السلام عليكم ورحمة الله وبركاته
الاخوة الاعضاء برجاء الافادة عن مكان تواجد قطع غيار السيارات الامريكانى مع العلم انى نزلت بورسعيد اشترى موتور 6سلندر للسيارة البليزر ولكنى فوجأت بعدم وجود تجار للسيارات الامريكانى نهائيا وبالسؤال عرفت ان واحد بس اللى كان بيبيع الماكينات الامريكانى اسمه محمد ابو حجازى ولكنه قفل المحل وفتح فى القاهرة ولكن لا احد يعلم مكانه فى القاهرة بالضبط وذهبت ايضاً للدكتور جمال الطريق الجديد مريوطيه هرم ولكن لم نتفق على السعر اما الحاج محمد سعيد بتاع البساتين فلايوجد لديه سوى ماكينة 8سلندر فى تك وبالرغم من ان الماكينة تعمل بتقنية حديثة الا ان استهلاكاها للبنزين اعلى وخصوصا انها اتوماتيك بالاضافة ان اعطالها ممكن تحتاج التوكيل وده هيبقى كتير اما فوزى الخواجة بتاع فيصل كل الناس نصحونى بعدم الذهاب اليه من الاساس لتوفير الوقت فياريت لو حد يعرف حد معين لبيع الماكينات الامريكانى بوجه عام او البليزر بوجه خاص يقولى وياريت بلاش مناطق يعنى محدش يقولى انزل الوكالة او عزبة شلبى اوشارع الجسر لانى اكيد قبل منزل بورسعيد نزلت كل المناطق دى وياريت كمان لو حد عايز يشترى العربية منغير موتور انا ممكن ابيعاله بنصف تمنها اللى اشتريته بيها وشكرا واسف للاطالة