الموضوع: عاوز مساعده ( اجيب m11 ولا ايه )

516 معيا موديل 2008 و بصراحه عربيه حلوة جدا جدا جدا و بتستحمل بجد

المشاركة الأصلية كتبت بواسطة etr010

انا لسه جديد ف العربيات خااااااااالص و تقريبا معرفش حاجه عنها كويس انا رحت ف الاول اجيب عربيه لانوس للاستخدام الشخصى و مفيش مانع ان البيت يستخدمها برضو لكن وانا ف المعرض شوفت ال ام 11 و بصراحه شكله تحفه من برة و جوة و سألت عليها لاقيتها تقريبا من نفس فئه سعر اللانوس المهم دلوقتى العربيه دى من العربيات اللى ممكن تعيش معايا وانا اصلا استخدامى قليل للعربيات و لو فرضنا انى استخدامى كتير هتعيش برضو ولا ظروفها ايه المميزات و العيوب و ممكن تعيب من ايه و اكون شاكر جدا لو اعرف سعرها المتداول ف السوق و شكرا جدا

يعنى دة سؤال تسالة بعد كل اللى مكتوب

من الاخر عشان تستريح وعلى راى الاستاذ حجازى

خليك فى المضمون احسن

ونصحتى ليك ابعد عن عربيات الاسبرانزا عموما بجميع فاتها عشان هى بختك يا ابو بخيت

العربية لا يوجد بها عيب تصميم نهائى بالعكس تصميمها رائع و كماليتها رائعة ( بس المستورده على ابوها)

انما اللى مجمعها ابو الفتوح ده كلها فيها عبر الدنيا و الاخرة يعنى انت و حظل - وللعجب بتلاقى حجات غريبة عمرها ما بتحصل فى العربيات المستعمله و عجب العجاب كمان لما تتخانق مع التوكيل و يمن عليك من كرماته يغيرهالك تلقيها برده بيظة

كده المعلومه وصلت بلاهها سوسو خد ناديه و شكرا

المشاركة الأصلية كتبت بواسطة etr010

كده المعلومه وصلت بلاهها سوسو خد ناديه و شكرا

احلي رد و الله زي العسل
بس برضه بلاها سوسو و بلاها ناديه ..... خد اللانوس و ريح دماغك و متخاطرش

مش عارف اقول لحضرتك ايه بس طبعا الناس الى بتشتكى من العربيه صادقين والى بيشكرو فيها صادقين
والى حصلهم بعض المواقف منها والحمد لله فى حالة استقرار الآن ان ششاء الله صادقين
بس المهم اقراء عن السيارات التانيه برده وعموما الصناعة فى مصر او التجميع مش 100 100

وفى الأخر ربنا يقدر لك الخير وروح اتفرج على كل العربيات وقارن كل الاراء وربنا يصلح حالنا وحالك