لما جدتي ماتت الله يرحمها و يرحمهم جميعا
عرض للطباعة
لما جدتي ماتت الله يرحمها و يرحمهم جميعا
اخر مره من حوالى 41 يوم
جدى لما توفى
اللهم ارحمه واحشره مع المتقين الى الرحمن وفدا
يا راجل الشعب كله بيعيط ليل ونهار انتا مش واخد بالك من كتر البكاء الي احنا فيه مش محتاجه موضوع
أنا مش بقدر أمسك نفسي مع أي موقف مؤثر
يعني ماقدرتش أمسك نفسي لما جابوا أم ..قوات الأحتلال هدمت بيتها إلي بقالها كام سنة بتبني فيه
وكانت بتطلم وبتبكي ..وتعفر راسها بالتراب من القهر ...ساعتها عيطت
وأكتر مرة نزلت دموعي بشكل كبير
من حوالي كام إسبوع
وأنا شايل والدي طالع بيه مركز الأشعة ...على خلفية جلطة بالمخ
ساعتها والدي بكى ...وأنا بكيت أكتر منه
والدي عنده 62 سنة ...لا يدخن ...مافتكرش خالص إنه تعب قبل كده خااالص
كان دايما يصحى من الفجر ...ويرجع من شغله الرسمي ..يروح شغل تاني
شعلة من النشاط والحركة
ولما حس بالعجز للحظة ...بكى
وعمري ماشوفته بيبكي
ربنا يشفي الوالد يا دكتور احمد
اخر مره عيطت فيها كانت الاسبوع الي فات كان خالي في المستشفى و اول مره اشوفه بالشكل ده وصعب علي جدا خاصة انه هوا الي مربيني. بس مسكت نفسي يعني وبعدها بكام يوم احتاج يعمل عملية وكان في العنايه المركزه وكل عيلتي وحتى اخويا الكبير كان بيعيط بعد لما عرفنا ان عنده سرطان.
بس برضه مسكت نفسي وكنت بحاول اهدي من توتر كل الي حولي وبضحكهم كمان :shyy:
اصعب بكا هو البكا من غير دموع
يعني هي ناقصة نكد ياضحى يعني :120146b
عموما انتي عارفة انا اخر مرة عيطت فيها امتي !!!!!
لإنك كنتي حاضراها!!!!! :stink[1]:
يالا الحمد لله قدر الله وماشاء فعل
بتحكي موقف حصل معايا شبهه بظبط
هحاول احكيه بالتفصيل
كنت في البيت ووالدي كان ماسك الموبايل وكان بيزعق لمدة تلت ساعه متواصله
فجاه مبقاش قادر ياخد نفسه وجه يسند علي ايد كنبة الانتريه اديه اتزحلقت
كنت انا جمبه والحمد لله قدرت اسنده وشيلته لاوضة النوم
كان وقتها مدرك بس مش قادر يتكلم وانا قدامه ببوس ايده بقوله اتكلم قول اي حاجه اي حاجه
انا بقيت بعيط لدرجة اني بقيت مش شايفه اساسا
واخدت ازازتين مايه من التلاجه وكان اخويا جمبي وفتحتهم عليه
وقتها بس حسيته فاق اكنه كان مغمي عليه و صوته بدا يتكلم علي خفيف وقالي انا كويس
مش هوصف حالة امي واخواتي وقتها
ولا بعد ما بدا يتكلم كانت حالتنا ازاي
يارب ما يوريني الموقف ده تاني ولا يوريه لحد
A.Yakout
انا شخصيا دموعى مش بتنزل بسهوله وماعرفش ليه ؟
انما اخر مرة بكيت فيها لما عرفت ان اعز اصدقاشى مات ومش فى مصر سافر السعوديه قعد شهرين ومات فى حادثه عربيه هناك
الله يرحمه ويرحم امواتنا جميعا (المهندس خالد صبرى)