ايهما افضل و لماذا : بونتو -- ابيزا -- تيمبرا -- اكسل -- سويفت -- فليشيا -- ( بسعر 30

**fox26** · 18-07-2010 03:53 PM

السلام عليكم

محتاااااار جدا لان اخويا الاصغر منى عايز عربية صغيرة فى حدود 30000

ايهما افضل و لماذا :

بونتو 94 - 95
--
ابيزا 94 - 98
--
تيمبرا 93
--
اكسل 95 - 97
--
سويفت 94
--
فليشيا 97
--

( بسعر 30000 )

ولا يصبر بقى 3 شهور مثلا و يجيب اكسينت 1998 ب 33 - 35

مع العلم جميع الحالات ممتازة ولا تحتاج اى مصاريف و مكيفة .

يقدر يجيب اية فيهم و انهى الاحسن و لية

**m000dy** · 18-07-2010 05:09 PM

البونتو عن تجربتى الشخصيه
خامات افضل
اشيك
قطع غيار معمره واسعار متوسطه بل وقليله مقارنه بموديلات لها وزنها فى نفس الحجم زى الابيزا
اعتماديه واقل موديلات الفيات فى الاعطال
اقتصاديه فى البنزين وموتور لانشيا 1300 قوى ويستحمل التكييف
واخيرا الاسياره الصغيره الاولى فى اوروبا من سنة 1993 الى 1995 مكتسحه كل من الابيزا والبولو والكورسا مع تحقيق اعلى مبيعات فى تلك الفتره

**fox26** · 18-07-2010 05:58 PM

تماام يا باشا انا فعلا حاطت البونتو دى فى الاعتبار الاول ،،، مشكوووووووووووور

**hotboja** · 18-07-2010 10:10 PM

الاكسيل عربية محترمة جداا وشيك وكورى وتفى بكل الاغراض لو هتسافر هتريحك لو فى البلد هتلقى قطاع غيار ممتازة
توكل على الله

البونتو معقولة بس شنطة صغيرة

**fox26** · 18-07-2010 10:13 PM

تمااااااام يا باشا تسلم ايدك

**heshamzaky** · 18-07-2010 10:38 PM

ازيك يا باشا انت كاتب عربيات كلها حلوة بس ليا تعليق السويفت عربية ناعمة و تكيف حلو بس صاج ابو لمس بس شكلها حلو و تابلوة كويس و شكل بالاجمال كويس بس استبعدها الاكسيل عربية الشعب قطع غيار رخيصة و فى كل مكان و ناعمة بس تلاقى واحدة سليمة الابيزا جميلة و خصوصا الموديلات القديمة لو سليمة طبعا حلوة الفليشيا كويسة بس مفيش تكيف و لا بور و خشنة شوية أخر حاجة حا اتكلم عنها طبعا التمبرا لو بيدور على عربية صغيرة مش التمبرا التمبرا عربية كبيرة وواسعة جدا من جوة و موتور قوى جدا معلش أقوى موتور فى كل الخيارات عيبها لازم يفهم العربية كويس قطع الغيار مش غالية بالنسبة للفئة بتاعتها و صاج و شاسية حديد بدون منافس و لا منازع فى كل الاختيارات بس العربية كبيرة و عائلية و ناعمة بس مش فى نعومة الاكسيل و لا السويفت زى الالمانى شوية بس مش خشنة و مافيش صوت الموتور بتاع الفيات المتعارف علية و طبعا دى كلها أذواق و فى النهاية نحترم كل الموديلات السابقة و نقدرها كل واحدة ليها ميزة و عيب

**tarekmomo** · 19-07-2010 01:12 AM

بص يا سيدى البونتو والابيزا عربيتين حلوين وشبابية ومواتيرها حلوة وعربيات ناجحة بس قطع الغيار بتاعتهم غالية شوية
الاكسيل عربية عائلية وتمشى شبابية وبما انها كورى قطع غيارها مش غالية

**Akram** · 19-07-2010 08:59 AM

لو ميفرقش موضوع قطع الغيار انها اغلى يبقى البونتو أو الإبيزا ,
و لو عايز قطع غيار رخيصة و بالتالي صيانة رخيصة يبقى الإكسيل ,
=========================================
الـ تيمبرا و الــ فليشيا : عربية خشنة و قطع غيار غالية شوية
الــ سويفت عربية ضعيفة جداً

**waelms3** · 19-07-2010 12:23 PM

انا فى راي الابيزا رقم 1 لان مواتير و عفشة المانى فولكس واجن وعربية شيك جدا وتابلوه روعة رقم 2 التيمبرا عربية واسعة وبتستحمل رقم 3 البونتو روقم 4 الاكسيل و ابعد عن السكودا بتسخن جامد و نشفة اوى

**DR.M** · 19-07-2010 12:46 PM

ابيزا
سويفت

الموضوع: ايهما افضل و لماذا : بونتو -- ابيزا -- تيمبرا -- اكسل -- سويفت -- فليشيا -- ( بسعر 30

LinkBack

أدوات الموضوع

عرض

-

-

-

-

المواضيع المتشابهه

ايهما افضل سكودا فليشيا ام سيات ابيزا

فليشيا , ابيزا . اكسل , سويفت , ماروتى , تيمبرا

ايهما افضل الجراند بونتو 2006او2007 ام ابيزا 2006

ايهما افضل بونتو 95 ولا كورسا 97 ولا سويفت 94

ايهم افضل ؟ ويرا -فليشيا - ريجاتا - سويفت

الكلمات الدلالية لهذا الموضوع

المفضلات

المفضلات

ضوابط المشاركة