلى على حاجه مش عارف ازا كانت تعيب العربيه ولا لأ بيقولى ان التكييف بيفصل لما الار بى بيعلى شويه وهو ميعرفش لسه ايه السبب يا ريت تنصحنى
لأ كثير عليها السعر ده
موضوع التكييف ده مش هقدر أفيدك فيه لازم يتكشف عليه الأول المهم لو ضبط معك في السعر تروح تكشف عليها كويس ويكون ماتورها الاصلى
لا لو حالتها نظيفة اخرها 48 الف واكشف كويس على الشاسية واتاكد ان القطع فيها اصلية ومش اى كلام وشوف كبس الماتور وسحبة واتاكد من الفتيس الاتوماتيك كويس
وبالنسبة لموضوع التكييف دة مش عيب انة يفصل بس المفروض انة بيفصل بعد ال5000 لفة ودة عشان يحافظ على الكباس
وخلى بالك بردة من فتحة السقف عشان دية تتمنها 2500 جنية
الله عليك يا سامج باشا
اخيرا عرفت ادخل النت بعد عناء شهر مع السيفيك
السلام عليكم ورحمه الله
اخى Sniper_13 من ناحيه العربيه زى الفل وعربيه شيك واكثر من عمليه بس زى ما قالك اخونا M_Nabil اكشف عليها كويس انا معايا واحده 93 si اشترتها ب 48 الف بس من شهر 2 لغايه دلوقتى مغيترش ولا عملت فيها الهوا طبعا بعد ما كشفت عليها الا النهارده غيرت بطاريه عشان القديمه بقالها 3 سنين كثر خيرها
قبل اى حاجه استخير ربنا واكشف عليها عند محمد سعيد فى الحرفين على كيف كيوفك فى الهوندا وبالتوفيق يارب
متشكر جدا على المعلومات دى وربنا يوفق الجميع الى الطريق السليم
بص ياباشا , بالنسبة لسعرها فهو بيكون فى رينج من 40 الى 45 اذا كانت العربية نضيفة ودواخلها سليمة , وده طبعا فى حالة ان العربية فيها الموتور الاوريجينال والفتيس الاوريجينال .
اما اذا كانت العربية سليمة وفيها موتور كبير ( غالبا بيكون Sir ) , وفيها جنوط وعفشة سبور , فأكيد السعر بيختلف
وبيكون من 47 الى 52 الف جنيه .
لان الموتور ده سعره غالى هو والجير بتاعه , والضفيرة والكنترول برده غاليين , يعنى الموضوع مكلف , بس بصرااااااحة الحاجة دى تستاهل تمنها واكثر
ايوه كلامك صح ياباشا , بس فى ناس وفى ناس
, انا عن نفسى لو هشترى عربية زى دى , هاخد عربية فيها مكنة Sir , لانها احسن طبعا , وبدل ما اوجع دماغى واسقط انا واصرف , فكده هيكون اوفرلى بمراااااااااحل , اللى مش هيبص للنقط دى اللى بيكون عاوز عربية عملية وخلاص وما بيبصش للجرى وكده , لكن معظم اللى بيشترى السيفيك بيهمه طبعا ان العربية يكون فيها موتور كويس وبيجرى وتكون العربية سبور , سيبك بقى من المكنة الاوريجينال والكلام ده , طيب مهى الـ SiR بتاعت الهوندا برده مش بتااعت عربية تانية يعنى :) , وفى سيفيك نفس الموديل ده بتنزلنا من بره فيها الـ SiR
شوف سعر الهوندا الsi وسعر الsir هتلاقى فرق 10000 جنية لانك مابتعدلش ولا فى قواعد ولا فى اى حاجة وكل حاجة خاصة بالماتور دة ويمكن احسن كمان من حاجة الsi وعفشة اقوى , واثبت , واسرع بكتير ,ومشاكلها قليلة جدا , واللى بيسقطها فاهم هو بيعمل اية مش بيسقط وخلاص لانك بردة هتوديها عند واحد فاهم مش اى كلام
وبعدين انا هاقول لحضرتك حاجة لاقدر الله لو واحد ماتور عربيتة باظ او قفش وحب يغير الماتور كلة هل انت هتعرف انة غير الماتور اكيد لأ طبعا لانة نفس الاوريجينال
بالظبط هوندا بتعمل كدة شاسية الsi هو sir مافيش اختلاف نهائى لو وقفتلك العربيتين جنب بعض مش هتعرف تفرق بينهم
اللى بيتغير عفشة امامية وشكمان وسيرفو وضفيرة بالكنترول غير كدة مافيش يبقى ماتاخدش حاجة احسن لية طالما معمولة صح ومافيهاش غلطة بالعكس بقى مواتير الsir الاستيراد بيبقى اكتر ماتور عامل 60 الف كيلو يعنى زيرو
حضرتك اسال على الاسعار وهتعرف ان كلامى صح
يعنى سيادتك عاوز تقولى ان عنتر عدو الالة الى شغال فى الشارع هيطلع شغل زى الى بيطلع من المصنع و بيعملة انسان بردة بس الى ؟؟؟؟؟؟؟؟؟
مسسسسسسسسسسسسسستتتتتتتتتت تتتتتتتتتتتتتتتتتتتتتتتتح حححححححححححححححححححيييييي يللللل
وبعدين لو رحت لاى حد بيفهم فى العربيات هيقولك دى مغيرة ماكينة يعنى سعرها اقل من الاستوك
فى كل حتة فى الدنيا العربية الستوك ليها سعر عن العربية المشغولة
حضرتك فى التوكيلات الناس بتشيل موتور و حط موتور هوا هوا و بيطلع شغل غلط
ناس كتير اصحابى عدلوا عربيات و كفرتهم بسبب ان ال اية اصل كان فى سلكة معصورة والتانية وانا حنا بنعديها مش عارف منين فا قشرط وللمست ارضى و حوارات
بمناسبة السؤال عن الاسعار سيادتك ادينى سعر للعربية دى
سيفيك 94 ماكينة sir
جنوط ميمو 17
طقم صوت
كريستالات و عدسات و رينجات امامى
ليدات خلفى
3 زينون عالى - واطى- فوج
بوية اسكينز مرشوشة نضافة
3 زجاج كهرباء
مرايات كهربا
فتحة سقف
سنتر
باور
تكييف
اكصدام و كبوت و 2 رفرف امامى بتوع الهاتش باك علشان يظبطوا وش العربية
عتب جانبى اصلى
كساحات
شكمان استانلس و هاى فلو مافلر ماركة بورلا (2 مخرج)
عدادت اسبور
ممممممم مش فاكر فى حاجة ناسيها ولا لا؟؟؟؟
اة طقم كاوتش كونتنينتال جديد
فلتر هوا kn
كراسى ريكارو اسود فى ازرق
ياباشا انا قولتلك انت مش هتوديها لأى حد انت انزل كدة الحرفيين او الشونة فى بورسعيد واتفرج على العربيات بتتقطع وبتتركب وبتدخل التوكيل ولا بتتعرف
وعلى فكرة حضرتك ممكن تنزل فى الحرفيين وتتفرج على العربيات بيتعمل فيها اية كأنك فى التوكيل بالظبط
وبعدين طالما حضرتك فى تجميع الماتور فاهم كل سلك خارج من الضفيرة رايح فين وبتسقط صح العربية هتتطلع مظبوطة ولا فيها الهوا وانا شوفت كتير ومحدش اشتكى ولا قال لأ بالعكس دول كمان بيعملوا تعديلات فى الماتور والعربية وبتبقى تمام فى كل حاجة
ياباشا الهوندات ليها مختصين مش اى حد بيشتغل فيها لازم تكون حافظها وفاهم انت بتعمل وموجودين ومعروفين
بالنسبة لمواصفات السيارة اللى حضرتك كاتبها :
فكل الغالى فى الموضوع بس :
الشكمان الاستانلس , الجنوط المومو
وبالنسبة للكاوتش مش مشكلة يعنى فرق قد اية الف زيادة عن اى بريدجستون مثلا
وانا تقديرى ليها العربية دية 55 الف جنية على كل الشغل اللى معمول فيها دة وبردة هيرجع لحالة العربية
لانة اولا مغير كبوت ومغير اكصدامات , ومغير كراسى , ومغير فوانيس , دة غير الرفارف
واللى عملة دة معناة انة عمل تقصير لمشترين العربية على فئة معينة بس فئة الشباب
بس صدقنى انت ممكن تطبق الكلام اللى حضرتك بتقولة على اى عربية تانية ماعدا الهوندا لانها ليها تعامل تانى
وعمر سعرها مابينزل بتغير الماتور بالعكس دة بيزود سعرها
وانا شوفت سيارات هوندا si حالات نظيفة جدا , وسعرها اقل من عربية متسقطلها ماتور sir ويمكن الحالة العامة الخارجية مش زى العادية
يعنى حضرتك عايز تقول ان سعرها اقل من 55 الف يعنى تقريبا على كلامك ممكن تكون عاملة 45 الف جنية لا العربية دية فيها حاجة لائما حالة الماتور وحشة , او فية حاجة فى البودى نفسة
ياباشا انت لو دخلت على اى موقع هتلاقى سعر العربية الsi بيعد من 45 الى 48 الف وسعر الsir بيعد من 48 الى 52 وحالة نظيفة اوى بتعمل 55 الف
بصوا يا جماعة شكرا جزيلاً على المعلومات الحلوة ديه و أحب أقلوكوا أنى بحب الهوندا بجميع أنواعها و خصوصا موديل البطة ألى بتتكلموا عليه و ألى أنا أسمعه أن الموديل ده حكايه و مامفيش تانى فى طول عمره الأفتراضى و متانته و ثباته على الطريق و سحبه و كان نفسى أقتنى واحده بس أنا عملى شويه بمعنى أن بحب أغير كتير و رجلى تقيله حبتيين فا ما ينفعش أثبت على عربيه واحدة و حاجه أخيرة أنا بحب أى موديل فى الهوندا و كمانن بنظر لأى واحد راكب هوندا بنظرة أحترام و ببقى متأكد أنه ركيييييب و بيفهم يعنى أيه روكوب عربيات و ذوقه راقى و معلش طولت عليكوا سسسسسلام
الموتور جديد و العربية راشة نضافة ولما اشتريتها كان الموتور لسة متسقط من تلات اسابيع و العربية كلها كانت لسة مشدودة والعفشة كونى و الفرامل بريمبوا ودول نسيت اكتبهم
حضرتك انا مش بعيب على الهوندا انا بركب هوندا من سنة 84 من وانا عيل صغير ومقدر قيمتها جدا
بس خليك حيادى اوك
شوف اعلانات العربيات دى الى سيادتك شوفتها هتلاقيها اصلا مبتتباعش ولما بتتباع اكيد باسعار اقل من لى مكتوب
والدليل ( بس خليك فاكر كلامى خلى نظرتك حيادية ) ان اعلانات العربيات دى بتفضل على النت بالشهور
شهر و اتنين و تلاتة و اربعة و يمكن اكتر
مفيش بنى ادم عاقل هيشترى عربية موديل 92 ب 50 الف وماشية 200 الف او اكتر
خلينا واقعيين العربية الاستوك سعرها اعلى دايما من الى ملعوب فيها و الله التوكيلات لما بتسقط مواتير بتغلت وانا اكتر واحد عارف الموضوع دا
انا لسة واحد صاحبى بايع 94 هاتش باك فيها موتور انتجرا 1800 وكماليات و اكسسورات الى كول الهوندا بتعملها دلوقتى وباعها ب 42 الف
وبعدين انا لما اسقط موتور و عامل عافشة و حورا و صارف وشغل احسن من التوكيل, لا اسف هوا مش احسن من التوكيل بس دا احسن من المصنع الى بيقفل العربية عند الخبير اليابانى الى فى الحرافيين
بعد كل الدوشة دى ببيع لية ؟؟؟؟؟؟؟؟؟؟؟ المفروض انى راكب عربية مفيش زيها
عربية من عصر الفضاء سابقا زمانها ب بسننننننننننننيييييييييين
ببيع لية ؟؟؟ ممكن تجاوبنى
انا عامل عربية عمولة على مزاجى عربية الف الالف هبيع لييييييييييييييييية ؟؟؟؟؟؟؟
وبعدين النت مش مقياس والله انا شايف اعلان على النت واحد طالب 55 الف او 50 مش فاكر فى عربية
فابريكة دواخل و كلام كتير فى وصف جمال و حلاوة العربية و نضافتها و ماشية 250 الف
ومكتوب النكتة الى هقولها دى
مطلوب نهائى 50 الف ولاتحتاج لمصاريف نهائى الموتور محتاج طقم شنبر فقط
دا اسمة اية ؟؟؟
اخى العزيز رجاء الحيادية فى الرد و زى ما قلتلك محدش بيحب الهوندا زيى دى عربية ابويا من سنة 84 لحد النهاردة و انا بعشقها
بس مش لدرجة انى اريل (اسف على الكلمة)
ياباشا انا حيادى جدا وعملى وعمرى ماحبيت حاجة لدرجة الجنون لانى عارف كويس ان دية عربيات واللى بيصنعها بشر والبشر خطائيين
ولو هنتكلم على الموديل دة بالتحديد وهنتلكم عن سيارة هوندا sir متعدلة نظيفة بلاش اوريجينال
هاتلى بقى عربية لحد 2008 فى نفسص الفئة بتاعتها تقدر تتحداها ماعتقدش انك تلاقى انا عن نفسى افضل اركب العربية دية عن اللانسر وعن التويوتا وعن النيسان
احنا لو جينا عملنا مقارنة خفيفة كدة مابينها وبين السيارات اللى فى فئتها هتلاقى الهوندا تكسب : فى
1: سرعة بفارق كبير جدا
2: ثبات على اى سرعة
3: قوة تحمل واعتمادية
4: سعر قطع الغيار تقريبا متساوى مع انها موديل 92-95
5: قوة حصانية من ماتور 1600 بتخرج 170 حصان مقابل 190-200 كم استهلاك
فى الصفيحة يعنى زيها زى ال1600 العادى اللى بيخرج 106 الى 120 حصان
6: شكل اذواق بس ماعتقدش ان فية حد بيشوف الهوندا متظبطة صح ومابيلفش راسة يتفرج على جمالها ومنظرها الرياضى
7: كاملة الامكانيات + فتحة سقف + ديسكات على الاربع عجلات اللى مش موجوة فى اى عربية حاليا الا نادرا
8: سيارة كلها من الداخل جلد حتى الطارة وفرامل اليد
9: مساحة واسعة جدا للسيارة
10: مساحة شنطة واسعة يعنى رياضى وكمان عائلى
11: تكييف تحفة ومابيأثرش على السحب نهائى
12: عزل جيد جدا
13: صوت الماتور تحب تسمعة
14: سرعة قصوى تفوق 250 كم (سيارة سباق)
14: حاجة اخيرة السيارة الوحيدة اللى لا يمكن تسمع ماتورها بيصقف , تسمع صوت تعشيق النقلات للجيرين (مانيوال ,اتوماتيك )
15: السيارة اللى رقم الاوكتان بتاعها 95 يعنى اقوى من الجديد
عيوبها :
1: قريبة للارض وماتنفعش شوارعنا وبما اننا عايشين هنا يبقى دة عيبها
2: قطع غيارها غالية اوى فى بعض الحاجات وتفوق اى عربية
3: لازم تركب قطع الغيار اصلى والا هتفضل تغيرها كل شوية
4: مرهقة لكبار السن لما يجوا يخرجوا ويدخلوا السيارة
5: عفشة متوسطة ولا هية ناشفة ولا هية ناعمة
لو جيبتلى عيب تانى ليك الكلام
قولى بقى عندك عيوب اية فى السيارات الجديدة هتلاقى بالعبيط
1: مواتير ضعيفة
2: نشوفية فى العفشة
3: صوت رياح مع السرعة
4: بتوصل للتوب سبيد بطلوع الروح
5: عدم ثبات بعد ال130
6 :مشاكل واعطال الخ............................
يبقى حضرتك عرفت لية الواحد يدفع فيها 50 الف جنية
وبالنسبة للناس اللى بتعرض سياراتها على النت وبتلاقيها بعد شهور ياباشا النت مش بيتحدث وية عربيات اتباعت وخلاص بس اصحابها مش بيعملوا انهاء اعلان
لو لقيت عربية تتحداها قولى ياباشا انا بهدلت باسات غرز وثبات على سرعات مابين 180 و 200 بعربية من موديل 95 حضرتك شايف الفرق وقدام عربية تمنها فوق ال260 الف لانها كانت باسات tsi وبهدلتها سرعة كمان
كلامك زى الفل فى ما عدا ان الاعلانات بتتكرر بيتلغى الاعلان و بيتعاد تانى بنفس الاسم
و علشان ننهى الموضوع انا مش بعيب فى الهوندا ولا حاجة انا بعشقها
اكرر كلامى انا بعشق الهوندا
وبكرر بردوا لو انت حابب تنزل الخمسة و تشترى ب 50 انا بايع
و يباركلوا يا ريس
وبردوا حلال عليا الفرق
المهم قلى كل الناس الى مظبطة و مجنطة و مهبطة و مسقطة هوندات على النت و دى عربيات ليها منى كامل التقدير و الاحترام ( متنسوش انا عندى واحدة و والدى عندة 2008 وقبلها 2005 وقبلها 2000 وقبلها 94 وكل العربيات دى انا ركبتها و جربتها)
الناس دى بتبيع لية ؟؟؟؟؟؟؟؟؟؟؟؟؟؟؟؟؟ دا على كلامك عربية سباق( متدافعش عن الهوندا انا بقولك اهوا انا مبعيبش فيها انا معايا واحدة )
الناس دية بتبيع لاى سبب من الاسباب ممكن يكون فيها مشاكل لان اى عربية وارد فيها الخطأ وممكن يكون ربنا اكرمة بقرشين وعايز يركب حاجة اكبر واحسن
طيب واللى بيبع البى ام الفئة السابعة مثلا او الفئة الخامسة دة بيبقى عايز اية معاة افخم عربية موجودة فى السوق عادى فية ناس كدة مابتحبش تقعد معاها العربية
لكن ماعتقدش انة واحد يبيع مثلا هوندا عشان يركب لانسر او يركب كورى بأنواعة الا بقى لو عايز تكنولوجيا منظرة
حضرتك ركبت اليابانى والهوندا خصوصا واكيد ركبت كورى وركبت يابانى موديل السنة اكيد انت تقدر تفرق يعنى اية هوندا موديل من سنة 92 الى 2000 والموديلات الجديدة وتعرف مين احسن
اللى بيركب هوندا مافيش عربية تملى عينة ابدا الا بفئة اعلى