كلاكيت تاني مره " الرشاش "

**goofy_in_love** · 19-07-2010 12:09 AM

في البدايه كلكم واحشني بجد بس للاسف عندي حاجات كتير بعملها فا مش بقدر ادخل كتير زي الاول بس انا متابع علي قد ما اقدر و مراقبكم
نيجي بقي للموضوع
بالنسبه للي ميعرفني فانا معايا فيكترا 99 1600 مانيوال
الموضوع يتلخص ان العربيه كانت ماشيه مويس و اذ فجأه كل ما ادورها الصبح و اجي ادوس بنزين الاقي العربيه زي ماتكون متلته كدا و لما تسخن تتظبط بعد شويه لف عرفت انه الرشاش " العربيه دي ليها رشاش واحد مش 4 زي ال 2000 سي سي "
و قد تم تغييره بعد فتره وجيزه و الحمد لله العربيه اتظبطت و بقت زي الفل و مشيت فتره بيها لاتقل عن ال 7 8 اشهر
المفجاه بقي ان نفس الموضوع رجع تاني من 4 5 ايام كدا و انا و الله مابحط الا بنزين 92 و من بنزينات معينه من موبيل عارف انهم كويسين و عليهم رقابه اول ب اول
اللي مش قادر افهمه بقي ليه الموضوع دا رجع تاني و ياتري هحتاج اغير الرشاش تاني !!
عربيات بالهبل مش بتغير الرشاش دا خالص اشمعني عربيتي انا بقي اللي الرشاش بتعها بيتلكك ؟
قولولي ايه ممكن يكون الحل
اكيد يا طناني انت فاكر حوار الرشاش دا مش كدا
بالمناسبه انا مغير فيشه الاوكتين عندي من 87 ال 91 بس الكلام دا من 3 4 اشهر مثلا
شكراااا

**tananybasha** · 19-07-2010 12:13 AM

فاكر يا عم
جرب تحط منظف رشاشات الأول ممكن يكون سدد بس
و قول يا رب

**tananybasha** · 19-07-2010 12:20 AM

انت بتغير الفلتر بانتظام
و لا لأ
و ممكن ميكونش وساخه ممكن و الأحتمال اكبر يكون الملف الكهربا بتاعه ضعف كالعاده

**فادى محمد** · 19-07-2010 07:36 PM

المشاركة الأصلية كتبت بواسطة tamertamer

انا برجح الماف يكون فى مشكلة وعايز ينضف
هل فى دخنة سودة من الشكطمان نتيجة هبل الرشاش واستهلاك البنزين يا ليسى اد اة وبص انت جايب الرشاش استيراد وهو نصيب ذى البطيخة انت ونصيبك

ازيك يا تامر يا منفضلي

الليثي عربيته زينا بالظبط مافيهاش ماف ..هو واضح ان المشكله في الرشاش نفسه ,لو كان ملفه ضعف يبقي البقيه في حياتك ,انما لو وساخه بنزين فممكن تنظفه ويرجع يشتغل زي الفل ,بالنسبه لعمليه التنظيف ممكن كهربائي باله رايق يفك الانجكتور ويوصله علي البطاريه اللي في الورشه ويبخله منظف رشاشات وهو شغال وبعدين يبدل طرفي البطاريه ويعكس العمليه علشان كل اللي جواه ينظف .لو ظبط معاك خير وبركه ولو لاقدر الله كان لابد من تغييره هات رشاش جديد بوش من اللي بيركب علي البي ام هتنبسط من اداءه وسعره مش غالي .

**فادى محمد** · 20-07-2010 04:53 PM

المشاركة الأصلية كتبت بواسطة tamertamer

انا سفرت وراجع انهردة متقلقش انا هتصل بيك بكرة

تروح وترجع بالسلامه يا طم طم

**tananybasha** · 21-07-2010 12:08 AM

المشاركة الأصلية كتبت بواسطة hellboy

ازيك يا تامر يا منفضلي

الليثي عربيته زينا بالظبط مافيهاش ماف ..هو واضح ان المشكله في الرشاش نفسه ,لو كان ملفه ضعف يبقي البقيه في حياتك ,انما لو وساخه بنزين فممكن تنظفه ويرجع يشتغل زي الفل ,بالنسبه لعمليه التنظيف ممكن كهربائي باله رايق يفك الانجكتور ويوصله علي البطاريه اللي في الورشه ويبخله منظف رشاشات وهو شغال وبعدين يبدل طرفي البطاريه ويعكس العمليه علشان كل اللي جواه ينظف .لو ظبط معاك خير وبركه ولو لاقدر الله كان لابد من تغييره هات رشاش جديد بوش من اللي بيركب علي البي ام هتنبسط من اداءه وسعره مش غالي .

كلام 100 % يا فادى
ماعدا ان رشاش البى ام ميركبش فى عربيتكم خالص لأن منزلش منها spi كلها mpi

-

-

الموضوع: كلاكيت تاني مره " الرشاش "

LinkBack

أدوات الموضوع

عرض

-

-

-

-

-

المواضيع المتشابهه

_""""""""الاسطورة لكزس gs الكوبيه تنتظركم في عام 2013 """"""""_

""""""""ارقى مايتعلمه الانسان فى الحياه""""""""

الحكومة بتفلس""""تخفيض حوافز الاطباء """خلوها تخرب""

الحقنى يا استاذ سبعاوى """"""""""""""""""""""""""""""""""""""

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة