عرض للطباعة
السلام عليكم
حاليا انا بركب الغاز فى شقه 6 اكتوبر وعايز احول السخان الى غاز مش كهرباء ايه رايكم اجيب نوع ايه وعايز يكون حجمه صغير ويكون شكله حلو واهم حاجه يكون عوامل اامان فيه كويسه جدا انا سامع ان فى حجات رقميه حاليا بس مش عارف الانواع ايه
هو لازم يركب فى الحمام ولازم يكون ليه مدخنه يا شباب مش عارف اجيب نوع ايه واجيب 10 لتر ولا اجيب 6 لتر بس لازم يكون ليه مدخنه
ايديال 10 لتر فضي ميتاليك .... و هتدعي لي
و ارجوك ارجوك ارجوك بلاااااااااااش يونيفرسال
كريازي 10 لتر كويس جدا
بيشتغل مع فتح الحنفية بإشعال ذاتي و بيقفل مع غلق الحنفية
اقتباس:
المشاركة الأصلية كتبت بواسطة أحمد كمال
الف شكر على الرد بس اشمعنا ايديال وليه بلاش يوزنيفرسال
اقتباس:
المشاركة الأصلية كتبت بواسطة dr.karim emam
حضرتك مجرب كريازى .... وعلى ما اعتقد ان كل الانواع حاليا اشعال ذاتى وبتقفل مع الحنفيه
ومشكور على الرد
عشان انا مجرب الاتنيناقتباس:
المشاركة الأصلية كتبت بواسطة احمد المصرى
يونيفيرسال في بيت ابويا (راكب من 2006) و ايديال في بيتي (راكب من 2007)
يونيفيرسال = خدمة عملاء زبالة (مفيش مواعيد صيانة قبل اسبوع و 10 ايام و اتفلق)
يونيفيرسال = جودة زفت
يونيفيرسال = يفصل وسط ما انت بتاخد دش و لازم عشان يشتغل تاني تطفي المية خالص و تفتحها من الاول عالسخن و تبرد سنة سنة (و انت بتبرد ممكن جدا يفصل تاني)
يونيفيرسال = سعر اعلى !!!
و اخيرا و ليس اخرا يوم مابقى عند اهلي و احتاج اخد دش بابقى متكدر منه جدا
-----------------
تعالى بقى لايديال
شغال على ضغط مية ضعيف جدا
خاماته و تقفيله انضف
خدمة عملاء ممتازة (كلمتهم مرة ليلة عيد عشان الغسالة قفلت على الهدوم ادوني معاد تاني يوم الصبح و كان جمعة و عيد كمان !!!)
شغال بقاله 3 سنين زي الحمار ما شاء الله ماحتاجش غير مرة واحدة بس غيرنا بطاريات الاشعال الذاتي (بطاريتين طورش بتغيرهم من فتحة فيه بنفسك)
استهلاك غاز بسيط جدا (الانبوبة في الشتاء بتكفينا 3 اسابيع مع العلم ان السخان ده للمطبخ و الحمام سويا + البوتاجاز على نفس الانبوبة)
توكل على الله و هاته على ضمانتي انا شخصيا
انت ممكن تكلم ايديال و اوليمبيك على 19999 و يوصلوا المنتج لبيتك مجانا
اقتباس:
المشاركة الأصلية كتبت بواسطة أحمد كمال
الف مليون شكر على ردك القيم واكيد هحطه فى اعتنبارى وانا بشترى قريب وربنا يحفظك انت وكل اهلك
أنا مجرب كريازي بقاله معايا سنة تقريبااقتباس:
المشاركة الأصلية كتبت بواسطة احمد المصرى
موفر جدا في استهلاك الغاز
ماعنديش فكرة عن خدمة العملاء لأني الحمد لله ماحتجتش اكلمهم عشان السخان شغال زي الحمار مابيقولش لأ
ممكن سعر الايديال؟؟؟؟؟
وانا عندي ايديال بقاله 8 سنوات وشغال زي الفل يوجد في ايديال سخانات رقمية (دجيتال)
والسعر اعتقد يتراوح بين 400 إلى 600 جنيهاً
بص اسأل برضو على سخانات الهيئة العربية للتصنيع عندنا و عند ناس قرايبنا
بجد سخانات حمارة شغل و صيانتها سهلة جدااااااااااااااااااااااا اااااااااااااااااا
و ممكن تعملها بنفسك و هى عبارة عن قطعة جلدة بتتغير كل سنة او سنتين فقطططططططط
طب لية غيرت من كهرباء الي غاز لاني بجهز شقتي ومفيش غاز غير الانبيب
وكنت سامع ان في سخان Fujitsu Siemens كهرباء كويس
تقريبا كدا ان افضل شى ايديال وبعد كدا كريازى
والغاز انا غيرت ليه علشان المنطقه خلها غاز طبيعى فقلت اوفر واحسن
ياريت لو تقدر تجيب جونكر المانى من العجيل او اى حد نازل من عمره وعلى فكره ايديال مثل ينفرسال مثل اوليمبيك نثل كريازى نفس التصميم وعلى فكره كلة عدة من الداخل صينى والاختلاف فى البودى الخارجى ولا شركة من هذة الشركات بتصنع غير البودى وممكن ترضى بسخان المصانع الحربية افضل تصنتيع مصرى وكان زمان خط انتاج المانى واى حد يقدر يعملة صيانه بس شكلة الخارجى وحش ولو فكرت هات س 8 او س 10 مصانع وهذا عن تجربة انا اشتريت مصانع 10 لتر كان شغال 25 سنة عند صاحبه واشتغل عندى حوالى 7 سنوات وبعته واشتريت جونكر 10 لتر مستعمل ايضا انا شغال فى شركة غاز مصر فى قسم التحويلات اى التشغيل خبرة 19 سنة يعنى مش بفتى وممكن تلاقى جونكر مستعمل فى الوسيط شكلة ابيض وبة 2زر واحد احمر والاخر ازرق والله الموفق
يونيفرسال داه مش حلو
اقتباس:
المشاركة الأصلية كتبت بواسطة abogooda
محدش قال ان حضرتك بتفتى لا سمح الله بالعكس اطلاقا خبرتك لازم الواحد يقدرها ويستفيد منها بس انا شخصيا اول مره اسمع عن النوع دا بس ان شاء الله هسال عليه عند العجيل يمكن الاقيه جديد ولو مش موجود جديد هجيب نوع تانى لانى مش عايز مستعمل خالص
وشكرا لمرورك الكريم
اقتباس:
المشاركة الأصلية كتبت بواسطة engahmedsamy
كله بيقول كدا برضوا
+11111111111اقتباس:
المشاركة الأصلية كتبت بواسطة أحمد كمال
كلام 100 100 انا كمان مجرب الاتنين ومتفق مع الرأي ده
ايديال ده ممتاز جدا و مش محتاج حتى مدخنة ( بالنسبة للحجم الصغير ) مش عارف بقى الكلام ده ينطبق على الكبير برضه ولا لا
بس الصغير بيقضى الغرض و المية بتسخن في ثوانى و سهل التحكم فيه و مش بيفصل لو ضغط المية ضعيف او يفصل لما تنجز بالحنفية الباردة زي اليونيفرسال ، يعنى فكك من يونيفرسال ده خالص فعلا وخليك في ايديال
يونفرسال
اولمبيك (هو نفسه ايديال عشان الشركتين انضموا بس الاولمبيك السربنتينه نحاس)
ايديال
على الترتيب
بس الاوليمبيك والايدال افضل فى توافر قطع الغيار وسهوله الصينانه
أنا عندى ايديال كان بحوالى 600 العشره لتر الفرق بين الخمسه والعشره مش كبير حوالى 100 جنيه بس الخمسه لتر فيه ميزه أنه مش بيحتاج مدخنه
مع احترامي للجميع ابعد عن jonker ده او بتاع الهيئة العربية للتصنيع تمااااااااااااااااااااااا مااااااااااااا !
انا جبته في البيت و اقل مايوصف بيه ان زبالة زبالة زبالة !
اه بيسخن و شغال كويس لكن تصميمه زباله و اصوات غريبة و تحس انه حيفرقع في وشك !
والزارير مقرفة .. و جبت بتوع الصيانة 10 مرات .. و مفيهوش اي حاجة تحسسك ان امن .. المواسير و السلوك ممكن تشوفها من تحت و الزاير طريقة ضغطها و ظبطها ينتمى الي ال 70يات مش 2010 !
الي يغيظك انه مش رخيص ولا حاجة ! مش فاكر كان تمنه كام !
حمايا شغال في الهئية العربية للتصنيع و هو بنفسه الي قالي مكنتش جبت ده خالص !
ده تحفة اثرية تحطه في متحف تتفرج عليه .. انما ده لا يمتمى لالمانيا او سنة 2010 باي صلة نهــــــــــــــــائي !
اقتباس:
المشاركة الأصلية كتبت بواسطة أحمد كمال
احمد بك ... الخلاف لا يفسد للود قضية
بصراحة انا عندي سخان يونيفرسال وشغال معايا زي الفل من 2005 وكل الكلام اللي حضرتك قولتله عندي العكس تماما
يعني بيشتغل على الميه الضعيفة
موفر في الغاز الأنبوبة بتقعد شهر كامل في الشتاء وبتعدي الشهر في الصيف كمان (شغال للمطبخ والحمام برضه وبستحمى كل يوم كمان )
خدمة العملاء جربتهم مرتين ومفيش اي مشاكل
وبالنسبة للنقطة اللي حضرتك قولتها انه بيفصل هو مكتوب في الكتالوك انه بيفصل بعد 20 دقيقة من الفتح المتواصل (يعني اجراء وقائي وتقدر حضرتك تقفل الحنفية وتفتحها تاني عادي)
الشعلة بتشتغل بالبطارية وبتتغير كل فترة بمنتهى السهوله
السخان اللي عندي 10 لتر شاشة ديجيتال شغال 5 سنوات بدون عطل واحد والحمد لله
احسن سخان غاز س10 مصانع حربية
المكنة بتاعتة المانى بتتجمع فى المصانع الحربية
م.عصام مهنى
بص من الاخر هو سخان vaillant المانى احسن سخان وبسم الله ماشاء الله علية ما شوفتش زية
بس احنا كنا جايبنة من حوالى 10 سنين ب2000 جنية
وبسم الله ما شاء الله زى ما هو من ساعة ما جية
بس معرفش تمنة كام دلوقتى
اقتباس:
المشاركة الأصلية كتبت بواسطة mr_safwt
بص لقيتلك تمنة بس معرفش الفرق بين الانواع احنا اللى عندنا غاز عادى معرفش اية الحاجات الجديدة اللى نزلت دية
فالينت المانى 6 لتر ب 1525
فالينت المانى 11 لتر ب 1650
اما الحاجات الجديد دية معرفهاش
فالينت المانى 6 لتر نيو ديسيجن ب 2350
فالينت المانى 11 لتر نيو ديسيجن ب 3100
هو واضح إن يونيفرسال زى البطيخة .. لإننا جبنا سخان يونيفرسال الصغير 5 لتر ومن ساعة ما جه وهو قارفنا .. يفتح الشعلة ثوانى ويفصل .. كلمنا خدمة العملا بتاعتهم .. زبالة .. الخطوط على طول مشغولة وفين وفين لما يردوا ويدوك معاد وميجوش .. وفى الآخر ييجى واحد يصلح العيب وبعد فترة يرجع تانى .. وعلى هذا الحال كل شوية .. وبعدين مرة لقيناه مبيشتغلش خالص .. كلمناهم جم صلحوه (عيب مختلف عن العيب اللى فات) وأهه دلوقتى شغال بس ربنا يستر ويفضل شغال ميطلعش عيب تالت ..اقتباس:
المشاركة الأصلية كتبت بواسطة kh_talaat
مع إن بأه نفس السخان عند ناس قرايبنا وبيشكروا فيه وبيقولوا شغال كويس من ساعة ما جابوه ..
أوليمبك جروب بيتميزوا بخدمة العملاء الجيدة والسريعة ..
أعتقد سخان أوليمبك كويس ..
انا جايب يونيفرسال 10 لتر من 6 سنين الحمد لله كل الى اتعمل فيه تغير الحجاره فقط لاغيراقتباس:
المشاركة الأصلية كتبت بواسطة ahmed hamdy
و عوامل الامان فيه ممتازه يعنى بعد عشرين دقيقه تشغيل متواصل بيفصل
لو السخان فى الحمام الاكسجين قل بيفصل
بلنسبه لخدمه العملاء انا مجربتهمش الحمد لله
والله مش عارف اقول ايه بس اختلاف فى الراى دا فى مصلحتى بصراحه لان كل واحد بيقول رايه
بالنسبه للسخان الالمانى غالى جدااااااااااااااااااااااا ا
ممكن تقولنا سعر الالماني جديد بكام؟؟؟؟؟؟؟اقتباس:
المشاركة الأصلية كتبت بواسطة abogooda
اقتباس:
المشاركة الأصلية كتبت بواسطة mr_safwt
شكرا لرد حضرتك
السلام عليكم
انا نفس ظروفك تقريبا بس انا لسه بوضب في الشقه وعندي غاز طبيعي .. المهم عشان مطولش عليك
السخان يونكرز وليس جونكرز المتوفر في السوق حاليا مختلف عن يونكرز الاصلي فلا انصح به
السخان فالينت كان الماني ودلوقتي اتحاد اوروبي - سعر غالي لا يساوي الجوده
بالنسبه للسخانات المحليه لا انصح بيونيفرسال ولم اجرب الباقي بس ان شاء الله انا نويت اشتري وايت ويل
انا اشتريت انبارح يا شباب وجبت وايت ويل 10 لتر وكان بى 620 جنيه لون فضى
كريازى افضل لانه مازال يعتمد قطع مستوردة ولا يعتمد الصينى كبدائل لرخص المنتج وال اتجهت اليه ايديال قطع كثير بقت صينى لضرب الاسعار على حساب الجودة . وبعدين عن تجربه خدمات مابعد البيع ممتازين
يونيفرسال تعبان تعبان تعبان
هو السخان الالماني بيتباع فين؟؟؟
اوجزت و افدتاقتباس:
المشاركة الأصلية كتبت بواسطة mr_safwt
سعر 10 لتر 1500
الف مبروك على السخان
الله يبارك فيك ........... بس دا بقاله سنه ونص تقريبا
انا لسه جايب اوليمبيك ٦ لتر في المطبخ و عندي غاز طبيعي احسن حاجه انك تظبت درجه الحرارة علي37 وتفتح المياه السخنه فقط اول ما تفتح الحنفيه السخنه الاشعال الذاتي يشتغل لكن يظل حوالي ٢٠ ثانيه و تلاقي المياه السخنه نزله وعيش ومهما قعد تحت الدش من وقت عادي مافيش اي تغيير في درجه الحراره
لكن مهم جدا يكون عندك ماتور مياه
فني شركه الغاز شكر جدا في الاوليمبك عن يونيفرسال مع ان الاوليمبك ارخص بحوالي ٤٠ او ٥٠ جنيه لكن صراحه ربنا سخان اوليمبك ماشاء الله زي الفل