الموضوع: بيجو 505 استفسار من فضلكم

السلام عليكم ورحمة الله وبركاته
بعد التحيه :

انا اسمي احمد ودي اول مره اشارك بصراحه في المنتدى هنا بس عجبني ردود الناس في الموقع ككل

عندي عربيه بيجو 505 استيشن موديل 81 عاده

عايز اغير التابلوه واجيب واحد طياره وعايز اركب فيها تكيف وبور وفتيس اوتو ماتيك

المكانيكي قالي الانجكشن مش حلو والكربراتير الي عندك احسن واغلى !!
عن نفسي مش عارف مش مقتنع بكلامه بس انا بصراحه زهقت من الفتيس العادي كمان زهقت من الحر
وشكل التابلوه والكنسوله بتاعه
قالو ليا لو روحت بلقاس هتلاقي في هناك انصاص عربيات من دي كتير وكمان بورسعيد بس مش زي زمان
وناس قالت روح الحرفيين
انا بصراحه مش عارف اعمل ايه ولا عارف تكاليف الكلام ده ايه
من فضلكم انا عايز استشاركم ورائكم معايا اكيد هيفدني اوي

اعدل التابلوه ولا لاء
كمان اعمل الفتيس اوتوماتيك ولا هياكل بنزين كمان
اغير الكربراتيز واعمله انجيكشن وده هيطرني لتغير في المكنه كمان ولا لاء ولو عملت كده هيفيد في اداء العربيه ولا لاء
المكنه انا كنت عامل ليها عمره من يجي سنه كده والمكانيكي قالي دي اخر حاجه مينفعش بعد كده عمره دلوقتي بقى حاجه مش فاكر اسمها ايه تقريبا البساتم بقت 100 ودي اخر حاجه بعد كده تجيب مكنه تانيه

من فضلكم الي عنده او يعرف حاجه من الي سالت فيها يفيدني واكون شاكر جزيل الشكر ليكم



السلام عليكم ورحمة الله وبركاته

السلام عليكم ورحمة الله وبركاته
بعد التحيه :

للدرجه دي محدش عارف ولا مش عايزين تردو بقى علينا :ء

اتمنى المساعده بجد لاني عايز اعمل الي قولت عليه ونفسي تفيدوني افادكم الله

مستني الرد يجماعه من فضلكم مشكورين