أبكي في ثلاث أوقات
اذا تأثرت بدرس دين او دعاء قوي كأدعية الشيخ محمود المصري بارك الله في عمره
أبكي في مواقف الموت وخاصة الدفن لأني اكون حريص على حضور الدفن
أبكي إذا ما اصاب إبني مكروها وخفت عليه بشده
عرض للطباعة
أبكي في ثلاث أوقات
اذا تأثرت بدرس دين او دعاء قوي كأدعية الشيخ محمود المصري بارك الله في عمره
أبكي في مواقف الموت وخاصة الدفن لأني اكون حريص على حضور الدفن
أبكي إذا ما اصاب إبني مكروها وخفت عليه بشده
اخر مره بكيت لما والدى الله يرحمه توفى
اعتقد انها بتبقى لحظه صدق مع نفسك خاليه تماما من اى تشويش على تفكيرك
كل ما اروح المقابر
وافتكر صديق عزيز جدا عليا مدفون هناك
وللاسف بقيت بضطر اروح كتير هناك اليومين دول
كل شهر تقريبا لازم اروح اودع حد
بس لازم اهرب بعيد واعملها لوحدى
اخر مرة عيط من قلبى لما ماتت مرات عمى
أشد مرتين كانوا ساعة وفاة والدتى الله يرحمها من 11 سنة و ساعة وفاة خالى من 6 سنين.
و برضه حصلى موقف مشابه لموقف أحمد فارما
والدى ربنا يديله الصحة قرب على ال 70 سنة
فى رمضان اللى فات كان موجود فى شقته و كلمنى عشان تعبان ( كان قبلها بكام يوم عمل عينة فى معمل عشان تشخيص ورم ) العينة دى عملتله ألتهابات.....المهم نزلت رحتله و رحنا مستشفى و رجعنا الصبح.....حاولت أقنعه أنه يجى يبات معايا و يقعد مع العيال شوية و مفيش فايدة.....قضيت اليوم معاه و بعد الفطار رجعت البيت عندى عشان عندى شغل تانى يوم.....و أتكرر الموقف لتانى مرة....و نزلت أخدته ورحنا المستشفى و رجعنا الصبح و برضه قضيت اليوم معاه مع رفضه التام أنه يجى يبات معايا.....و فى تالت يوم أتكرر نفس الموضوع للمرة التالتة و المرة دى بقى أصريت أنه يجى يبات عندى.....و قد كان.....و الموضوع كان ماشى عادى جداً و راجعين أنا وهو بنتكلم عادى مفيش حاجة........و أول ما مراتى فتحت باب الشقة أنفجر هو فى البكاء.......و بقيت مش عارف أعمل أيه....و لقيت نفسى بعيط أنا كمان بدون ما أشعر.....
المهم أن نتيجة الورم طلعت سلبية و لله الحمد بس شوفت شهر.....ربنا ما يوريه لحد.........كان كويس و كل حاجة بس أحساسه أنه ممكن يطلع عنده المرض ده كان بيخليه يشك فى أى تعب عارض ممكن يجيله زى اللى جه من موضوع أخذ العينة ده.
معلش طولت عليكم بس حسيت أنى مرتاح و أنا بفضفض لأخواتى.
اخر مرة عيطت كانت لما جدي مات
و المرة اللي قبلها لما بابا مات
غير كده حاجات لا تذكر
أبكي من سماع القرآن والخشوع في الصلاة
ياه..اللي يشوف بلاوي غيره تهون عليه بلوته
وقال اناللي بعيط من شوية خنقة ونتو عندكم ابتلاءات ياما
سبحان الله
بس انا واخده بالي ان مواقف البكاء عندكم كلها من الفراق..خاصة بسبب الوفاة..
او ع الاقل معظمها
انا زيكم برده.. بس بتلكك علي حاجات تانية
يعني مثلا مبقدرش امسك نفسي لما اسمع اغنية ست الحبايب يا حبيبة
معرفش ليه بس بنهار في البكاء فعلا.. وكمان اغنية دليدا كلمة حلوة وكلمتين... بفتح عياط ومبقفلش معرفش بردوا ليه
دا غير آيات معينة فلقرآن معظمها في سورة الواقعة
دا غير يوم مش هنساه ابدا كان في ناس بيدبحوا معزة في مناسبة ما
وكانت المعزة دي ليها ابنه صغيرة شوية كانت عمالة تصرخ
مش تمأمأ..لا والله بتصرخ فعلا ولمحت دموع كتير نازلة من عنيها
الموقف دا كل مفتكره جسمي كله يتنفض وافتح فلعياط
اول مره اعيط في حياتي ساعت وفاه والدتي من 6 شهور
و لحد دلوقتي كل ما افتكرها لازم اعيط