مشكلتي مع تكييف الكريستاله

**ameerahmad** · 19-07-2010 05:18 PM

السلام عليكم
انا على طول كان عندي مشاكل مع مكيف العربيه دايما مكانش شغال او شغال بكفاءه سيئه أو بيموت سحب العربيه تماما
وفجأه بعد ما كان والدي بيعمل شويه اصلاحات للعربيه لقيت المكيف اشتغل تمام و تأثيره على سحب العربيه مش جامد زي الاول
بس المشكله في انه لما الكومبريسور يشتغل ألاقي رجه جامده جدا في العربيه لو كنت واقف وده عشان بيعلي الrpm لغايه الواحد ولو مدي العربيه الغيار D و دايس فرامل بتبقى الرجه لا تطاق بس طول ما أنا ماشي على الطوالي مبحسش بمشاكل
أنا أحيانا بطفي المكيف لو داخل على حته زحمه و هقف كتير
ممكن أعمل ايه عشان العربيه تبقى أحسن
شكرا

**mr_vampire** · 19-07-2010 05:43 PM

متهيالي كهربة العربية عايزة ظبطة فلو روحت لكهرباءي يجربها وممكن ان شاء الله يكون عنده الحل. كانت عندي في المكوة ( مانوال ) لما بشغل التكييف وانا واقف بحس برجة فعليت الار بي ام شوية وظبطت الحمد لله فلو تعرف انتا تعليها اوك بس خليه ميعديش الواحد مع التكييف او روح لكهرباء يظبطلك الكلام احسن. او ممكن يبقي في حاجة تانية خالص والله اعلي واعلم. عموما ياريت لما توصل لحل تعرفنا للافادة