السلام عليكم
محتاااااار جدا لان اخويا الاصغر منى عايز عربية صغيرة فى حدود 30000
ايهما افضل و لماذا :
بونتو 94 - 95
--
ابيزا 94 - 98
--
تيمبرا 93
--
اكسل 95 - 97
--
سويفت 94
--
فليشيا 97
--
( بسعر 30000 )
ولا يصبر بقى 3 شهور مثلا و يجيب اكسينت 1998 ب 33 - 35
مع العلم جميع الحالات ممتازة ولا تحتاج اى مصاريف و مكيفة .
يقدر يجيب اية فيهم و انهى الاحسن و لية
البونتو عن تجربتى الشخصيه
خامات افضل
اشيك
قطع غيار معمره واسعار متوسطه بل وقليله مقارنه بموديلات لها وزنها فى نفس الحجم زى الابيزا
اعتماديه واقل موديلات الفيات فى الاعطال
اقتصاديه فى البنزين وموتور لانشيا 1300 قوى ويستحمل التكييف
واخيرا الاسياره الصغيره الاولى فى اوروبا من سنة 1993 الى 1995 مكتسحه كل من الابيزا والبولو والكورسا مع تحقيق اعلى مبيعات فى تلك الفتره
تماام يا باشا انا فعلا حاطت البونتو دى فى الاعتبار الاول ،،، مشكوووووووووووور
الاكسيل عربية محترمة جداا وشيك وكورى وتفى بكل الاغراض لو هتسافر هتريحك لو فى البلد هتلقى قطاع غيار ممتازة
توكل على الله
البونتو معقولة بس شنطة صغيرة
تمااااااام يا باشا تسلم ايدك
ازيك يا باشا انت كاتب عربيات كلها حلوة بس ليا تعليق السويفت عربية ناعمة و تكيف حلو بس صاج ابو لمس بس شكلها حلو و تابلوة كويس و شكل بالاجمال كويس بس استبعدها الاكسيل عربية الشعب قطع غيار رخيصة و فى كل مكان و ناعمة بس تلاقى واحدة سليمة الابيزا جميلة و خصوصا الموديلات القديمة لو سليمة طبعا حلوة الفليشيا كويسة بس مفيش تكيف و لا بور و خشنة شوية أخر حاجة حا اتكلم عنها طبعا التمبرا لو بيدور على عربية صغيرة مش التمبرا التمبرا عربية كبيرة وواسعة جدا من جوة و موتور قوى جدا معلش أقوى موتور فى كل الخيارات عيبها لازم يفهم العربية كويس قطع الغيار مش غالية بالنسبة للفئة بتاعتها و صاج و شاسية حديد بدون منافس و لا منازع فى كل الاختيارات بس العربية كبيرة و عائلية و ناعمة بس مش فى نعومة الاكسيل و لا السويفت زى الالمانى شوية بس مش خشنة و مافيش صوت الموتور بتاع الفيات المتعارف علية و طبعا دى كلها أذواق و فى النهاية نحترم كل الموديلات السابقة و نقدرها كل واحدة ليها ميزة و عيب
بص يا سيدى البونتو والابيزا عربيتين حلوين وشبابية ومواتيرها حلوة وعربيات ناجحة بس قطع الغيار بتاعتهم غالية شوية
الاكسيل عربية عائلية وتمشى شبابية وبما انها كورى قطع غيارها مش غالية
لو ميفرقش موضوع قطع الغيار انها اغلى يبقى البونتو أو الإبيزا ,
و لو عايز قطع غيار رخيصة و بالتالي صيانة رخيصة يبقى الإكسيل ,
=========================================
الـ تيمبرا و الــ فليشيا : عربية خشنة و قطع غيار غالية شوية
الــ سويفت عربية ضعيفة جداً
انا فى راي الابيزا رقم 1 لان مواتير و عفشة المانى فولكس واجن وعربية شيك جدا وتابلوه روعة رقم 2 التيمبرا عربية واسعة وبتستحمل رقم 3 البونتو روقم 4 الاكسيل و ابعد عن السكودا بتسخن جامد و نشفة اوى
ابيزا
سويفت
تمااااااام يا رجالة تسلم ايديييييييييييييييييكم والله بجد
هوا انا كان معايا ابيزا بس ماكانتش عاجباة هوا عايز العربية مافهاش غلطة و لسى راشة و كدا و ب 32 مثلا
ف ان شاء الله ممكن نشوفلو البونتو حلوة و على قدة
او التيمبرا لو وافق عليها عشان يبقى يساعدنى فى المشاوير العائلية و كدا ههههههههههههههه
ابعد عن الاوربى و بالذات فى المستعمل .. انا باقول الكلام دة من واقع تجارب عملية و لو عايز بونتو فى واحدة موديل 94 مطلوب فيها 29000 و التانية 2002 و مطلوب فيها 34 الف و الاتنين مش محتاجين مصاريف بس كرهوا صحابهم فى العربيات اصلا هتقولى ازاى اقولك معرفش بس كل شوية عيب و مشكلة شكل .
رايى خليك فى السويفت ثم الاكسيل و الاكسنت احسن من الاتنين مشاكلهم قليلة و قطع غيارهم رخيصة و عربيات عملية .
لو ليك أستفسار عن التمبرا لا تتردد و أسأل ممكن أفيدك على قدر معرفتى و بالمناسبة عاوز أقولك ان وزن العربية التمبرا 1580 كيلو فهمت قصدى لما بقولك على الثبات للسيالرة حتى 170 كيلو فى الساعةاقتباس:
المشاركة الأصلية كتبت بواسطة fox26
:M_yes[1]:على راى عادل امام .....ابعد عن حيحااااااااااا(ااقصد الفليشيا )خاااااااااااالص
انتا بتتكلم بلساني انا معايا نفس المبلغ زيك وفي نفس حيرتك .. بس احيانا بفكر في سبرانزا a113 او ماروتي كمان
الاوربى فى العربيات رقم 1 مع احترامى لأراء المشاركين من حيث الاداء والمتانة و الثبات والاعتماديمة وبعدهم اليابانى والكورى ده فى العالم كله اما احنا فى مصر الكورى رقم 1 :colsmil:
انا رايى ياجماعه الاوروبى رقم 1 حد يجيبلى عربيه زى 128 موديل 1979 شغاله و لا ال 124 و لا 125 كل اللى بعد كده مكملش 10 15 سنه و مبهدل
انا رايى التمبرا عربيه حوت و جميله بس قطع غيارها غاليه شويه
طيب انا دايخ على بونتو بقالى حبة حلوين وانت جاى دلوقتى تقول بونتو وكام عربية تانية ومافهمش غلطة ومكيفين وبتاع.. جاى
تعقدنى يعنى ..:whtauwant:
طيب قولى الاقى فين بونتو حالتها كويسة زى مابتقول ,علشان انا تعبت, وربنا يوفقك
التمبرا لو حفظتها قطع غيارها مش غالية زى ما انت متخيل اسال على اى قطعة غيار ممكن اقولك سعرها على قدر معرفتى و قطعة الغيار معمرة جدا لان مفيش منها مضروب كلة اصلى و سعر معقول جدا بالنسلة لعربية فى امكانياتهااقتباس:
المشاركة الأصلية كتبت بواسطة ahmedmae
لو زودت الملغ شوية يبقى معلش حرام انك تجيب اسيرانزا او ماروتى انت كدة بتقارن اية باية المقارنة غير عادلة مع احترامى للسيارتين دول بس معلش لو موتسيكل خبط العربية من الخلف حا تلاقى ظهر الشنطة لزق فى الكنبة الخلفية و مافيش شنطة تقريبا خالص صغيرة جدا جدااقتباس:
المشاركة الأصلية كتبت بواسطة zigzag2001
الابيزا كسبت معايا لما قارنتها بكل العربيات دى و قعدت عايا 3 سنين و بعتها بخسارة 1000 جنيه فقط , ما رحتش للميكاانيكى ألا لتنظيف الموتور و غسله فقط و قطع غيار غاليه فى رايى تساوى عمر كبير و عدم وقوف امام ميكانيكيه كتير
باااااااااااااك سورى يا رجااااااااااااالة كنت مسااااااافرررررر
متشكر اوى اوى اوى لاهتمام كل واحد فيكم
انا فعلا بدول على بونتو او تيمبرا
ContactCars | السيارات المستعملة
و دا كونتاكت كارز بدور فية و ربما الاقى حاجة
فى كام نقطة مهم جدا بقى خدو بالكم بالنسبة للناس الى هتشترى ::
احذر - تسلم ( اوعى تشترى العربية قبل ماتدخل الموضوع دا ) تنبية هاام
احب احذر الناس كلها من عدة نقاط وقعت فيها شخصيا :
1 - مش هتكلم على كشف العربية و حالتها و كدا
2 - مبدئيا و قبل ما تفتح باب العربية تشوفها قول للبائع هات البطاقة الشخصية بتاعتة و الرخصة العربية و لو مش نفس الاسم سيبة و امششششششى و اوعى تفكر فيها ولا بقى يقولك عربية جوز امى و هوا جاى بس فى الشغل ولا الهبل دا لانة شغل نصب و على كبير بتاع توكيلات ( ارجوووك اسمع كلامى ) حتى لو كان قريبك سيبهاااااااااااااااااا
3 - لو طلع اسم البطاقة زى اسم رخصة العربية و تمام تكشف عليها و تنفضها صح عند كذا حد ميكانيكا و عفشة و سمكرة و بنزينة اة الاربعة و لازم البنزينة برضو و لو مش مقتنع بكشف حد فيهم شوف غيرو مثلا الميكانيكى يعد يسمع فى صوت الموتور و يسيب العربية دا تسيبو و تمشى تروح لغيرو لانك بتشترى عربية مش موتور .
4 - بعد ما الحمد لله صاحب البطاقة هوا صاحب الرخصة و حالة العربية تمام و سليمة
5 - قبل ماتدفع شلن واحد عربون تطلع على مرورها ( و دا اهم حاجة لانو ممكن يكون بعيد جدا و يبهدل زى ماحصلى طلعت فى ( اوسييييييييم لعنة الله عليها ) تروح المرور ترفع بصمة موتوور و شاسييييية و اوعى تامن لحد طلعو موجودين على الرخصة احمد ربنا
- بعد كدا بقى عربن و اتفق و ظبط امورك عادى وربنا مايوقعش حد فى حاجة وحشة و بالله علليك خلى بالك من كل كلمة قولتها و اوعى تنفض .
اتمنى اكون افدت بعضكم لانى عارف ان معظمكم عرفين الكلام دا بس حبيت اكتبهم برضو حايز فى حد ابيييض زى قبل ما اجيب العربية