الموضوع: عايز اجيب مانجا من اسماعيليه ممكن مساعده؟؟

شباب
انا لسا داخل البيت حالا حالا من اسماعيليه

نزلت لفيت السوق كله تقريبا
ووقفت عند كل اللي كانو على الخط
ودقت كتير
المهم
اتعرفت على واحد اداني ياشباب مانجا ولا في الاحلام
انا كنت نازل لان نسيبي جاي من السعوديه وعايز ياخد معاه كمية وبالتالي عايزهم ميكونوش مستويين عالآخر
وكنت عايز كمية لاتقل عن 25 كيلو

فنزلت ولله الحمد مع نسيبي والراجل اخدنا عالمزرعه
وقطفت بنفسي المنجا

راجل امين وزي العسل

وعنده انواع المنجا كلها
انا اخدت منه 27 كيلو عويسي من عالشجر و 15 كيلو سكري ممتاز
وحسبلي الكيلو على 9 جنيه
وطبعا المنجا اللي عالشجره مختلفه تماما عن المرشوش والكلام الفاضي ده

مش هطول عليكم
الراجل ده وانتا داخل على اسماعيليه هوا اخر واحد على ايدك اليمين
اسمه عبد الرحمن حسن واللي عايز نمرته يبعتلي عالخاص وهوا قالي هيكرم كل اللي جايين من طرفي ان شاء الله
اللي يروحله يقوله انه من طرف د.حازم...

وبامانه محدش ينزل يلف
والله انا لفيت سوق الجمعه اللي في الاسماعيليه بعد ما كنت شفت كل اللي عالخط وفي الاخير رجعتله

وللمعلوميه هوا حسبلي الكيلو ب 8 ونص وانا قلتله لا هديك 9 لانه فعلا كرمنا اخر كرم وادانا كذا منجا زبدية هدديه وبرضو قطفتها انا

ودي صورة ليا انا واياه
ههههههههههه
في ايدي منجا زبدية وفي ايده اتنين عويسي



والراجل السكره لقيته من شويه بيرن عليا وبيقولي وصلت ولا لسا وحمد لله عالسلامه

راجل محترم خالص وامين ما شاء الله عليه

وكده كده نصيحة
سواءا هتجيب من عبد الرحمن او غيره
لو عرفت تاخد من عالشجر يبقى احسن 100 مره


تحياتي