هوندا سيفيك 93 si ---- عاجل جدا

**Sniper_13** · 18-07-2010 09:14 AM

صباح الفل على احلى منتدى بجد شفته

بليز انا عاوز اعرف رايكم فى هوندا سيفيك 93 Si كاملة أوتوماتيك وكمان عاوز أعرف بتكون فى رينج كام فلوس

فبريقه ورشه بره نضافه

**M_Nabil** · 18-07-2010 09:46 AM

عربية زى الفل ومن أفضل موديلات السيفيك لكن يعيبها واطية شوية على الأرض و ماتورها الاصلى محتاج حرص وعناية، قطع الغيار أسعارها تعتبر متوسطة وبعضها غالى شوية بس معمرة جداً، الحالات اللى تقريباً مافيهاش مصاريف كثير ونظيفة تعمل من 45 الى 48 ألف.

**Sniper_13** · 18-07-2010 11:59 AM

بجد طمنتنى جدا انا معروض على واحده صاحبها بيقول فيها 52 وانا فى شايف انها عمرها متزيد عن 48 بس هو بيقول انه لسه مغيرها عفشه جده وكمان فيها جنوط سبور وزينون وقلى على حاجه مش عارف ازا كانت تعيب العربيه ولا لأ بيقولى ان التكييف بيفصل لما الار بى بيعلى شويه وهو ميعرفش لسه ايه السبب يا ريت تنصحنى

**M_Nabil** · 18-07-2010 02:25 PM

لأ كثير عليها السعر ده

موضوع التكييف ده مش هقدر أفيدك فيه لازم يتكشف عليه الأول المهم لو ضبط معك في السعر تروح تكشف عليها كويس ويكون ماتورها الاصلى

**SAMEH_FOUAD** · 18-07-2010 02:27 PM

لا لو حالتها نظيفة اخرها 48 الف واكشف كويس على الشاسية واتاكد ان القطع فيها اصلية ومش اى كلام وشوف كبس الماتور وسحبة واتاكد من الفتيس الاتوماتيك كويس

وبالنسبة لموضوع التكييف دة مش عيب انة يفصل بس المفروض انة بيفصل بعد ال5000 لفة ودة عشان يحافظ على الكباس

وخلى بالك بردة من فتحة السقف عشان دية تتمنها 2500 جنية

**SAMEH_FOUAD** · 18-07-2010 08:34 PM

المشاركة الأصلية كتبت بواسطة m3touk_85

الله عليك يا سامج باشا

اخيرا عرفت ادخل النت بعد عناء شهر مع السيفيك

قدر الله وماشاء فعل والحمد لله انها جت على قد كدة

واية ياعم هما بس تلات ايام خليتهم شهر

واديك عرفت ان الهوندا اللى يشتغل فيها لازم يكون فاهم فيها مش اى حد وخلاص

وان شاء الله تستمتع بعربيتك

**Sniper_13** · 20-07-2010 03:20 PM

متشكر جدا على المعلومات دى وربنا يوفق الجميع الى الطريق السليم

**thehardrock** · 25-07-2010 05:21 PM

بص ياباشا , بالنسبة لسعرها فهو بيكون فى رينج من 40 الى 45 اذا كانت العربية نضيفة ودواخلها سليمة , وده طبعا فى حالة ان العربية فيها الموتور الاوريجينال والفتيس الاوريجينال .
اما اذا كانت العربية سليمة وفيها موتور كبير ( غالبا بيكون Sir ) , وفيها جنوط وعفشة سبور , فأكيد السعر بيختلف
وبيكون من 47 الى 52 الف جنيه .
لان الموتور ده سعره غالى هو والجير بتاعه , والضفيرة والكنترول برده غاليين , يعنى الموضوع مكلف , بس بصرااااااحة الحاجة دى تستاهل تمنها واكثر