الموضوع: رجاء الانتباة ياسادة

الحمد لله على كل شئ اليوم حصل واقعه غريبة جدا فى عربية ايجار بتاعه المعؤض اللى تحت الشركة ببص لقيت الكونصول الوسط اللى فية الفتيس كان مولع و حد طفاة
التفصيل سواق كان سايق العربية و مرة واحدة لاقى فى شياط من عند الفتيس عقبال ما ركن كانت النار مسكت فى الفبر ال مهم طفاة الحريق و رجع على المعرض على طول
تفسير ما حدث طبعا الموضوع لابد من ان احد الفتاين كان السبب فيه
احد الكهربائية الكرام كان شغال فى العربية و بعدين حد قالة ان الولاعة مش شغالة ولاعه السجاير طبعا قام عمل فيها خبير ذرة و علشان الزبون ينبسط و مش كل شوية الولاعه تفصل قام عامل اية
تخيلوا حدط فيوز 30بدل 10 بتاع الولاعه و بدل ما يشوف العيب منين اللى بيخلى الفيوز يقطع كل شوية استسهل و حد فيوز اعلى طبعا المشكلة ان فية 3 سلوك فى الولاعه واحد ارضى و احد كهربا و احد للنور مع المطبات الصامولة اللى ماسكة 3 سلوك فكت فال3 سلوك لمسو مع بعض و حصل اللى حصل و الفيوز طبعا ما فصلش خدوا بالكو يا جماعه