الموضوع: عدلت عدادات الـ504، led rpm، إضاءة بيضاء و شكل جديد

السلام عليكم

أولاً أحب أشكر كل الأعضاء اللي استفدت من مشاركاتهم هنا في المنتدى و أخص الموضوع ده http://www.nilemotors.net/Nile/127695-504.html و العضو عمرو السقا اللي وفر الصور الخاصة بتغيير شكل العدادات


======================

أولا: عداد RPM بلمبات LED أبيض
ما كانش عندي عداد RPM أساساً و عندي مكانه الساعة اللي بعقارب و هي واقفة من 20 سنة تقريباً، جت لي فكرة و قعدت أدور في النت على دائرة RPM بدون مؤشر عبارة عن لمبات تضئ تباعاً كلما زادت لفات الموتور و لقيتها

نزلت اشتريت المكونات و هي متوفرة جداً في باب اللوق (النخيلي، الجمال، رام إلخ..) و اتكلفت 35 جنيه

و بدأت الشغل و أخدت 3 ساعات للتجميع ، و كانت أول تجربة ناجحة

[youtube]http://www.youtube.com/watch?v=Z5WAXkjszhw[/youtube]

و دي صور الدائرة المبدئية اللي عملتها

نيجي للتطبيق على لوحة العدادات بقى، هل أسيب لون اللمبات أبيض؟ هل أخليها على شكل خط؟ ولا أعملها شكل دائرة؟ و كده أو كده، إزاي يبقى شكلها متقن؟

رحت على موضوع تعديل العدادات و أخذت الصور و عدلت صورة عداد الRPM و طبعتها هي و عداد السرعة عند الاستديو

ملاحظ أن كل 3 لمبات = 1000 RPM لأني عايرت الدائرة بالشكل ده على عربية واحد صاحبي (شاهين) فيها عداد RPM و ظبطت الدائرة عندي على كده


طبعت من كل صورة نسختين عشان تحطهم فوق بعض لزيادة العتامة عند إضاءة النور الصغير (الإضاءة خلف الورقة)

بالنسبة للورقة الخلفية قمت بتفريغ أماكن اللمبات (المربعات الصفراء) زي الصورة

و دي الدائرة قبل التركيب و بعد لحام اللمبات البيضاء في شكل دائري

الدقة في 3 حاجات:
1- تفريغ أماكن اللمبات في الورقة الخلفية
2- أماكن اللمبات و المسافة بينها
3- العزل بين كل لمبة و الأخرى و دي أكتر حاجة أخدت وقت

[youtube]http://www.youtube.com/watch?v=y2apwM2zBBs[/youtube]

تغيير عن الشكل القديم

====================

ثانياً: إضاءة خلفية للعدادات بلمبات LED أبيض
عملتها باستخدام 5 أو 6 لمبات خلف كل عداد، لكن أظن لو ركبت شريط ليدات هتبقى النتيجة أحسن + أريح في الشغل
لكن راضي بالنتيجة جداً و ممكن أعدلها بعدين مش دلوقتي

[youtube]http://www.youtube.com/watch?v=PwFY2LzbF1M[/youtube]

-----------

المشاركة الأصلية كتبت بواسطة eslam.elrefaey

إيه الحاجات الجامده دى شكلها جامد جدا وبالذات موضوع الrpm ده ربنا يوفقك بس مش الليدات دى بتضرب كل شويه كل بقا لما تضرب هتغيرها ولا ايه

بص يا سيدي، الليدات دي شفافة بتنور أبيض، يعني من النوع اللي بيحتاج فرق جهد 3-4 فولت (زي اللي بتنور أزرق) بعكس الألوان التانية اللي بتحتاج 2 فولت بس، زي اللمبات اللي لونها أحمر أو أخضر أو أصفر مثلاً و إضائتها أضعف طبعاً
و كمان خرج اللمبات اللي طالع من ic lm3914 (متوسط 10 مللي أمبير و أقصى شئ 13 مللي أمبير) مناسب و آمــــــــــن جــــــداً على اللمبات البيضاء اللي بتشتغل على 20 مللي أمبير

و بالنسبة للإضاءة خلف العدادات استخدمت مجموعات لمبات ليد على التوازي كل مجموعة منهم عبارة عن 3 لمبات موصلة على التوالي، و فرق الجهد اللي قسته في إضاءة العدادات كان 9 فولت يعني كل لمبة أقصى فولت عليها 3 بس ، غير كده تابلوه العربية فيه مقاومة متغيرة (في الفيديو الأخير) ممكن تقلل الإضاءة عن كده كمان لزيادة الأمان

موضوع كامل متكامل لا ينقصة شئ سوى تجارب الاعضاء وابداء النتائج

العداد عامل دلوقتي 210كم و شغال زي الفل، و في النهار واضح جداً إلا لو عليه ضوء شمس مباشر بيبقى محتاج تدقيق

المشاركة الأصلية كتبت بواسطة ghabbour

الله ينور عليك كنت فين يا عم قبل ما ابيع ال 504 من 12 سنة كان نفسى اعمل فيها حاجة
يالا يا بختكو يا بيجواين
و فعلا ممتاز و دكتور

ربنا تاب عليك منها يعني

المشاركة الأصلية كتبت بواسطة iunknown

Nice mod

keep it up

Thanks

المشاركة الأصلية كتبت بواسطة kimo-nubira

موضوع جامد وشغل عالي احيك عليه نفسي اعمل حاجه زي ديه كده في النوبيرا بس مش عارف ينفع ولا لاءه ؟؟

أهم حاجة يكون في مكان للمبات، لو كده يبقى أكيد ينفع
لو المكان ضيق توجد لمبات LED مربعة و (مبططة) ممكن تنفع

المشاركة الأصلية كتبت بواسطة mikology

تسلم ايديك
انت ممكن تبتدى تعمل شغل لكل الاعضاء و ناس كتير نفسها تعمل الشغل ده
يا مسهل يا رب

ربنا يسهل

المشاركة الأصلية كتبت بواسطة ohw27

بجد عداد ال rpm تحفة يا باشا بجد جامد قوي

الله يخليك

المشاركة الأصلية كتبت بواسطة yyy

شغل رائع

شكراً

المشاركة الأصلية كتبت بواسطة the-hero

الله الله الله روعة بجدا وشكلها جميل جدا تسلم ايدك ياباشا
فعلا الحاجة ام الاختراع

حاجة كده شغل بلاد برة :)

المشاركة الأصلية كتبت بواسطة midomizo

موضوع كامل متكامل لا ينقصة شئ سوى تجارب الاعضاء وابداء النتائج

أنا جمعته كده أحسن من الموضوع اللي في قسم الكماليات. الموضوع التاني كان work log باحدثه كل ما أعمل خطوة جديدة

المشاركة الأصلية كتبت بواسطة MoStAfA-StabS

الله ينور بجد 100%

شكراً

المشاركة الأصلية كتبت بواسطة sterio_504ever

طيب بجد انا معايا 504 نفس العداد و نفسى اعمل كده
بس للاسف انا فى الكهربااا طيييييييييين مفهمش فيها حاجه
ممكن تعملهالى و انا مستعد اجيبلك كل حاجه لغايط بيتك حتى الشاشى و الشيشه

أعملها لك يا سيدي بجد مش عزومة مراكبية بس بشرطين:
1- تستنى عليا بعد الامتحانات
2- من غير شيشة
3- سندويتشين و حاجة ساقعة

المشاركة الأصلية كتبت بواسطة MOSHAKS

جامد جدا جدا ماشاء الله هما دول المصريين بدماغم الجبارة ربنا يباركلك فيها ويكفيك شرها

هو كل حاجة مصر مصر ، يا حبيبتي يا مصر

المشاركة الأصلية كتبت بواسطة MaZaGAngeE

انا هجرب كده و لو فيه مشاكل هبعتلك
ده جه في وقته الموضوع ده

عشان يبقى تجديد شامل كامل، و حط صوابعك في عين أي تاجر استيراد يتقمر عليك و يقول لك العدادات الاستيراد بالـ RPM بـ 450 جنيه و انت طالع
لو تصبر شوية هنعمل كمان عداد RPM و عداد سرعة و عداد حرارة بأرقام ديجيتال يعني حاجة كده اسمها سفن سجمنت Seven Segment
حاولت أعملها بس فيها مشكلة و مش فاضي لها تاني دلوقتي للأسف

المشاركة الأصلية كتبت بواسطة HRH_Sameh

الصراحة تحفة
تسلم دماغك

تسلم

المشاركة الأصلية كتبت بواسطة waelms3

بجد تحفة فنية تسلم دماغك اولا شغل وتفكير راقى ثانيا العمل بحرفية عالية جدا ومتقنه ممكن اعرف من حضرتك اتكلف كام بالظبط

لازم يتعمل كده بدقة و ياخد وقت و مجهود و إلا كان هيطلع شكله أي كلام، بس النتيجة بتعوض التعب، التكلفة تقريباً 40-50 جنيه مش أكتر بحساب كل حاجة
3914 الواحدة بـ 10 جنيه
2917 12 جنيه
7909 2 جنيه
زينر ديود 1 جنيه
أي مقاومة 5 قروش
أي مكثف تقريباً 20-50 قرش
لمبة ليد 20 قرش اشتريت خمسين واحدة بيضاء و شوية أحمر على أخضر دول بـ 15 قرش
طباعة الصور 3 جنيه 4 نسخ
لكن هيدخل معاك شوية عدة المفروض أنها عندك (مكواة لحام، أفوميتر ديجيتال، أسلاك رفيعة من أي ماوس أو كابل قديم، ملقاط أحجام، مقص، مفكات، بنسة، أباجورة إلخ...)

المشاركة الأصلية كتبت بواسطة kisho55555

الله ينور عليك يابو حسنى والله .... شغل عالى ...

عقبالك يا باشا
و أنا وراكم لما كلكم تركبوا البتاع ده

الله الله الله روعة بجدا وشكلها جميل جدا تسلم ايدك ياباشا
فعلا الحاجة ام الاختراع

شغل رائع

موضوع جامد وشغل عالي احيك عليه نفسي اعمل حاجه زي ديه كده في النوبيرا بس مش عارف ينفع ولا لاءه ؟؟