الموضوع: القرية الذكية في المكان الغبي

المشاركة الأصلية كتبت بواسطة ahmed4000

ياباشا انا برد على نقط محددة الاخوة كانوا ذكروها

يعنى نمشى خطوة خطوة لو حضرتك اللى بتخطط حتعمل ايه... تبنيها فين؟


نبنيها بعيد محدش يروح

نعملها بره القاهرة الناس تزعل وتقول المكان عمل زحمة

يعملوها من غير ميكون عمران قريب منها يقولك رمتونا فى الصحراء

يختاروا مكان فى قلب الصحراء (لما اتبنت كانت المنطقة دى كلها صحرا) الناس تشترى شقق هناك والاسعار تزيد تقم برده الناس تزعل

يعملوها وجنبيها مساكن والناس متسكنش الناس تعترض ويقولك الناس فضلت ساكنة فى القاهرة ومش راضين يعزلوا وعاملين زحمة على المحور


طيب انت ساعتها تعمل ايه؟ فين المكان اللى ممكن تبنى فيه ويبقى تخطيط سليم ويرضى الناس

مش بيفكرك بقصة جحا والحمار؟

أستاذ احمد انا قولت رايي في بداية الموضوع وتركت التعليق وابداء الآراء للجميع

وطبعا من حقك انك تقول العكس وان تختلف معي في الرأي لكن في المقابل عليك انك تثبت صحة كلامك

وبالنسبة للمكان فأنا كان رأيي اننا في العاصمة المصرية نعاني من اشد انواع الزحام والتكدس المروري اللي بيضيع مئات الساعات من الناس ويعتبر اهدار للطاقة البشرية وانشاء الشركات والتجمعات السكنية على اطراف العاصمة هيشل الحركة في القاهرة اكتر مش هيحل المشكلة لأنة هيزحم مداخل العاصمة

فالحل الجذري لهذة المشكلة هو تشجيع الناس على الهجرة من العاصمة وليس العكس وحكاية ان الناس هتقول رميتونا في صحراء الكلام دة مش هيحصل لو اتخطط لها صح

يعني فيه عوامل جذب كثيرة تقدر الحكومة تعملها للشركات زي مثلا

- الأعفاء الضريبي لمدة 5 أو 10 سنوات داخل القرية الذكية
- انشاء شبكة مترو أو حتى شكبة اوتوبيسات محترمة
- انشاء تجمعات سكنية حول القرية بأسعار منافسه وبالتكلفة للموظفين
- السماح للمستثمرين بأنشاء اماكن ترفيهية حول القرية الذكية والتجمعات السكنية من ملاهي ومولات وسينما

- انشاء نادي رياضي بسعر مناسب وعلى مستوى كبير


يعني حاجات كتير قوي تقدر تعملها الحكومة ولا يستطيع غيرها ان يقوم بعملها وصدقني ناس كتير هتروح وهتشتغل وهتهجر القاهرة كمان وأنا اول واحد

المشاركة الأصلية كتبت بواسطة kh_talaat

فالحل الجذري لهذة المشكلة هو تشجيع الناس على الهجرة من العاصمة وليس العكس وحكاية ان الناس هتقول رميتونا في صحراء الكلام دة مش هيحصل لو اتخطط لها صح

يعني فيه عوامل جذب كثيرة تقدر الحكومة تعملها للشركات زي مثلا

- الأعفاء الضريبي لمدة 5 أو 10 سنوات داخل القرية الذكية
- انشاء شبكة مترو أو حتى شكبة اوتوبيسات محترمة
- انشاء تجمعات سكنية حول القرية بأسعار منافسه وبالتكلفة للموظفين
- السماح للمستثمرين بأنشاء اماكن ترفيهية حول القرية الذكية والتجمعات السكنية من ملاهي ومولات وسينما

- انشاء نادي رياضي بسعر مناسب وعلى مستوى كبير


يعني حاجات كتير قوي تقدر تعملها الحكومة ولا يستطيع غيرها ان يقوم بعملها وصدقني ناس كتير هتروح وهتشتغل وهتهجر القاهرة كمان وأنا اول واحد

انا مقدر راى حضرتك بس اللى عايز اوصله ان لو فى شخص بينقد لازم يقول بديل

عارف حضرتك الاعفاءات الضريبية اتعملت كام سنة فى الصعيد والمناطق الصناعية بره القاهرة وبرده متعمرتش

وحنروح بعيد ليه طيب مالقرية نفس اكبر دليل ان مفيش فايدة..جنبيها على بعد دقايق اكبر مدينة جديدة -بقت محافظة لوحدها- واسعار ممكن تكون ارخص من حتت كتير جوا القاهرة ومنطقة اوسع والمفروض متنظمة ومتخططة كويس وفيها كل الترفيه والنوادى...الخ والمضحك ان الناس مكلبشة فى القاهرة رغم بعد المسافة وموافين كل يوم ياخدوا السكة رايح جاى...يبقى قياسا على ذلك لو عملتلهم ايه مش حيروحوا الصعيد وقياسا على ذلك منقدرش نلوم الحكومة لانها مش مسئولة انها تغير ثقافة فشلت 7 الاف سنة انها تطلع المصرى من الوادى الضيق

ولك منى كل تقدير

والنهاردة كان فى تحقيق عن حاجة اسمها وادى التكنولوجيا معمولة من التسعينات فى الاسماعلية وفشلت فشل ذريييييع

المشاركة الأصلية كتبت بواسطة kh_talaat

- الأعفاء الضريبي لمدة 5 أو 10 سنوات داخل القرية الذكية
موجود فعلا اعفاء ضريبي لشركات كتير في القريه
- انشاء شبكة مترو أو حتى شكبة اوتوبيسات محترمة
يقال ان القريه الذكيه هتعمل باصات لونها احمريكا بفلوس و مكيفه
- انشاء تجمعات سكنية حول القرية بأسعار منافسه وبالتكلفة للموظفين
مفيش اكتر من الشقق في اكتوبر و زايد
- السماح للمستثمرين بأنشاء اماكن ترفيهية حول القرية الذكية والتجمعات السكنية من ملاهي ومولات وسينما
داندي منور المنطقه و قريبا جدا مول العرب
- انشاء نادي رياضي بسعر مناسب وعلى مستوى كبير
سماش فاتح جوه القريه و يعتبر مش غالي ونضيف جدااااا بس للعاملين في القريه بس


يعني حاجات كتير قوي تقدر تعملها الحكومة ولا يستطيع غيرها ان يقوم بعملها وصدقني ناس كتير هتروح وهتشتغل وهتهجر القاهرة كمان وأنا اول واحد
علي الرغم من كل دا لسه في ناس رافضه تسيب مصر الجديده و مدينه نصر