استفسار مهم

**LanCeLoT** · 19-07-2010 05:36 PM

يا جماعه هوا اللي يخلي المفتاح يعلق
ما يرداش يلف لل acc
مكتوب في الكاتالوج ان لما يحصل كده لف الطاره يمين و شمال لحد ما تفك
طب ايه السبب في الموضوع ده اصلا .. خصوصا لو بيتكرر كتير

**mshmshm3** · 19-07-2010 06:31 PM

دي حاجة زي lock للدريكسيون حصلت معايا اكتر من مرة وحصلت من غير قصد بس معرفش بتتعمل ازاى وحصلت معايا اول لما جبت العربية وقولت العربية باااااااظت هههههههههههههه وكلمت غبور الخدمة السريعة قالى لف الدركسيون المفتاح هيدور بس لحد دلوقتي عايز اعرف بتتعمل ازاى متابع الموضوع لو حد يعرف واكيد المنتدي كله يعرف ده منتدي الخبراء ...

**tefeamer** · 19-07-2010 06:33 PM

المفروض ان السبب فى الموضوع ده انك بعد ما بتشيل المفتاح من الكونتاكت بتلف الدريكسيون فبيسوجر وده امان فى حالة سرقة العربية وعلشان تفكه لازم يكون المفتاح فى الكونتاكت وده مش عيب ولا تقلق

**LanCeLoT** · 19-07-2010 06:36 PM

المشاركة الأصلية كتبت بواسطة tefeamer

المفروض ان السبب فى الموضوع ده انك بعد ما بتشيل المفتاح من الكونتاكت بتلف الدريكسيون فبيسوجر وده امان فى حالة سرقة العربية وعلشان تفكه لازم يكون المفتاح فى الكونتاكت وده مش عيب ولا تقلق

بس انا الموضوع بيحصل معايا من غير ما الف الدريكسيون .. و بغيب و اقعد الف في الدريكسيون كتير لحد مالمفتاح يرضى يلف

**LanCeLoT** · 23-07-2010 04:55 AM

انا متشكر طبعا لردودكم
و انا رحت للمركز و قالولي هيا بس كان فيها شوية وساخه و نضفناها
وفعلا رجعت زي الاول
بس انا روحت و ركنت العربيه .. وتاني يوم بشغلها .. لقيتني لازم ازود المده بتاعت المفتاح لما يوصل لاخره عشان العربيه تشتغل
زعلت بصراحه .. يعني الاول الغربيه كانت بتشتغل بمجرد لما اتكى على المفتاح ثانيتين
دلوقتي لازم افضل متكي عليه شويه
انا ان شاء الله هروحلهم اخر الاسبوع لان الشغل تقيل اليومين دول ..
بس حد يعرف ايه سبب المشكله دي ؟؟؟؟
و يا ترى لواتاخرت في حلها هل في خطر .. يعني الكونتاكت يتحرق و لا حاجه ... يا ريت تردوا عليا سريعا و شاكر تعاونكم