الموضوع: منين اجيب الباب الحديد اللى بيتركب على باب الشقه؟

يا باشا دا بيتعمل عمولة عند الحداد حضرتك تروح لاى حداد ياخد مقاسات الباب وفى الغالب بتكون ثابتة وتختار شكل الباب من الكتالوج وفية أشكال جديدة حلوة وتتحاسب معاة بالكيلو مش بالمقاولة ويستحسن أن يكون السعرشامل التركيب وعليك أنك تجيب قفول وكوالين محترمة وغالية علشان الامان وبلاش الكالون أبو تكتين لان مالوش لازمة على الاطلاق

انا سمعت انه بقى فيه باب حديد جاهز صينى
اسمه الباب المصفح
اسال عليه فى العتبة

زى م الأخوة سابقونى وقالو
هات حداد كويس يأخذ المقاسات من على الحلق الخارجى للباب ويقوم بتفصيله
أنا مركب واحد من حوالى 6 شهور تكلف معى بالدهان والطبله والتركيب والنقل 900 جنيه
وعلى فكره مش حتلاقى حد يأخذه بالكيلو لأن حساب الحديد المشغول بالكيلو يكون فى الكميات الكيبره انما الباب يعتبر مقاوله

المشاركة الأصلية كتبت بواسطة egyptawy2010

انا سمعت انه بقى فيه باب حديد جاهز صينى
اسمه الباب المصفح
اسال عليه فى العتبة

الباب المصفح ده بيكون لوح صاج محمل و مكسي خشب يعني بيبان كانه باب عادي لكن الزميل بيسأل عن الباب الحديد الكريتال اللي بيركب امام باب الشقه الخشب كباب تاني وده زي ما الزملاء قالوا بيتعمل عموله عند حداد زي البوابات. و الافضل ان الاتفاق يكون شامل سعر الباب بالكيلو بعد اختيار الشكل+النقل+الدهان+التركيب

المشاركة الأصلية كتبت بواسطة yaserbasha2000

الباب المصفح ده بيكون لوح صاج محمل و مكسي خشب يعني بيبان كانه باب عادي لكن الزميل بيسأل عن الباب الحديد الكريتال اللي بيركب امام باب الشقه الخشب كباب تاني وده زي ما الزملاء قالوا بيتعمل عموله عند حداد زي البوابات. و الافضل ان الاتفاق يكون شامل سعر الباب بالكيلو بعد اختيار الشكل+النقل+الدهان+التركيب

طيب ما بيتهيئلى ده احسن عشان بيدى ميزة الحديد الامان والقوة
وشكل الخشب الشيك ولا ايه