متفرج

**M!SHO** · 20-07-2010 07:08 AM

أنا طبعا مع الناس اللى قالت
مفيش مشاكل ان الموضوع يبقى مشاهداته كتير وردوده قليله أو تكاد تكون معدومه
بس ده بالنسبه لحد عامل موضوع للافاده
لكن لما حد يسأل عن حاجه وتلاقى الموضوع مشاهداته كتير ومفيش رد واحد برغم أن كتير عندهم الرد ومتعرفش مكسلين يكتبوا ولا بيشوف مين صاحب الموضوع الأول وبناء" على كده يرد ولا ميردش
وفيه حاجه كمان ملاحظها بقالى فتره كل قسم عامل عصابه وماشين بمبدأ مننا فينا ....

**ahmed_belta** · 20-07-2010 06:26 PM

المشاركة الأصلية كتبت بواسطة heshamzaky

الكلام الى بتقولة صح بس اقول لك بعض الملاحظات بعض الاقسام عفوا فعلا لو دخلت و تشاركت معاهم ردودهم بتبقىى غلسة مش من النوع الودود تعنى ممكن تقلب بخناقة ووقف لواحد من المشتركين بعض الناس مش بتحب ترد لانها مش فاهمة مثلا فى العربية و دة مش عيب و لا حرام محدش اتولد على دريكسيون و لا خبير فى العربية بس هو بيحس ان مشاركتة ممكن الا تضيف شيىء للموضوع فيفضل الصمت و نوع أخر من الناس اجتماعى و متكلم ممكن يتشارك و ينكش الموضوع بلطافة و الكل يستفيد و مواضيع البيع و الشراء على المنتدى ما أقولكش فية ناي محترفة بجد فى هذا القسم و تلاقيهم فى كل او اى موضوع و ساعات البائع بيطفش من المشاركات ههههههههههه و القسم الاجتماعى حا تلاقى فية ناس على طول تقريبا فية برضو و طبعا و الله العظيم انا لا أقصد أساءة لآى عضو او أحد بس قولت أقول رأيى و ارد على مشاركتك و شكرا على المداخلة اللطيفة

الراجل ده بيقول كلام ذي الفل

**ahmed_belta** · 20-07-2010 06:29 PM

المشاركة الأصلية كتبت بواسطة a7med_pharma

أحيانا المشاهد مش بيكون عنده جديد يضيفه للموضوع

وصدقني

كده أفضل..مش لازم التعليق على كل حاجة تشوفها..ومش كل حاجة تشوفها ..يهمك إنك تعلق عليها
ومش عاوز نوصل زي المنتديات الخليجية
إلي تلاقي الموضوع فيها 1000 صفحة
وكلهم
مشكووووووووور
مجهود هاااااااايل
تقبل مروري
يعطيك العافية
شكراااااا

وكده
فاهمني...وربنا يسلمك يامحفوظ يا ابن عمي

لأ لأ الراجل ده هو اللي بيقول كلام ذي الفل

**heshamzaky** · 20-07-2010 07:45 PM

المشاركة الأصلية كتبت بواسطة icehearted girl

مش شايفة فيه مشكلة ان يكون الموضوع كويس والمشاهدات مليون والمشاركات صفر

اللي بيكتب موضوع كويس بيكتب علشان الناس تستفيد

واللي شايف انه استفاد وخلاص ومش محتاج يكتب حاجة يبقي كويس وكتر خيره والرسالة وصلت

انما يضطر يكتب اي كلام ونلاقي نص الموضوع

مشكور

موضوع حلو

متابع باهتمام

والعديد من الردود علي النمط دا هوا داللي مستفز فعلا

وبعدين كل واحد مراقب عليه كيبورده زي لسانه بظبط

يا يكتب حاجة تفيد يا يوفر وبلاش احسن يتقل السيرفر بتاع المنتدي

وأكم من مشاركات ملهاش اي هدف ولا اي لزمة

عليفا على كلمة مشكور و متابع باهتمام و التعليقات دى انا أعتقد ان الغرض منها واحد من اثنين الاول ان الموضوع عجبة و يريد ان يكمل قراءة باقى الموضوع و استكمالة لآن كلنا طبعا عارفين انة بمجرد اضافة اى مشاركة مكتوبة سيكون هناك شكل ظرف امام الموضوع المشترك فية و بالتالى يمكن متابعة الموضوع بسهولة او ان العضو معلش عاوز يزود عدد المشاركات طب لية ما هو مش حا ياخد جايزة لو بقى عضو ماسى و الله اعلم

**fadod** · 20-07-2010 08:36 PM

المشاركة الأصلية كتبت بواسطة heshamzaky

أزيك يا دوك و الله العظيم انت من الناس الى بحبهم لله ف لل لله و انا كنت أقصدك فى الاجتماعى انت تحديدا هههههههه و بحب أشوفك كاتب اية و أقرأة بأستمرار انت انسان اجتماعى جدا بجد و متكلم و شكرا لك

عندك،حق a7mad pharma من الناس اللي منورين الاجتماعي..وبحس إنه متابع وبيسأل في حاجات كثير ، بالذات مشاكل الشغل والصيدلية ، بيفتح موضع أخد أراء وبتلقي كل الناس بتشارك وديه حاجة حلوة انك متعملش موضوع لفئه معينة بس هي اللي ترد والباقي يعدي يبص ويمشي .

بس كنت عايز أسأله ، تبقي معدي 3 سنين في طب يا أحمد يعني نص المشوار وتحول صيدلة ..صعبة أوي ديه

الموضوع: متفرج

LinkBack

أدوات الموضوع

عرض

الكلمات الدلالية لهذا الموضوع

المفضلات

المفضلات

ضوابط المشاركة