الزجاج الامامي عليه شبورة زيت

**m_totti** · 20-07-2010 11:48 AM

السلام عليكم

انا عندي مشكلة غريبة في الكريستالة وهي اني كل فترة والتانية أجد الزجاج الامامي من الداخل مشبر زيت ولازم امسحه علشان الرؤية هل حد يعرف المشكلة ده منين هي بالضبط زي بخار المياه بس مزيت كل يومين تلاتة .

شكرا منتظر الرد

**venomixus** · 20-07-2010 12:09 PM

دي بيتهيألي من المعطرات والرطوبه اللي في الجو. الزيت بتاع المعطر بيتبخر ويلزق في القزاز. ممكن تجيب البخاخه بتاعة تلميع الزجاج وفوطه ناشفة أو جورنال وتلمعه

**M.Al-Hefnawy** · 20-07-2010 12:45 PM

فعلاً الكلام ده صح المعطرات وملمعات التابلوه هي اللي بتسبب الموضوع ده.

**m_totti** · 20-07-2010 01:28 PM

لا ياجماعة انا مش حاطط اي معطر او ملمع تابلوه اعتقد انها جاية من الكابوت

**mr_vampire** · 20-07-2010 02:37 PM

لو ولا معطر ولا ملمع. يبقي اعتقد لما بتغسل العربية في مغسلة بيستخدمو بخار ماء فيه نسبة كيروسين او جاز.( البقعة بيضة وكبيرة وحاجبة الرؤية خاااااااااااااالص ) لو كدة يبقي فعلا من المغسلة لانها حصلت معايا وبالذات تلاقيها لما تبقي قافل العربية فترة او تلاقيها وانتا نازل الصبح. ولا بتظهر وانتا ماشي بالعربية ؟؟؟؟؟؟؟؟؟؟؟

**HeMa_LanCeR** · 20-07-2010 02:39 PM

جايه من الكبوت ازاي وهي من جوه ؟؟؟؟؟

**mr_vampire** · 20-07-2010 06:36 PM

المشاركة الأصلية كتبت بواسطة hema_lancer

جايه من الكبوت ازاي وهي من جوه ؟؟؟؟؟

ملاحظة حلوة بس ممكن تبقي سببها فعلا الهوايات اللي ورا الزجاج الامامي في فوق التابلوه. هي البقع ده عالزجاج الامامي بس ولا باقي الشبابيك؟؟؟؟؟؟ لو كل الزجاج يبقي اكيد زي ماقولتلك من المغسلة.

**M.A.EL-SATAR** · 20-07-2010 10:11 PM

المشاركة الأصلية كتبت بواسطة m_totti

السلام عليكم

انا عندي مشكلة غريبة في الكريستالة وهي اني كل فترة والتانية أجد الزجاج الامامي من الداخل مشبر زيت ولازم امسحه علشان الرؤية هل حد يعرف المشكلة ده منين هي بالضبط زي بخار المياه بس مزيت كل يومين تلاتة .

شكرا منتظر الرد

باشا انت حاطط مصحف او حاجة فيها جلد على الطابلو وتركن العربية في الشمس دا اللي بيحصل معايا مسحابة الزيت بتبقا فوق المصحف بالضبط

**m_totti** · 21-07-2010 12:25 PM

البقعة ده بتظهر فقط في جزء امام المقعد الجانبي لحسن الحظ مش امام السائق مباشرة او باقي الزجاج وانا اقصد بالكبوت ان تكون جاية من الهوايات الداخلية عن طريق اي خراطيم تكييف مثلا او حاجة زي كده