الموضوع: مساعده عاجلة جدا جدا

ايه يا جماعة محدش عاوز يرد عليا ليه

هعيدلكم الكلام تانى علشان اللى هيدخل على الصفحة التانية على طول
اسف جدا انى اتاخرت فى الرد عليكم
المهم العربية اتباعت ومحلصشى نصيب واللى عرفته من السمسار انها اتباعت ب 75 الف وهى كانت 1300 سى سى

والاهم .. انا نزلت تانى لكام سمسار ومنهم عندهن معارض وكلهم معرفة واحد معرفتنا.. يعنى موثوق فيهم الى حدا ما ..
وعنده لانسر 2007 اوتوماتيك 1300 سى سى فول اوبشن سيلفر فريكة بره وجوة واول يد ومطلوب فيها 65 الف جنية .. بس للاسف كانت معا صاحبها وكان بيفسح الاولاد فمعرفش يجى بس اتفقنا على بكرة ان شاء الله الساعة 7 هنروح نشوفها وعلى كلام الراجل(السمسار) ان هيا 10على 10 فهل السعر ده تمام كده , ونشوفها. ولو تمام نتكل على الله ونجبها ولا ايه ... لان والدى بيقولى ازاى ب 65000 والتانية ب 75000 فهو شاكك ان فيها حاجة كده او كده فانا قلتله ان التانية كانت غالية من الاساس وان ال 65000 الف ده هو سعر ال1300 اللى المفروض تتباع بيه
فمعلش هتعبكم معايا تانى وتقلولى رايك ايه فى الحكاية دى وتنصحونى بايه ولكم الثواب ان شاء الله


بالمناسبة كمان انا شفت نيسان صنى 2008 سودا ومطلوب فيها 73 الف كاملة اوتوماتيك فبريكة بره وجوة بس طبعا لانها سودا فباين فيها الاختام المصرية المعروفة اللى هى الخرابيش وطبعا حكات الاكصدامات بتاعت الركن
وكمان شفت شيفروليه اوبترا 2009 ذهبى ومطلوب فيها 77500 فبريكة بالكامل وعاملة 36 الف كيلو وبالضمان فول اوبشن اوتوماتيك بس الزجاج الامامى فيه شرخ
وطبعا فيها برده الخربيش بتاعت الركن اللى على الاكصدامات .


فياريت يا جماعة اللى يشوف الاحسن يقولى عليها لانى النهارده كنت واقف محتار ومازلت محتار بين العربيات دى واللى هيفصل الامر بالنسبة ليا هى اللانسر اللى هشوفها بكرة ان شاء الله وطبعا اللانسر انا حاببها من الاساس وغير كده سعرها مناسب جدا ليا

واسف على الاطالة ومستنى ردودكم اللى هتفدنى ان شاء الله

توكل علي الله في اللانسر بس اكشف عليها كويس وهو ده رينج سعرها

فعلا اللانسر أحسنهم بس حاول تجيب 1600cc أفضل لو عايز اوتوماتيك في ال 1300 اوتو هتحس ان السحب ضعيف لو معاك حمل ومشغل التكييف بس علي الطريق السريع اما العربيه بتاخد سرعتها مش هيكون الفرق ملحوظ
وبالنسبه ل 65 الف لعربيه فبريكه بالكامل 2007 وحالتهه نضيفه والكيلومتر معقول هيكون قليل اعتقد لو نضيفه ممكن توصل ل 69 او سبعين كمان
ونصيحه ابعد عن اي حد تشك انه تاجر او اي معرض عشان بيعملوا الميتعملش عن تجربه

انا الحمد لله اشتريت العربية ... لكن لما روحت وقابلت صاحب العربية نفسه الراجل قعد معايا الاول بكل صراحة علشان ندى لكل واحد جقة وقالى على كل اللى فيها شعرة شعرة والعربية طلعت مرشوشة حزام نظافة ومغيرة الزجاج الامامى (البربريز) علشان وقعت عليه طوبه والعربية على فكرة خليجى 1300 سى سى ومعلش اللى يقول ان التكييف بتاعها وحش يبقا ظلمها او ركب واحده تعبانة لكن والله التكييف تلاجة ... وقبل مسوقها قالى دواسة البنزين هتلاقيها تقيلة وعاوزة يتعملها تيش وقالى هعملهولك قبل متستلم العربية ان شاء الله والدريكسيون فيه عضة بسيطة فى الشمال وانا والله ملحظتها غير علشان هو قالى عليها ولو مكنش قال مكنتش هحس بيها .. وقالى ان فى بلف فى الباور عاوز يتغير وقالى هنروح سوا للميكانيكى يعمله والعربية فبريكة تماما من جوة ومن السقف
نيجى بقى للسعر كان عاوز 68 الف ومرداش يقلل مليم المهم انا قلت 60 الف وبس ونيجى يمين ونيجى شمال وساعة كاملة فصال لحد مولصنا ل 62 الف الراجل حلف ميت الف يمين انها كانت هتتاخد منه ب74 الف من حوالى كام شهر بس مكنش ناوى يبيع ولما جه يبيع اقل سعر جاله فيها كان 63 الف ونص وكان من تاحر يعنى كان هياخدها ويبعها نيجى هنا نيجى هنا الهم الراجل تعب معانا وكان هيقفل ويقوم لحد مواحد جاب من الاخر وقالى خلاص نحط ربع كمان انا كنت مفكر الربع ده يعنى 250 جنية المهم طلع قصده 750 جنية وهيصلح دواسة البنزين على حسابة المهم العربية خلصت على 62750 والراجل اللى كان معانا اللى بيفهم فى العربيات وكل يوم يغير عربية قالى انت كده كسبت العربية دى لانك كدها اختها بتمن لانوس ونوبيرا وغير كده يبانى ولما تيجى تبعها هتبعها ازيد من كده والراجل بعهالك رخيص علشان هيسافر وانت الكسبان بدل مكنت تروح تجيب الصنى بزياده حوالى 11 الف جنية او اوبترا بزياده 16 الف جنية
والحمد لله ومستنى تقلولى رايكم هل انا رفت افصال وليا مستقبل ولا ايه
واستنوا الصور

المشاركة الأصلية كتبت بواسطة eng_audi2002

انا الحمد لله اشتريت العربية ... لكن لما روحت وقابلت صاحب العربية نفسه الراجل قعد معايا الاول بكل صراحة علشان ندى لكل واحد جقة وقالى على كل اللى فيها شعرة شعرة والعربية طلعت مرشوشة حزام نظافة ومغيرة الزجاج الامامى (البربريز) علشان وقعت عليه طوبه والعربية على فكرة خليجى 1300 سى سى ومعلش اللى يقول ان التكييف بتاعها وحش يبقا ظلمها او ركب واحده تعبانة لكن والله التكييف تلاجة ... وقبل مسوقها قالى دواسة البنزين هتلاقيها تقيلة وعاوزة يتعملها تيش وقالى هعملهولك قبل متستلم العربية ان شاء الله والدريكسيون فيه عضة بسيطة فى الشمال وانا والله ملحظتها غير علشان هو قالى عليها ولو مكنش قال مكنتش هحس بيها .. وقالى ان فى بلف فى الباور عاوز يتغير وقالى هنروح سوا للميكانيكى يعمله والعربية فبريكة تماما من جوة ومن السقف
نيجى بقى للسعر كان عاوز 68 الف ومرداش يقلل مليم المهم انا قلت 60 الف وبس ونيجى يمين ونيجى شمال وساعة كاملة فصال لحد مولصنا ل 62 الف الراجل حلف ميت الف يمين انها كانت هتتاخد منه ب74 الف من حوالى كام شهر بس مكنش ناوى يبيع ولما جه يبيع اقل سعر جاله فيها كان 63 الف ونص وكان من تاحر يعنى كان هياخدها ويبعها نيجى هنا نيجى هنا الهم الراجل تعب معانا وكان هيقفل ويقوم لحد مواحد جاب من الاخر وقالى خلاص نحط ربع كمان انا كنت مفكر الربع ده يعنى 250 جنية المهم طلع قصده 750 جنية وهيصلح دواسة البنزين على حسابة المهم العربية خلصت على 62750 والراجل اللى كان معانا اللى بيفهم فى العربيات وكل يوم يغير عربية قالى انت كده كسبت العربية دى لانك كدها اختها بتمن لانوس ونوبيرا وغير كده يبانى ولما تيجى تبعها هتبعها ازيد من كده والراجل بعهالك رخيص علشان هيسافر وانت الكسبان بدل مكنت تروح تجيب الصنى بزياده حوالى 11 الف جنية او اوبترا بزياده 16 الف جنية
والحمد لله ومستنى تقلولى رايكم هل انا رفت افصال وليا مستقبل ولا ايه
واستنوا الصور

الف الف مبروك سعر ممتاز ربنا يديك خيرها ويكفيك شرها ومش مشكله لو رشه حزام المهم ميكونش معمول فيهه سمكره وحاول تجيب قطع غيار اصليه من التوكيل او استيراد خصوصا التيل وفلتر الهواء