مساعدتكم يا أهل السوبارو :)

**Ahmed Hassan** · 20-07-2010 06:57 PM

على فكره ارتفاع الامبريزا من موديل ٢٠٠٨ في مصر ١٥.٥ سم بدل من ١٥ سم في الموديلات اللي قبلها. و ده فرق ارتفاع كبير على فكره.

**Alios** · 20-07-2010 08:03 PM

المشاركة الأصلية كتبت بواسطة Mustafa_Farouk

السلام عليكم،

طب ماهو المازدا والنيسان يعتبرو واطين على الارض، معلشي اعذرني، أصلي بقارنها بالاسترا اللي معايا وخصوصاً انها ما شاء الله ارتفاعها كويس وفيه مثلا الميجان ٢ و-٣ برد إرتفاعهم كويس والكورولا أعتقد برضو عالي عن الارض. أنا مش بذم فيها أنا بس بدردش معاك، طب هو ممكن نزيد من أرتفعها عن الارض ولا هي مصممه على هذا الارتفاع ؟؟
ما أنا عارف موضوع الفتيس بتع الكورولا ، عشان كدة بسأل عشان لو في حاجة بانيت عليه بالنسبة لسوبارو.

بص يا باشا ......

مشكلة الفرامل بتاعت التويوتا كانت للتويوتا وبس ........ و اليابانيين مش عُبط علشان يضيعوا ماركة كبيرة زي تويوتا , فنزلوا موديلات جديدة و صلحوا العيب دا فيها ...

السوبارو من ساعت ما ظهرت , و مفيش منها اي مشكلة ..... لأنها أولاً و أخيراً عربية راليات ........ و عربيات الراليات دي لا يمكن تلاقي منها مشاكل .......

طبعاً علشان تزود من ارتفاع العربية يبقى انت كدا بتغير في نظامها ...... و دي بقى عاوزة خبراء , بس اعتقد انه مستحيل تغير من ارتفاع العربية ......

العربية واطية عالية مش دي القضية ....... العربية بسواقها ....

لو السواق واخد باله من الطريق و عينه سهم ... اكيد العربية ح تعمر معاه لحد 10 سنين و اكتر .... لانه سواق واخد باله ...

لكن لو سواق سها مثلاً في السكة و مخدش باله من حفرة و لا مطب ...... هوا بقى و نصيبه :)

المفروض ان الناس تفهم النقطة دي ..... لو واحد بيسوق سواقة محترمة و معاه سيراتو مثلاً اللي المعظم بيشتكي منها , حتلاقيه هوا الوحيد اللي بيشكر فيها , لأن سواقته محترمة ....

الموضوع بيبقى كونسبت واحد : شكل - أمان - كماليات - سواق ..... دي منظومة المفروض الكل يتعامل بيها .....

المشاركة الأصلية كتبت بواسطة Kazzaz

يا باشا انها واطيه بشكل معقول ده بيديها ثبات اكثر ... عموما العربيه مش واطيه للدرجه يعني عادي الجولف مثلا اوطي و البي ام نفس الكلام تقريبا او اعري بشئ بسيط هي ميزه بس عشان المطبات لكن كاداء العربيه اكيد الاوطي افضل ... شوف مثلا البوجاتي تقريبا لازقه في الارض ههههه

و زي ما قال الأستاذ Kazzaz .... ايه علاقة دا بدا ؟

التويوتا موضوع و انتهى و مأثرش على بقية الماركات اليابانية .......

يا باشا كل الجديد واطي ...... بس ده مش عيب و كارثة علشان ما اشتريش العربية ....

العربية عاجباني و كويسة و مرتاح لها ..... خلاص , المفروض بقى اخد بالي من الشوارع الزبالة اللي عندنا و احترم سواقتي علشان العربية تحترمني .... حتى و لو فيها عيب صناعة :)

**Mustafa_Farouk** · 21-07-2010 01:14 PM

السلام عليكم،

بجد أنا بشكر كل اللي ردو على استفساراتي وربنا يكرم الجميع.

**Alios** · 21-07-2010 02:28 PM

يا باشا العفو .....

و اي استفسار أأمر ... احنا في الخدمة برده :)

**amirfahmy** · 21-07-2010 02:42 PM

يا نشا أن جبت العربييه بس موديل ٢٠٠٧ و مش ندمان بلعكس كنت حندم لو مجبتهاش معايا سنة كدة ولسة مستمتع بيها وركبت حاجات محترمة ذي هوندا سيفك ٢٠٠٨ و اوكتافيا a5
بجد السوبارو احلى بمراحل كونترول علي جداً

**Alios** · 21-07-2010 02:48 PM

المشاركة الأصلية كتبت بواسطة amirfahmy

يا نشا أن جبت العربييه بس موديل ٢٠٠٧ و مش ندمان بلعكس كنت حندم لو مجبتهاش معايا سنة كدة ولسة مستمتع بيها وركبت حاجات محترمة ذي هوندا سيفك ٢٠٠٨ و اوكتافيا a5
بجد السوبارو احلى بمراحل كونترول علي جداً

يا بختك :)

السوبارو فعلاً ركوبة تانية و عالم تاني ....... بس زي ما قلت للي يفهمها صح .........

ممكن تعتبرها فئة المرسيدس بس في الياباني .... :)

**Kazzaz** · 22-07-2010 08:58 AM

Alios

العربيه جامده جداا بس ماترسمش في خيالك امكانيات و كلام انها مافيش زيها عشان هي في الاخر عربيه زيها زي غيرها .. اتمني تكون فهمت قصدي

**Alios** · 22-07-2010 02:36 PM

المشاركة الأصلية كتبت بواسطة kazzaz

alios

العربيه جامده جداا بس ماترسمش في خيالك امكانيات و كلام انها مافيش زيها عشان هي في الاخر عربيه زيها زي غيرها .. اتمني تكون فهمت قصدي

بص ... معلهش ابقى مبفهمش ان اقنعت نفسي ان دي عربية مفيش زيها ....

كله بيمشي و كله ببتحرك .... الفرق كفاءة و امكانيات ....

و انا فهمت قصدك كويس جداً ......... الموضوع ح يحتاج اعادة نظر :)

و الف شكر على ردك الجميل