ماشى ماشى اصبر عليا ههههههههههههههههههههههههه ه صباح الفل يا جاليليو:S_thum1[1]:
عرض للطباعة
والله يا جماعه كتر خيركم كلكم على المعلومات والنصايح الجميله :-) ده انا حبيت التمبرا اكتر من الاول بسببكم :-) هههههههه
بص انا عربيتى التمبرا انجيكشن الفرق حوالى 2 لتر فى الكيلووات الزيادة مثلا الكاربراتير ال 100 كيلو 15لتر الانجيكشن 100 كيلو ب 13 لتر بالتقريب كدة و الفرق مفيش الاسبراتير العادى الاسبراتير كهرباء ما بيتظبطش كلة اليكترونى و زى ما قلت لك مش حا تلاقى الانجيكشن الا لو العربية استيراد تقريبا
تمام , يعني فعلا الفرق بين الاتنين مش كبير بالنسبه لاستهلاك البنزين
طيب عندي استفسار بسيط كمان و يمكن يكون غريب شويه :-)
هي التمبرا دفع خلفي ولا جر امامي ؟؟؟؟؟
لان الدوجان كنت بعاني فيها من موضوع الكارونه وصلايب الكردان و و و وووو ,, تقدر تقول اني اتعقدت من الدفع الخلفى :-)
كبالن يا باشا و تجميها مش بطيىء سريع و كويس و عزم 124 نيوتن تقريبا
و الصورة للعفشة الامامية اهية http://img706.imageshack.us/img706/9...683fb4badc.jpg
الله ينور عليك يا استاذ هشام والله
انا فعلا محتاج اعرف عنها ادق التفاصيل لاني اليومين دول بجمع معلومات وربنا يسهلي اموري ان شاء الله
انا بس مستنى الفكره توضح بنسبه 100% ادامي , وبعدها هبدأ رحله البحث عن تمبرا نضيفه , واكيد هاخد رأيكم خطوه بخطوه :-)
اولا احب اهنيك على اختيارك
وثانيا احب اهنيك تانى لانك وقعت فى ايدين هشام اللى مش هايسيبك الا لما تفهم كل سم فى العربيه
واى سؤال صعب قوى بنتعب فيههتلاقى جاليليو يجيبلك خلاصته
بص انت من الاخر جيت فى المكان الصح و فى الوقت الاصح
بالنسبه لسؤالك عن العربيه التمبرا
عربيه ممتازه سعرها ممتاز بالنسبه لامكانياتها
قطع غيارها فى متناول الايد - وممكن تتجاب استيراد كمان بتبقى برخص التراب
عربيه واسعه جدا ( انا طولى 184) وبقعد مرحرح على الاخر - عاليه عن الارض - انسى المطبات اللى بالعرض (طبعا فى الانوس بتحصل كتير) - سحب ممتاز - موتور قوى 1600 سى سى - عافشه هايله - صاج متين - ثبات هايل - كسرت القاعده بالنسبه لفيات - الميكانيكيه بيسموها مرسيدس الفيات - لان فيات كانت عاملاها عشان تنافس بيها الالفا روميو (ده اللى سمعته و الله اعلم) (تخيل بقا )...... مش دوجان (مع احترامى لمالكيها بس دى حاجة و دى حاجة تانيه خالص)
تكييف حلو جدا - كماليات بالعبيط - فى منها فتحه سقف مرايات كهربا - جنوط اسبور - سبويلر - فوج لايت وفى منها بـــ abs airbags ( بس صعب تلاقيه بسهوله) زى بتاعه هشام
وحجات كتير يعنى - تستاهل اكتر من 40 الف كمان - بس هو الفكر المصرى الصميم فى اللجوء الى سياسه القطيع !!
واى سؤال يخطر ببالك الرجاله هنا هايفيدوك افاده كبيره ان شاء الله
و لك تحياتى