هو فيه حل كويس في جهاز بيركب على الودن زي سماعة البلوتوث كده بيبعت
ذبذبات للمخ تفوقه اول اما دماغك تنزل شويه بس مش عارف هوه بكام الصراحه
عرض للطباعة
هو فيه حل كويس في جهاز بيركب على الودن زي سماعة البلوتوث كده بيبعت
ذبذبات للمخ تفوقه اول اما دماغك تنزل شويه بس مش عارف هوه بكام الصراحه
السلام عليكم
اخي الكريم .. موضوع النوم وانت سايق ده لو حضرتك مش مرهق يعني بيبقي حالة نفسية بتجيلك بسبب الملل من الطريق
بشكل عام حاول تعمل شوية حاجات في العربية تساعدك علي كسر الملل يعني مثلا لو غيرت لون إضائة التابلوه للون اصفر زاهي
لو شغلت كاسيت العربية بصوت عالي شوية و سمعت حاجه تفوقك
لما تحس انك نعسان امسك الموبايل وارغي مع اي حد صاحي من صحابك
اجري بسرعة شوية بالعربية و اتشاقي واعمل غرزة مرة ولا حاجه
حاول تكسر الحالة دي بنفسك
حاجه تانية مجربها انا مع اخويا برضو لانه احيانا كتير بيعاني من المشكلة دي
الريد بوووووووووووول
رهييييب
انا الحمد لله ماعنديش المشكلة دي اطلاقا بس مرة كنت مسافر البحيرة وبقالي يومين مش نايم و كنت مش نعسان بس مخنوووق ومش طايق السواقة
شربت ريد بوول
وصلت وقعدت 3 ساعات باحاول انام مش عاااارف
وربنا يسترها معاك و معانا يا رب
تحياتي
الموضوع ده اكيد بيحصلك بالنهار والصبح بدرى لانه كان بيحصل معايا لما اكون مش نايم كويس وده بسبب الشمس
زجاجة مياه وتدلقها على دماغك وانت سايق هتصحصح وتفوق ..
انا هقول لحضرتك على لعبة بلعبها دايما وانا سايق على الطريق لوحدي علشان اسلي نفسي ومنامش ,
بعمل مسابقة بين ماركات العربيات اللي بتعدي , يعني مثلا كل سفرية ماركتين متنافستين , زي مرسيدس وبي ام , او مثلا في العربيات النقل المرسيدس وm.a.n واعد كل ماركة واشوف مين اللي هيكون اكثر من الثاني !! ممكن تشوف انها غريبة شوية بس فعلا بفضل مركز كده طول الطريق ..
والمكسرات برده بتعمل احلى شغل على الطريق .. بس خد بالك منها علشان مترفعش الكوليسترول..
حاول تراجع دكتور زى ما الدكتور بحرى ما أشار وان شاء الله يكون الموضوع خير
انا برضه لما احس انى عاوز انام بأفتح الشباك وابتدى الاشتباك مع السائقين اللى بيخالفوا المرور امامى وخاصة سائقى التريلا والجرارات ومبفوتش حد لحد ما اوصل
وعموما ربنا يحفظك و يحفظ الجميع لان الامر كله بيد الله
خد الزتونة
حركة الفكين
استحالة معاها النوم
و اعتقد بعض الزملاء الافاضل اتكلموا فى ده
نصااااااااااائح غاليه من اعضاء غاليين ومنتدى اغلى
ربنا يجازيكم خير ويسترها معاكم
انا عمري معملتش حاجة زي كده وانا سايق كان كل همي اوصل وخلاص حتى مكنتش بقف نهائيا لكن من انهارده كل النصائح دي هحطها قدامي واعملها واشوف انهي هتجيب نتيجة افضل مع انهم كلهم جامدين
الف الف شكر لتفاعلكم مع الموضوع